مشكله فى السنتر لوك (ارجو الرد سريعا)

**evoo90** · 17-06-2009 12:12 AM

انهارده والدى خرج بالعربيه مشوار صغير
فتح العربيه بالريموت فتحت عادى راح المشوار ورجع جه يقفلها بالريموت لقى العربيه بتقفل انزار بس مابتقفلش المسوجرات كأن الريموت خاص للأنزار فقط
جربت انا اقفل بالمفتاح فى كالون الباب قفل عادى المسوجرات لكن بالريموت مش راضى يقفل خالص ولاحظت ان المسوجر الشمال بتاع باب السواق حركته بقت تقيله يعنى لما بقفل ال3 مسوجرات يمين والاتنين اللى ورا بينزلوا تحت خالص وده العادى لكن المسوجر الشمال ده بيتحرك حركه صغيره قوى كأنه تقيل او الشد عليه ضعيف
ياترى المشكله بقى فى سنتر العربيه ولا فى الكونترول بتاع الريموت مع العلم انى جربت الريموتين الاحتياطى وبرده نفس القصه
ياترى اللى يعرف سبب المشكله دى يقولى عشان ابقى عارف وفاهم قبل ما اروح لأى كهربائى واتفاجئ بيه يقولى العيب فى تانك البنزين
العربيه شيفى افيو اوتوماتك ls....

**pharonicking** · 17-06-2009 12:35 AM

جهاز السنتر نفسه هو المشكة

**ahmedhilmy** · 17-06-2009 12:59 AM

غالبا هيطلع مشكلة في القربة اللي بتقفل باب السواق و هتكون بسيطة ان شاء الله

**Ashraf_Ashraf** · 17-06-2009 01:00 AM

المشاركة الأصلية كتبت بواسطة ahmedhilmy

غالبا هيطلع مشكلة في القربة اللي بتقفل باب السواق و هتكون بسيطة ان شاء الله

+1111111111111111111111

**evoo90** · 17-06-2009 12:09 PM

المشاركة الأصلية كتبت بواسطة ahmedhilmy

غالبا هيطلع مشكلة في القربة اللي بتقفل باب السواق و هتكون بسيطة ان شاء الله

هى اصلا القربه بتاعه باب السواق دى الاساس وهى اللى بتقفل باقى الابواب صح ؟
لأنى لاحظت ان المسوجربتاع باب السواق تقل وكأن القربه فيها حاجه
انا هنزل افك الباب واشوف يمكن فى حاجه فكت او حاجه عايزه تتربط

**smsm061274** · 12-05-2010 04:19 PM

بيحصب معايا عادى وبيتزبط تانى يوم لوحده

**khaled_sabry** · 13-05-2010 11:53 AM

بص انا معرفشى تعبيرات الصنايعيه عن اللى حقولهولك ده لأنى اشتريت السنتر و ركبته بنفسى
فالمشكله غالبا ان نقطه اتصال صباع السنتر بسيخ المسوجر فى باب السواق اتزحلقت حاجه بسيطه و بالتالى مابقتشى الصباع يقدر يؤدى احدى الوظيفتين (الفتح او الغلق)
انتا حتلاقى فوق صباع السنتر ده حاجه كده صغيره ب تلات مسامير (معرفشى اسمها)وظيفتها بتمسك سيخ الموسوجر مع سيخ السنتر .. المشكله بقى انها اتزحلقت حاجه بسيطه

ببساطه هوى شويه على المسامرير بتاعتها و افتح السنتر و افتح الموسوجر و ارجع اربط المسامير دى تانى و جرب و بالاحساس كده حتعرف ان كانت تحتاج البتاعه دى تنزل او تطلع حاجه بسيطه و لا لاء حسب راحتها فى الفتح و الغلق

اما بالنسبه لأن السنتر مش بيشتغل مع الانذار فدى بسيطه حتلاقى السلك اللى واصل بين الانذار و الكنترولير بتاع السنتر مقطوع و ممكن يكون مقطوع من جوه غلاف السلك و مش باين من بره