الموضوع: هندي ولا مصري؟؟

المشاركة الأصلية كتبت بواسطة sahin_1996_133

السلام عليكم ورحمة الله وبركاته
والله كنت زيك كده محتار !!!
وسالت ناس كتير ولقيت الأراء متضاربه ,طبعا مع احترامى لجميع الأعضاء وارائهم انا معايا فيفا 2009 والعربية في راي احسن من الفيرنا المصري
وخصوصا ان كل زمايلى معاهم الفيرنا المصري
الميزة في الفيرنا عن الفيفا هي سعر قطع الغيار
اما بصراحة الفيرنا كلها عيوب زي الثبات على الطريق ولو لحظت هتلاقى معظم الأعضاء مركبين جنوط
بنط اللحام في الفيرنا ظاهرة جدا بشكل مستفز
طبعا لون التابلوة الرمادى الفاتح في الفيرنا وشكل الدركسيون طبعا في الفيفا لون التابلوه بيج وكمان شكل الداركسيون احلى بكتير من الفيرنا (طبعا انا عارف ان ممكن حد يقولى طاب وايه يعنى ممكن نغير الطارة) انا بتكلم عن حاله العربية
الكاسيت بتاع الفيرنا والله ناس سمعتهم بالحرف بيقولوا بيبوظ وكاسيت سيء واخرها لما كنت في التوكيل بعمل صيانه واحد بيقلى استلمت العربة وعبال ماروحت بيها لقيت الكاسيت مش شغال
ابسط حاجة خياطة الكراسي في الفيرنا بتفك
الفرامل في الفيرنا اغلب الناس بتشكى منها ولازم تروح تزبطها
ارجو من جميع الأعضاء الى بيملكوا الفيرنا ميخدوش كلامى على انه زم على اختيارهم بس انا راي إن سعتك تراجع رابطة ملاك الفيرنا فيفا وان شاء الله هتلاقي حاجات اكتر ومعلومات اكتر وكمان تراجع رابطة مالكى الفيرنا وسعتك تقرر او تعمل زي مانا عملت صلى صلاة استخارة وربنا ان شاء الله يهديك للخير
ارجو انكم تسامحونى علشان طولت عليكم واتمنى محدش يزعل من كلامى
راجع رابطة الفيرنا فيفا صفحة 17 و18 و19 او ممكن تراجع الرابطة من الأول وده الينك بتاع ص 17
http://www.nilemotors.net
/Nile/showthread.php?t=25173&page=17

أنا أولا شاكر جدا ليك يا باشا و شاكر لاهتمامك و أنا دخلت على رابطة الفيفا و الفيرنا و كل الكلام ده على راسي من فوق بس الحكايه معايا مش حكاية كاسيت و فرش و خياطة كراسي؟؟؟المسأله معايا تتلخص في ثلاث نقاط و هم كالتالي ++عربيه تستجمل السفر 100 كم رايح و زيهم جاي تلات مرات أسبوعيا++استهلاك بنزين كويس يعني مش عايز عربيه تخرب بيتي ++عفشه ناعمه و دي مهمه قوي علشان ضهري+++++++؟؟؟؟ويارب ألاقي الهدايه علشان أنا قربت أزهق وأجيب حاجه صيني كنوع من عقاب النفسسسسسس؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟ظ