اية رأيكم فى النيو سيراتوا المانيوال

**Hamdy Masria** · 17-06-2009 03:05 PM

والله يا جماعة انا سعيد جدا بالردود وسرعة الأستجابة ... انا عندى عربية اسبرانزا بدور على مشترى واول ما امسك الفلوس فى ايدى هقدر احدد بالظبط اية هى الإمكانيات ... بس معنى الكلام ده كلة ان المانيول هتفرق كتير جدا يعنى مش هحس بجمال العربية وهدوئها ... ولكن لو فعلا اعرف اجيب كماليتها بعد هوجة الصيف بأسعار كويسة متهيألى هتكون العربية اقوى فى السحب وسرعة الإستجابة.

**yoko** · 17-06-2009 05:22 PM

المشاركة الأصلية كتبت بواسطة abouhashem

رايى الشخصى ان السيراتو ماتتركبش غير لأعلى فئتين (بس اللى يدفع بقى......(: )
عموما فكر كويس و توكل على الله...

وأنا كمان مع الرأي ده وعشان كده ناوي على الsx إنشاء الله

**Hosam_Optrawy** · 17-06-2009 05:26 PM

بص هى المانيوال فعلا هتكون قليله فى الكماليات

ومن مزايا السيراتو ان كمالياتها كتير بس فى ال Sx فقط

بس انت لوبصيت على الالنترا المانيوال هتلاقيها ب 96 نفس تمن السيراتو وتقريبا نفس الاوبشنز

بس السيراتو فيها ايرباج :)

فلو مش فارقه معاك انها هتكون مانيوال مش اوتوماتيك فتوكل على الله

وكمان هيبقى ادائها احسن زى ما انت قلت

**Migo123** · 18-06-2009 11:25 AM

طيب ايه رأيكو نتجمع هنا من 5 - 10 عربيات ونحاول نتفاوض مع الوكيل انه يجيبلنا عربيه مانيوال بكماليات ال sx ..... او على ااقل تكون جنوط وفتحة سقف و abs ....مجرد محاوله يمكن تمشي

**Hamdy Masria** · 18-06-2009 02:55 PM

المشاركة الأصلية كتبت بواسطة myr999

معلش انا حاسس بيك وانى كل الف زيادة حاتوجع بس صدقنى الفرق يستاهل ومادام حتجبها قسط (طبعا احرص عل القسط الاسلامى وموجود بالمنتدى هذا الموضوع ) فحتزود الف او اثنين فى المقدم والباقى فى القسط والا حتحس بالندم وتقول ياريت وانا من راى احسن سعرا واوسط امكانيات هو الsx واخيرا عليك بصلاة الاستخارة وكان رسولنا الكريم اذا كان امامة اكثر من اختيار كان يدعو بهذا الدعاء (اللهم خيرلى واخترلى ولا تكلنى لنفسى طرفة عين ) صدق رسول الله صلى الله علية وسلم مع اطيب امنياتى وارق تحياتى

ربنا يبارك فى حضرتك ويجعل كلامك الطيب فى ميزان حسناتك

المشاركة الأصلية كتبت بواسطة migo123

طيب ايه رأيكو نتجمع هنا من 5 - 10 عربيات ونحاول نتفاوض مع الوكيل انه يجيبلنا عربيه مانيوال بكماليات ال sx ..... او على ااقل تكون جنوط وفتحة سقف و abs ....مجرد محاوله يمكن تمشي

والله فكرة بس مش عارف هنلافى مؤيدين للفكرة ولا.....

**dangerousboy** · 20-06-2009 05:53 PM

انا معاكم فى فكرة النيو سيراتو المانيوال الكاملة هى حتكون احسن كتير وممكن فعلا كلنا نطلبها من الوكيل بس الأول نعرف التكلفة وانا اصلا ناوى اجيبها انشاء اللة خلال 20 يوم لو نتفق يكون افضل او لو حد سأل ياريت مايبخلش علينا
اه و بالنسبة للعروض اللى فى ملحق السيارات انا كنت قريت عرض من معرض اسمو عربيات عامل عرض على الدفع النقدى للنيو سيراتو خصم 15000 جنية هل الكلام دة صحيح ولا لا .او صحيح بس ذلك على حساب الكماليات وجودة التقفيل .
وكمان عاوز اعرف الفرق بين النيو سيراتو مانيوال من الوكيل والخليجى بس بالتفصيل يعنى بالنسبة ليا انا عاوز اجيبها كاش فتفضلوا اية من اى مكان[IMG]file://localhost/C:/........s%20and%20Settings/mido%20elmesiry/Desktop/4.jpg[/IMG]

**dangerousboy** · 20-06-2009 06:14 PM

انا معاكم فى فكرة النيو سيراتو المانيوال الكاملة هى حتكون احسن كتير وممكن فعلا كلنا نطلبها من الوكيل بس الأول نعرف التكلفة وانا اصلا ناوى اجيبها انشاء اللة خلال 20 يوم لو نتفق يكون افضل او لو حد سأل ياريت مايبخلش علينا
اه و بالنسبة للعروض اللى فى ملحق السيارات انا كنت قريت عرض من معرض اسمو عربيات عامل عرض على الدفع النقدى للنيو سيراتو خصم 15000 جنية هل الكلام دة صحيح ولا لا .او صحيح بس ذلك على حساب الكماليات وجودة التقفيل .
وكمان عاوز اعرف الفرق بين النيو سيراتو مانيوال من الوكيل والخليجى بس بالتفصيل يعنى بالنسبة ليا انا عاوز اجيبها كاش فتفضلوا اية من اى مكان
[blink].....[/blink]