الموضوع: أول مصنع لصناعة السيارات فى مصر ( صناعة مش تجميع)

المشاركة الأصلية كتبت بواسطة Ahmed Anwer

اسمحولي أجمع أراء الأخوة في الموضوع و احطها في نقاط لتصنيع السيارة المصرية :_

1- تغيير النظام الحالي بنظام عنده إرادة التطوير و التغيير و أكثر مصداقية ( مش عارف مين يقدر يعمل كده :D :D )

2-الإستعانة بشركة عالمية ذات خبرة واسعة و مخاطبتها للبدء في تصميم سيارات مصرية و تطوير شركة النصر للسيارات و الهيئة العربية للتصنيع لتكون قادرة علي التنفيذ و للإستفادة بالإمكانيات الموجودة حاليا بدلآ من البدء من الصفر
وبناء علي رأي الزملاء أرشح شركة ميتسوبيشي
و شوفوا اللينك ده
http://www.mae.co.jp/en/index.html
ميتسوبيشي أساسا عاملة شركة مختصة بالتصميم و توريد خطوط الإنتاج لحساب الغير
و كلنا عارفين إن هيونداي ابتدت بالإعتماد علي تكنولوجيا مشتراه من ميتسوبيشي و خلال 27 سنة وصلت إنها خامس أكبر شركة في العالم
و كذلك بورتون و دلوقتي وصلت لمستوي هايل و فولكس دايخة عشان تشتريها و هيا اشترت لوتس

3- تحديد سيارات معينة لضمان التسويق
سيارة 4× 4 للإستخدامات العسكرية بنسخة مدنية ،، يشتريها الجيش المصري
سيارة سيدان 1600 CC توحد كالسيارة الوحيدة التي تعمل تاكسي زي إنجلترا و دول تانية كتير مع خطة لتكهين التاكسيات القديمة
علي نفس شاسيه و موتور و عفشة التاكسي سيارة شعبية لكن بشكل مختلف أكثر جاذبية لإستخدام الملاكي و أي إستخدام حكومي
و بكده نكون ضمنا التسويق الداخلي للقوات المسلحة و الحكومة و السيارات الأجرة

4- عمل إتفاقيات تجارة مع الدول الإفريقية و الدول العربية و محاولة تسويق تلك السيارات هناك
بس ده ممكن يكون بعد فترة

5- الدعاية للسيارة بإنها سيارة مصر الوطنية لتحفيز الجمهور علي شرائها و تشجيع منتج بلده مع عمل تسهيلات و ضمانات و تخفيض رسوم المرور ( وكمان المخالفات :D :D ) عن السيارات المستوردة

6- عرض الدراسة علي مجموعات إستثمارية مصرية أو عربية أو بفلوس البنوك المتلتله بدلآ من تهريبها :D :D بشروط معينة ، و في نفس الوقت مع كل الضمانات السابقة و بدعم مباشر و قوي من الحكومة المصرية ، لو لم يوجد المستثمر الجاد ( وده صعب بعد كل الضمانات دي )، تبدأ الحكومة بنفسها

لم يتم إدراج السيارات التجارية زي النقل و الأتوبيس و خلافه لأن غبور و منصور و شركة النصر بالفعل محققين إنجازات كويسة في المجال ده

و إن كان ممكن عمل رقابة عليهم و إرغامهم علي زيادة البحث و التطوير و زيادة نسبة المكونات المحلية بالتدريج مقابل إعفاءات و إمتيازات اخري

محدثكم الدكتور أحمد نظيف :D :D :D

يااااه
تصدق لو الكلام ده حصل . أنا فعلا أكون فخور اني مصري
يس عارف ايه العقبة ؟؟؟
نمرة واحد

- الدعاية للسيارة بإنها سيارة مصر الوطنية لتحفيز الجمهور علي شرائها و تشجيع منتج بلده مع عمل تسهيلات و ضمانات و تخفيض رسوم المرور ( وكمان المخالفات ) عن السيارات المستوردة

بلاش الحته ديه ,الناس لما تسمع كلمه تقفيل مش حقولك تصنيع فى مصر بيقرفوا من المنتج ده جدا
احنا لو قولنا على العربيه انها سنغالى حتتباع اكتر من المصرى

إن الله لا يغير ما بقوم حتى يغيروا ما بأنفسهم