عرض للطباعة
في صوت غريب في منطقة مسطرة الرشاشات بقي له فتره.
الصوت عامل زي جسم مفك بيخبط في جسم معدني بتردد سريع.
بيظهر مع اول تدوير العربيه .
ولو كبست بنزين بيروح للحظات. ويرجع تاني.
ولكن لو مشيت مشوار قارص 10 دقايق او 1/4 ساعه. الصوت يختفي.
ويرجع يظهر.
مالوش توقيت معين.
انا فكيت البوابه ونظفتها بالكامل من الداخل والخارج. ولكن لا جديد.
الغريب ان فيشة البوابه لما اخلعها مابيكونش لها تأثير ولا حتي لمبة التشيك بتنور.
كل حاجه في العربيه طبيعية عدا الصوت ده.
ياتري الصوت ده من أيه.
الصوت ده ظهر بعد ماكنت مطلع الرشاشات .........لو آه ....حيبقى غالبا بسبب عيب فى التركيب والسيلات خفيفه شويه ( وأنا فاكر أنك كنت قولت أن الرشاشات بتلف معاك بسهوله وأنت بتحل ) يبقى ده صوت تنفيس من حول السيلات .............أنا شايف أن ده الأحتمال الأكبر.....ومش عارف أى فيشه اللى تقصدها للبوابه (بتاعة الأيدل ولا ال tPS )
اقتباس:
الصوت ده ظهر بعد ماكنت مطلع الرشاشات
لأ..
الصوت ده ظهر مرتين قبل ما افك الرشاشات... وظهر اكثر من 3ايام.
بص يا باشمهندس.
الصوت بالظبط زي لما تمسك مفك عاده وتخبط علي مسطرة الرشاشات ولكنه بسرعه وتردد عالي... ولكنه مش صوت تنفيس.
وصعب تحديد مكانه بالظبط.
هو في منطقة المنافولد ومسطرة الرشاشات
الفيشة اللي قاصدي عليها فيشة الايدك كنترول.
http://i83.photobucket.com/albums/j3...ewootech/2.jpg
واللي حواليها دايرة في الصوره دي.
http://i83.photobucket.com/albums/j3...ooLanos159.jpg
اقتباس:
بيظهر مع اول تدوير العربيه
يعنى فيشه الأيدلاقتباس:
الغريب ان فيشة البوابه لما اخلعها مابيكونش لها تأثير ولا حتي لمبة التشيك بتنور
غريبه أوى الموضوع ده ......هل معنى كده ......العيب من الأيدلاقتباس:
الفيشة اللي قاصدي عليها فيشة الايدك كنترول
ماهو كبسك للبنزين .....يعنى بتفتح البوابه ....والمفروض بتلغى دور الأيدل ....وال tPS اللى بيودى أشاره لوحدة التحكم ......وبيقولها سيبى الأيدل ومتوديلوش كهرباء ......ولوالصوت بيرجع ويظهر بدون سابق أنذار ( على مزاجه يعنى ) ......يعنى ممكن تكون بتغير وضع الضغط على الأكسراتير .....وبالتالى فتحة البوابه ثم أشارة الTPS وهكذا ...........يبقى لو كان فيه عيب فى أشارة الTPS ..........ممكن عند وضع معين والبوابه مفتوحه برضه ...........يودى أشاره غلط لوحدة التحكم بأن البوابه قافله ولكن البوابه فاتحه......تقوم هى( وحدة التحكم ) تشغل الأيدل ..............ويبقى عندنا قصتين بيدخلوا هواء البوابه والأيدل علشان واصله كهرباء .............يبقى الخلل جاى من الTPS ...............والمفروض تعمل أسكانر للكشف على الTPS وحيبان معاك كود العطل ........................على فكره أنا بأفكر معاك ............وحاسس أن العيب من الTPSاقتباس:
ولو كبست بنزين بيروح للحظات. ويرجع تاني.
ولكن لو مشيت مشوار قارص 10 دقايق او 1/4 ساعه. الصوت يختفي.
ويرجع يظهر.
مالوش توقيت معين.
طيب لو فكيت فيشة ال tps المفروض لمبة التشيك تنور. صح.
انا حاجرب وراجع لك.
مش يامحمود يا خويا تنور .......لأن الtps بيعمل فى مدى مقاومات متغيره .....يعنى مدى عمل .....هو وحساس الأكسجين ......ودى أنا أكتشفتها أخيرا بالتفكير مع نفسى ( أن كل حساس ليه مدى قياس ) مش شرط مع فصله لمبة الأعطال تنور للأسف ........وده اللى عامل لنا مشاكل فى عملية التحكم ( بس حيبان معاك كود العطل بالأسكانر طبعا ..........ولكن مش شرط أضاءة اللمبه )
اللي حصل دلوقتي كالتالي:
1- دورت العربيه : الصوت مش موجود.
2- شيلت فيشة ال tps الموتور هرجل لحظه وبعدين صوته علي ولمبة التشيك نورت.
3- ركبت فيشة ال tps صوت الموتور عالي ثانيتين تلاته وبعدين اتظبط ولمبة التشيك طفت.
الغريب ان صوت الزنه ظهر.
4- شيلت فيشة الأيدل كنترول. لمبة التشيك مانورتش ومافيش أي تأثير علي صوت الموتور..
وبرده صوت الزنه مستمر.
5- ادوس سنه بنزين : صوت الزنه يروح. اسيب يرجع تاني.
واوقات لما اكبس بنزين علي الآخر مرتين تلاته صوت الزنه كان بيروح.
!!!!!!!!!!!!!!!!!!!!!!!!!!!!!!!!
................تقريبا كده .......المشكله فى الtps ...........والأسكانر حيبين المستخبى فعلا ...................اقتباس:
المشاركة الأصلية كتبت بواسطة drift_lover
طيب ليا سؤالين :
1- ال tps بيتنظف ؟؟؟
2- لو المشكله في ال tps صوت الزنه ده بينتج عن أيه برده عاوز أفهم .
لااقتباس:
- ال tps بيتنظف ؟؟؟
الحساس ده بيقول لوحدة التحكم على وضع البوابه من خلال أشارته .........بتقوم هى واخده الأجراءات الازمه ( لو قالها البوابه قافله بتروح مشغله بلف الأيدل ) ولو قالها البوابه فاتحه .....بتعمل حساباتها بناء عن أشارته ومتشغلش الأيدل طبعا .......بس بتنبه الرشاشات بناء عن حسابات الحساسات التانيه زى الماب والحراره والسرعه وهكذا ..........تخيل بقه لو كانت البوابه فاتحه .....وهو قالها قافله (لأنه غلطان فى أشارته ) حتروح مشغله الأيدل .....وده موتور...أى بلف الأيدل... بأربع أقطاب .....كل ماتجيله نبضة كهرباء يعمل زنه كده أو تكه خفيفه ....لحد 125 وضع تقريبا ( يعنى بيفتح زى القلاووظ بالضبط علشان يعدى هواء )...........عموما أعمل أسكانر للأطمئنان برضه .......لأنها حاجه محيره فعلا ............ويجب التحقق منها بدقه ( فقد تكون أشياء لا نتوقعها زى ضعف فى ملف الرشاشات مثلا ) ...........فالأسكانر هو الصح فى الحاله دىاقتباس:
2- لو المشكله في ال tps صوت الزنه ده بينتج عن أيه برده عاوز أفهم
منتظر اجابة السؤالين ؟...
ومن بحث في المنتدي
اقتباس:
حساس tps عبارة عن مقاوم متغيرة و وظيفتة تحديد درجة فتح البوابة او بمعنى اخر انت دايس على دواسة البنزين قد ايه
المشكله ان مافيش اي من اعراض تلف الحساس بتظهر عندي.
وبرده مش فاهم الصوت ده لو من الTPS فبيحصل ازاي. رعشه في فتح وقفل البوابه مثلآ.
معلش مشاركتي كتبتها قبل ما أقرأ ردك...
اقتباس:
وهو قالها قافله (لأنه غلطان فى أشارته ) حتروح مشغله الأيدل .....وده موتور...أى بلف الأيدل... بأربع أقطاب .....كل ماتجيله نبضة كهرباء يعمل زنه كده أو تكه خفيفه
كده تقريبآ وضحت الصورة.
ياباشا ممكن يكون الصوت من الصبابات وبيسمع في المسطرة!
اقتباس:
ياباشا ممكن يكون الصوت من الصبابات وبيسمع في المسطرة!
حاسسها بعيده أوي.
لأن الصوت مع تحميلة سلانسيه بسيطه بيختفي.
ليه ما يكونش صوت الرشاشات هو اللى عالى
الصوت ملوش دعوة بالحساسات.... مفيش حساسات بتطلع صوت
MMamdouh
دى كلها توقعات لأنه عيب خبيث فعلا .......واللى بأتوقعه خلل بيحصل فى عملية التحكم ( تداخل يعنى )......والأيدل مش حساس ......ده بلف ( عباره عن موتور بأربع أقطاب كهربيه ) وأنا ماقولتش أن الtps ( كحساس بيطلع زنه مثلا ) .....لا دا علشان هو مش مظبوط ......قد يكون بيشغل بلف الأيدل فى بعض الأحيان وهو ده اللى يعمل الزنه (أى الأيدل ) ولكنه سليم بس بيشتغل أحيانا بسبب خلل فى الtps ......وبرضه الله أعلم ............وبرضه قلت جايز تكون الزنه من الرشاشات مثلا ( والأسكانر هو اللى حيبين كود العطل برضه )............يعنى بأتوقع أن الزنه صادره من بلف الأيدل ( بسبب بسبب خلل فى الtps )......وقد يصدق توقعى أو لا
الايدل برضة صوتة واطى جدا و ميتسمعش الا لو الموتور مبطل... و لو الايدل بيتحرك فى السلانسية كانت سرعة الايدل اتغيرت
المنطقة دى مبيطلعش فيها صوت غير الكامة و الكستبانات او الرشاشات... لو الكستبانات فيها حاجة كان حيبقى صوتها عالى جدا و مكنش حيروح مع زيادة لفات الموتور... الرشاشات طبيعى انها تعمل صوت تكتكة و مع زيادة لفات الموتور... صوت الموتور نفسة بيغطى على صوت الرشاشات و بالتالى صاحب المشكلة بيحس ان الصوت راح
MMamdouh
اقتباس:
الرشاشات طبيعى انها تعمل صوت تكتكة و مع زيادة لفات الموتور... صوت الموتور نفسة بيغطى على صوت الرشاشات و بالتالى صاحب المشكلة بيحس ان الصوت راح
mmamdouh
لو مشكلة رشاشات كانت أثرت علي السحب او استهلاك البنزين.
لكن انا عندي السحب ممتاز بعد تنظيف البوابة. واستهلاك البنزين 320 كم/الصفيحه خارج البلد. و 280 كم/الصفيحه داخل البلد. ولم يتأثر بتنظيف البوابه او منظف الرشاشات. يعني الاستهلاك شبه ثابت.
!!!!!!!!!!!!
مهى مش مشكلة... طبيعى ان الشاشات تعمل تكتكة
MMamdouh
اقتباس:
مهى مش مشكلة... طبيعى ان الرشاشات تعمل تكتكة
mmamdouh
طيب ما تفكر معايا يا هندسه.