شكرا ليك على التقيم الرائع
وهى بصراحة سيارة اكتر من ممتازة
عرض للطباعة
شكرا ليك على التقيم الرائع
وهى بصراحة سيارة اكتر من ممتازة
أنا لسة راجع من مؤتمر في أقصى شرق كندا (halifax) . اجرت العربية دي عشان أروح بيها أشوف المحيط الأطلنطي من على الجبل .
ده تقييمي للسيارة ؛
الشكل الخارجي جذاب لكن الشكل الداخلي فقير جداً . أول نصف ساعة كنت داخل المدينة وكانت متعبة جداً لحد ما طلعت على الطريق الجبلي اللي عباره عن ملفات حاده جداً ومطالع ومنازل كتيرة .
نظراً لضيق الوقت واحتياجي للذهاب للمطار في بعد ثلاث ساعة اضطرت للقياده المتهورة إللي تبت عنها من ساعة ما اتجوزت في ٢٠٠٢
. وهنا اظهرت العربيه امكانياتها الحقيقيه من قوة الموتور وإستجابة الفرامل في كل المواقف . الملفات عايزه تركيز عشان قوة العربيه ممكن تخليك تطير من الملف . (لو ملف زاويته ٧٠ درجه مع سرعه ٩٠ كيلو ) .
أثناء الطريق للمطار كان الجري في طرق واسعة وغرز كتير على سرعة عاليه كله تمام لحد سرعة ١٦٠ بعد كده في إحساس بسيط بأن العربيه مش حمل غرز جامدة لكن في الطوالي عادي جداً طبعاً .
أقدر أقول إن دي عربية حرق كويسة وواسعة جداً من جوا وأحلى من شيفورلية امبالا وماليبو وكمان بتنفس الجتا ٢٥٠٠ cc . لكن في المشي الهدي قمة الملل وأبعادها عايزة وقت للتعود في الأماكن الضيقة .
أنا أمتلك نفس السيارة في السعودية وهحاول أعمل تقييم ليها قريبا انشاء الله
لتصحيح معلومة بسيطة ان علبة التروس للتشارجر SXT في التقييم هي 5 سرعات وليست 4 وهو نفس الجير بوكس المستخدم في موديلات R/t and SRT8
انما ابتداءا من 2008 الجير بوكس أصبح 4 سرعات زي اللي موجود في الفئة SE 2700
موضوع ان الموتور ضعيف عليها ، هو فعلا كده بس مقارنة بالفئات الأعلى زي 5700 أو 6100
طبعا فرق شاسع بين 250 حصان و425 حصان
انما لما تنزل منها تركب كورولا 1600 أو سيفيك 1800 تحس بفرق رهييييب في السحب
شكراً على التقييم الجميل.
شكراً يا باشا على التصحيح..........معظم المعلومات كنت جبتها من على النت لأن صاحبى ( صاحب العربية ) ملهوش قوى فى العربيات و بالتالى معلوماته عنها مش قوية.
و طبعاً ال 5700 أو 6100 هيكونو أحسن بكتير
و فى أنتظار تقييمك و يا ريت يكون بالصور.
شكرا علي مداخلتك يا زعيم و ربنا يباركلك في عربيتك
انت كده وضحت وجهة نظري
المتور ال 3500 بحد ذاتة مش ضعيف لكنة ضعيف علي العربية ده بالذات
و كلامي ده كان مبني علي تجربة لاني شفت تويوتا اوريون بتقطع الشارجر ال 3500
طبعا ال R/T و ال SRT دول موضوع تاني
دول حتي هنا في الكويت جابوا ال R/T عربيات شرطة
http://www.4thringroad.com/wp-.........3/dsc00142.jpg
http://www.chillnite.com/wp-......./...5/image001.jpg
للأسف الشديد كلامك صح
الأوريون3500 سي سي 270 حصان و وزنها 1590 كلج
يعني تقريبا 170 حصان/طن والجير بوكس بتاعها 6 نسب أمامية
بس طبعا دي أعلى فئة في الأوريون
لكن التشارجر احنا بنتكلم تقريبا في أقل فئة
يعني عشان أوصلك وجهة نظري ، ليه مثلا تلاقي سحب الباسات والأكتافيا الكبيرة ال 1600 ضعيف جدا مقارنة بعربيات أقل منهم كتير؟؟
لأن العربية أصلا مش متصنعة للموتور ده لأن محدش بيشتريها بره بموتور أقل من 2500 سي سي بس ده بيكون خيار لازم ينزلوه عشان ارضاء قاعده عريضة من السوق.
التشارجر دي تحفة...بس يعيبها الوزن الثقيل والكواليتي بتاعت المكونات الداخلية مش قد كده...سعرها بيبدأ في السعودية من 79,000 ريال يعني 111,000 جنيه يعني تجيبلك بيها في مصر لانسر 1300...
شكرا ياباشا على التقرير
تقرير ممتاز وعربيه شكلها مرعب