اسبانيا بتلعب بالعراق .

**Terrible_DaRsH** · 17-06-2009 05:45 PM

اسبانــيا تلعب بالعراق فى ارض الملعب ..

44 دقيقة اسبانيا تهاجم و العراق تدافع و مشفتش لهم هجمة وحيدة حتى .

والله منتخبنا شرفنا فعلا . اكيد بعد الماتش ده هيعرفوا مين هو منتخب مصر , و ربنا يستر قدام ايطاليــــــــا لانى مش هتفرج على الماتش ده ( بلدى التانية ) :)

العراق ممكن تفجر مفاجاة ولا ايه ! و لا هتطلع بنقطة ثمينة و لا هتسلم !

برده دول عرب و نتمنى لهم الفوز .. تابعوا احداث المباراة .

**Terrible_DaRsH** · 17-06-2009 06:07 PM

تابعوا المباراة على اللينك ده :-

http://www.livesporthd.com/tv3.html

**itsonlyme** · 17-06-2009 06:17 PM

يا راجل، انت بتقارن بلد مستقرة زي مصر ببلد فيها فوضى تامة زي العراق.
كتر خيرهم انهم عندهم فريق كرة أساساً. ده غير انهم كسبوا بطولة آسيا!

ربنا يتوب على العراق من الفتن والاقتتال الطائفي والتفجيرات اليومية.
يا ريت يطلعوا بنقطة.

**Terrible_DaRsH** · 17-06-2009 06:28 PM

للاسف يا فندم 1-0 لاسبانيا .

ان شاء الله نطلع تانى المجموعة و ناخد لهم حقهم من توريس الشرير و رفاقه . :)

**itsonlyme** · 17-06-2009 06:40 PM

المشاركة الأصلية كتبت بواسطة terrible_darsh

للاسف يا فندم 1-0 لاسبانيا .

ان شاء الله نطلع تانى المجموعة و ناخد لهم حقهم من توريس الشرير و رفاقه . :)

هههههههههههه.
ان شاء الله. بس نشوف هنعمل ايه مع الطلاينه الأول.

**Abo_Lina** · 18-06-2009 01:50 AM

العراق ايه ده منتخب سيئ جدا
لعبو ماتش امام جنوب أفريقيا كان مهزلة بمعنى الكلمة..ماينفعش تنزل ماتش في بطولة زي دي و تدافع ٩٠ دقيقة..حتى لو خدت نقطة العالم مش هايحترم الكورة العقيمة..

على فكرة كل لاعبي المنتخب العراقي لا يلعبون في الدوري العراقي ..و يتمركزون في الدوري القطري أو الاماراتي..

**ams** · 18-06-2009 01:57 AM

المشاركة الأصلية كتبت بواسطة itsonlyme

يا راجل، انت بتقارن بلد مستقرة زي مصر ببلد فيها فوضى تامة زي العراق.
كتر خيرهم انهم عندهم فريق كرة أساساً. ده غير انهم كسبوا بطولة آسيا!

ربنا يتوب على العراق من الفتن والاقتتال الطائفي والتفجيرات اليومية.
يا ريت يطلعوا بنقطة.

بس العراق خدت كاس اسيا و الحرب شغالة
غريبة قوى الحروب دى
بتصحى ناس و تموت ناس

**AshTurbo** · 18-06-2009 02:00 AM

متفق معاكم تماماً أنه كان لعب عقيم وماتش عقيم 100% بس في نفس الوقت أسبانيا مصنف أول على العالم لما تجيب جول واحد في 90 دقيقة دة معناه أن الفرقة اللي قدامها أدت مجهود مش عادي بدليل أن لعيبة العراق جرت في الماتش دة أكتر من لعيبة أسبانيا على الرغم من طريقتهم الدفاعية واللعب على المرتدات وعلى الرغم من عدم أحرازهم لأهداف بس دفاعتهم قوية وتستحق الأحترام ومتنسوش أن الأهداف بتفرق في التأهل لنصف النهائي يعني ألاعب أسبانيا بطريقة هجومية هتكون النتيجة أن خط دفاعي هيبقى مكشوف والشباك بتاعتي هتتهلهل من كتر الأجوان.. في نظري المدرب حسبها صح ووظف اللاعبين حسب قدراتهم ورحم الله أمرء عرف قدر نفسة .

**Abo_Lina** · 18-06-2009 02:05 AM

معاك حق في دي
دفاع العراق كلهم طوال القامة و لياقتهم ممتازة
دواليب

**AshTurbo** · 18-06-2009 02:09 AM

الدفاع دة لو كان عندنا كانت النتيجة هتبقى 3-1 لصالحنا لأن البرازيل جابت 3 أهداف من ضربات ثابتة .

الموضوع: اسبانيا بتلعب بالعراق .

LinkBack

أدوات الموضوع

عرض

-

-

-

المواضيع المتشابهه

.... معلومة جديدة - غبور خد توكيل هيونداي بالعراق ....

حل مشكلة ركن السيارات فى اسبانيا

الحق:هيونداي تسعى لإنشاء مصنع سيارات بالعراق

بيجو 405 ايراني الموجودة بالعراق الان منو ينصحني اشتريهااا؟

الكلمات الدلالية لهذا الموضوع

المفضلات

المفضلات

ضوابط المشاركة