+1000 ( معظمنا عارفين دينا كويس و ملتزمين بتعاليمه فمافيش داعي ان احنا نذكر احاديث نبوية شريفة في غير مكانها دي بقي اللي ربنا ورسوله يحاسبونا عليها
1000+ ( بلاش عنصرية بقى)+1000
عرض للطباعة
+1000 ( معظمنا عارفين دينا كويس و ملتزمين بتعاليمه فمافيش داعي ان احنا نذكر احاديث نبوية شريفة في غير مكانها دي بقي اللي ربنا ورسوله يحاسبونا عليها
1000+ ( بلاش عنصرية بقى)+1000
هوا ليه فجأة الموضوع تحول من مجرد رأى فى خدمة تقدمها قناة فضائية إلى نفث أحقاد و كراهية للعرب و للعربية مع إن ده بيحمل فى طياته تلميحات غير جيدة ضد الإسلام نفسه لأن مثلا لو إنتقدت العبرانية لغة اليهود فأكيد أقصد اليهود متكلميها و اليهودية من طرف خفى أرجوا أن ننتبه لذلك و لا يجب الزج مطلقا بالدين فى المعاملات فرسول الله صلى الله عليه و سلم رحمة للعالمين مسلمين و غير مسلمين و قد أعطى خير القدوة فى حسن التعامل مع غير المسلمين من غير المحاربين من أهل الكتاب خاصة اليهود و النصارى و لا داعى للتشهير بأشخاص بعينهم أيا كانت ديانتهم دون دليل لأن القذف يعاقب عليه من الله حتى و إن كان فى حق غير المسلمين و كل ما يهمنا فى تعاملنا مع أى شخص هو صدقه و أمانته و حرصه على مصالح الآخرين و لا إتهام دون برهان أو دليل و كل عام و أنتم بخير و دمتم سالمين.
كلام سليم
ولكن الموضوع دخل في أفكار جانبية و الردود كانت على الأفكار الجانبية بعد الرد على الموضوع الأساسي
سلام عليكم
معلهش انا حتكلم فى نقطة بعيدة شوية عن الموضوع بس بتتقاطع مع صلب الموضوع فى نقطة معينة
حتكلم على دوائر الانتماء والهوية
فنحن لنا فى لاصل والاساس هوية اسلامية نابعة من تعاليم ديننا الحنيف ومثال لذلك الاية الكريمة ({قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ} (162) سورة الأنعام )
هويتنا الاسلامية هى الدائرة الكبرى والتى تجمع بقية دوائر الهوية والتى ننتمى لها على فكرة كلامى عن الهوية الاسلامية مش موجه للمسلمين بس لا موجه للمسلمين والمسيحين واليهود المقيمون فى الشرق الاسلامى فانتماء المسيحى فى مصر مثلا للهوية الاسلامية هو انتماء لحضارة وليس لدين فمعنى كلامى انه منتمى للحضارة الاسلامية والتى عاش الغير مسليمين فى كنفها واستطاعوا ان يضيفوا لها من منجزات وعلوم ومثال لذلك ابن البيطار عالم الادوية والنبات والصيدلة فهو مسيحيى ولكن انتماءه الحضارى هو انتماء للحضارة الاسلامية .
ملخص لكلامى ان كل المسلمين من اقصى المقيمين فى بلاد اغلبيتها مسلمة هم منتمين بالتبعية للهوية الاسلامية والتى حتما ستعود....
االدائرة الاقل من لهوية الاسلامية هى دائرة الهوية العربية والتى قامت على اساس وجودنا فى نطاق جغرافى واحد ونتكلم لغة واحدة هى العربية والتى تستمد خلودها وبقاءها من بقاء القران {إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ} (9) سورة الحجر
فالهوية العربية مع اعترافى انها تعتبر هوية غير مكتملة من منظور شمولى ولكنه يظل انمتاء وهوية ولا تتعارف مع انتماءنا للاسلام و تمسكنا بالهوية الاسلامية فهى جزء مهم حيث ان ارض العرب ومنطقة الشرق هى مهبط الرسالات السماوية ومنبع الحضارات للعالم كله.
اما الدائرة الاقل من الهوية العربية والاسلامية فى الهوية المصرية و نحن نعتز بها و نعتز للانتماء لها على اساس ان كل مسلم منا مطالب بالحفاظ على وطنة وخدمة ترابه والسعى الى رقية والنهوض به والانطلاق بالوطن نحو الافاق فنحن نحب مصر ونتمى لها حيث انها هى الامل الوحيد الباقى للمسلمين فى جمع الشتات و توحيد الصفوف والنهوض بالامة الى سابق عهدها و عزها و اقامة كيان واحد يجمعنا كلنا ويمس صميم هويتنا ويجمع جميع افراد ااوطان سواء كانو مسلمين او اقباط او يهود فالحضارة الاسلامية قادرة على استيعاب جميع الاديان السماوية كثير من الاقباط العقلاء يشجعون هذا الراى ويدعمونة واذكر المفكر القبطى رفيق حبيب واخرون
فانتمائنا المصرى هو جزء من انتمائنا العربى الذى هو جزء من انتماءنا الاسلامى العظيم وال>ى نفخر به ونعتز به اشد الاعتزاز
احمد اسماعيل
11-10 -2007
4:27 قبل الفجر بقليل
اما على تعليقى على الموضوع الاصلى
انا بعتبر قناة او تى فى ماهى الا وسيلة من وسائل الاعلام الموجهه والذى يهدف فى الاصل والاساس لخلخة قيم واسس واخلاقيات فى المجتمع وتثبيت مجموعة من القيم الخاطئة الموجودة فى المجتمع وا استحداث قيم غريبة عليه وتقديمها للمجتمع فى صورة بونبونيا لينخدع فيها ويظنها عادية
{ وَلاَ يَزَالُونَ يُقَاتِلُونَكُمْ حَتَّىَ يَرُدُّوكُمْ عَن دِينِكُمْ إِنِ اسْتَطَاعُواْ} (217) سورة البقرة
يا اخى العزيز يجب نكون منصفين و نتقول الحق هكذا يعلمنا الاسلام الحقيقى و و الخليفه عمر انن الطاب نفسه عاقب والى مصر عمرو بن العاص لانه اساء معاملة احد اقباط مصر و اخذ حقه .. هذا هو الاسلام الحقيقى و ليس ما نراه اليوم من مظاهر للدين اما مضموت الدين الحقيقى فقد نسيناها و تركناها ..اقتباس:
هوا ليه فجأة الموضوع تحول من مجرد رأى فى خدمة تقدمها قناة فضائية إلى نفث أحقاد و كراهية للعرب و للعربية مع إن ده بيحمل فى طياته تلميحات غير جيدة ضد الإسلام نفسه
تقول سيادتك ان الموضوع تحول الى " مجرد نفث احقاد و كراهيه للعرب و العربيه و الاسلام " .. و كان يجب ان تلاحظ ان من بدأ هذه النغمه الممقوته هو من تحدث عن الحشر - فى جهنم طبعا ! - مع اصحاب هذه القناه ( ساويرس ) ثم ان ربنا هو صاحب الحق فى حشر ساويرس و كل البشر فى الجنه أو النار و ليس ذلك من حق البشر ! و الاستاذ احمد حسن كان له ملاحظه على ذلك ت}يد ما اقول ..والغريب انه ليست قناة ساويرس فقط التى تقدم مثل هذه الاشياء التى لا تعجب سيادتك .. بل ان المليونير السعودى الشيخ صالح كامل صاحب قناة اقرأ التى تنشر الفكر الوهابى غير المعتدل هو نفسه الذى يقدم ما تقدمه قناة OTV !!!! فى قنوات روتانا من افلام جريئه و اغانى كليب و برامج هاله سرحان .!! يعنى مش ساويرس !.. ياريت شويه موضوعيه و انصاف هكذا يدعونا الاسلام و طبيعى ان يستاء اخوه لنا فى الوطن من ذلك ..و لكل فعل رد فعل .. أنا شخصيا مسلم لكن ارفض الطعن فى الاخرين لمجرد انهم غير مسلمين و اتفهم اسبا ب ضيقهم و غضبهم .. انا عارف كلامى مش حيعجب البعض لكن الحق يجب ان يقال سواء لنا او علينا و دمتم .
لا تعليق :(
يا أستاذ أبو على لو حضرتك قريت باقى كلامى هاتلاقينى مش عاجبنى بردوا إقحام صاحب القناة أو ديانته فى الموضوع بعتى أنا مش عاجبنى لا التفريط و لا المغالاة يعنى لا التساهل فى الهجوم على الإسلام و لا المغالاة فى التعامل مع غير المسلمين أيا كانت عقيدتهم و كمان لآ أحب الخروج بالموضوع عن هدف صاحبه من نشره يعنى الراجل عجباه فكرة إستخدام العامية المصرية عادى كل واحد حر فى رأيه و فكره بدون التعدى على رأى و فكر الآخرين بشرط أن حريتى تنتهى عندما تبدأ حرية الآخرين كما أن إقحام الدين أيا كان الموضوع بدون داعى أو الإنتقاص منه لا يدخل فى إطار الحرية لأنه فيه تعدى على الجميع و أحب أركز على النقطة دى جدا لأنه غير مقبول على الإطلاق إطلاق تهم دون أن تكون من متخصص يوثق فى كلامه و يا ريت حضرتك تراجع مداخلتك اللى أقحمت فيها بدون داعى أو سبب واضح موضوع قناة إقرأ و التى لعلم سيادتك لا تقدم الفكر الوهابى و اللى إنت و صفته بمتطرف ليه ما أعرفش و ده مش موضوعنا و بالمناسبة أنا أعتبر السيد ساويرس رجل أعمال ناجح جدا و ما يهمنيش ديانته إيه لأن مش أنا اللى هاحسبه و ياريت ما ندخلش نفسنا بردوا فى موضوع مسلم و مسيحى دى لأنها قضية خسرانة و كمان الإسلام لم يطلب منا فرضه على أحد بالقوة و للجميع حرية الإعتقاد و آسف إذا كنت أطلت و آسف لو كان كلامى ده ممكن يسبب أى إزعاج أو ضيق لحضرتك.
و كل عام و الجميع بخير .
و دمتم سالمين :D
استاذ عبد الرحمن
شكرا على مداخلتك و انا اوافق عل معظم كلامك ,, و اوافق على عدم اقحام الدين فى مجالنا خصوصا و ان فيه
اضاء من ديانات مختلفه و ليس من الذوق جرح احساس اى بسبب دينه .
2 - المشكله بدأت بعد ان اقحم بعض المشاركين مسألة الدين بلا داعى و قالوا ان المقصود بأذاعة الاخبار باللغه العاميه
اضعاف اللغة الفصحى لغة القرأن ! ثم تم الربط بعد ذلك بصاحب البرنامج سويرس و استخدمت عباره جارحه اعتقد تم
حذفها بالحشر معه ... الا تجد يا صديقى فى كل ذلك اى خطأ ؟؟ .. و الله لا خير فينا ان لم نقلها و نعتذر عن الاساءه لاى صاحب غقيده .
3 - اخيرا ان التعرض لموضوع قناه أقرا جاء فى مجال ايضاح انه ليس ساويرس فقط الذى يعرض برامج من هذه
النوعيه لالهاء المسلمين عند دينهم و مثل هذا الكلام الذى قيل و يمكنك تراجع الموضوع من اوله لذا ضربت مثال صالح كامل السعودى الذى يفعل نفس الشئ رغم انه صاحب قناة اقرأ نفسها اى لا داعى لنظرية الموامره المنتشره لدينا فى مصر.
النقطه التى لا تتفق سيادتك معى فيها و الخاصه بهذه القناه فمن حقك ان تختلف معى .. هذا رأيك .. صحيح ليس كل برامجها متطرف لكن شاهدت فيها اشياء كثيره لم تعجبنى .. انا يا صديقى مسلم معتدل و فهمى للدين انه دين وسطى و
معتدل و متسامح و اهم ما فيه العمل الصالح و مكارم الاخلاق و ليس المظاهر كما هو حاصل ..اعلى العموم هذا ليس موضوعنا بل مجرد ايضاح ردا على كلامك .
مع خلص تحياتى و كل عام و انتم جميعا بخير و صحه و سعاده .
و كل عام و انت و الأسرة الكريمة بخير و الخلاف فى الرأى لا يفسد للود قضية . :D
اقتباس:
المشاركة الأصلية كتبت بواسطة memo_hefnawy
انا مش عارف انتو عملين لية مشكلة على للغة العامية , اولا مافيش حاجة اسمها لغة عربية ولغة مصرية , االغة الحقيقية هى اللغة اللى ببتعامل بيها , و اظن محدش بيتعامل بالفصحى دلوقتى , و دة مش معناة اننا فقدنا هوية او غيرة دة معناة ببساطة اننا بنتكلم , و كل زمن لة كلامة و لة طريقة تعبيرة , اللغة دى كاءن حى دايما فى تطور , و مافيش حاجة اسمها لغة رسمية , اية المشكلة ان الخطاب يتكتب باللغة العامية , ما انا و انت بنتكلم بيها كل يوم , عمرك سمعت حاجة اسمها اللغة الانجليزية الفصحى و االغة الانجليزية العامية , اللى بتكلم بية هو دة اللغة بتاعتك , و اللغة بتتاثر بكل حاجة , بتدخل فيها كلمات جديدة و تخرج كلمات تانية و كدة , لو عاوز تحافظ على االغة العربية الفصحى فعلا يبقى تكلم بيها على طول , انما نتكلم بلغة و نكتب بلغة تانية انا بعتبر دة نوع من النفاق , و بعدين حنروح بعيد لية ما الموقع نفسة اسمة باللغة اجنبية و حروف اجنبية اصلا يعنى ماشوفناش حد طلع قال نغير اسم الموقع و نعمل اسم عربى و نحافظ على الهاوية , اية المشكلة فى نشرة اخبار بالعامية يعنى , الاخبار حتوصلك غلط و هى بالعامية مثلا , احنا بس شاطرين فى النقد و فى التقيل من انجزات الاخرين انما نعمل حاجة جديدة , نعمل حاجة مفيدة لاء .
+1اقتباس:
المشاركة الأصلية كتبت بواسطة wawoo
واحد من كوكب الأرض اخيرا !! :)
يا شباب القسمه مش كده بالظبط لغه فصحى فى مقلبل العاميه .. فيه لغه تالته اللى هى لغة الصحافه اليوميه .. لغه لا تستخدم كل الالفاظ القديمه المهجوره و التى لم تعد تستخدم الان و هى لغه وسط وسط بين الاثنين ..
- كل عصر له مفرداته و استعمالاته التى تفرض كلمات و تعبيرات جديده و تفرض على كلمات اخرى الانقراض مثلا فى اللغة العربية هناك كلمات و تعبيرات و امثله مستمده من بيئة الصحراء و تشيهات جاءت من استخدام السيوف و الرماح
و التنقل بالابل و الخيل .. استعمال هذه الالفاظ اليوم غريب على الاذن و السبب انه لم يعد الانسان الحالى يستخدم الاساليب القديمه و ليس كرها فى الالفاظ الفصيحه .. كما ان استخدام التكنولوجيا و الكومبيوتر اليوم فرض الفاظ و مصطلحات جديده
ليس لها وجود فى التراث العربى القديم فمن الصعب استخدام فصحى عتيقه ..
- من اجل ذلك دعا بعض النحويين الجدد الى تجديد اللعه العربيه و تسهيل قواعد اللغه لتتماشى مع تطور الحياه الاجتماعيه
و العلميه و العمليه و الا سوف يتسع الجاب كل يوم بين الفصحى القديمه و لغة المجتمع الحالى و خاصة الشباب و الاجيال القادمه ( انظر مثلا مقالات شريف الشوباشى بالاهرام ننذ حوالى 4 شهور )
- و تجديد اللغه يحتاج عقليه متطوره و نباهه و ليس تقعر .. كما يحدث مثلا مع مجمع اللغة العربية الذى يقوم بتعريب المصطلحات الاجنبيه بالفاظ غريبه يرفضها الناس .. و استخدام اللغة الانجليزية اليوم خاصة بعد دخول عصر النت
اصبح سائد فى العالم كله حتى الدول التى كانت معتزه بلغتها القوميه كالفرنسيه و الالمانيه اصبح شبابها اليوم
يستخدم الانجليزية
- اما عن العربيه الفصحى كلغة القرأن فكل كلمات القرأن يجب المحافظه عليها كما هى كما هى اما غيرها من الكلمات االقديمه فيمكن الاستغناء عن بعض كلماتها و تركيباتها طالما لا تتماشى مع التطور الاجتماعى و العلمى و اللغوى
- لغة الخطابات الرسميه الحاليه طبعا لازم تكون مختلفه عن لغة الكلام لكن كمان مش لازم تكون لغة متقعره ..و مره
اخرى اللغة الثالثه هى الحل ( لغة الصحف اليوميه ) ..المشكله هى ان معظم خريجى المدارس العليا و الجامعات لا يعرف
فواعد Grammer اللغه العربيه خصوصا مع صعوبته .. و الحل هو كما قلت تطوير قواعد اللغة العربية و تسهيلها
و زيادة التركيز عليها لكى لا يرتكب الشباب المتعلم اخطاء مضحكه بهذا الشكل !
- فى كل لغات العالم مش عندنا بس هناك لغة الكتابه و لغة الحديث " Spoken language " او ال Slang
و هناك لغة كمان هى لغة الشوارع او اللغة السوقيه و هناك لغه خاصة لبعض الفئات مثل الشباب الروش و النشالين .. الخ
و هى تختلف عن العاميه النظيفه ..مثلا صلاح جاهين و عبد الرحمن الابنودى بيكتبوا بالعاميه لكنها عاميه محترمه .. فالفصحى لها مستويات و العاميه لها ايضا عدة مستويات و الموضوع يتعلق بالثقافة العامة و البيئة اللى تربى فيها الانسان .
و بالنسبة لموضوع نشرة الاخبار فى OTV فاعتقد ان ما اثار الدهشة هو عدم التعود على سماع نشرة الاخبار بلغة الحديث على اساس انها شئ جاد جدا رغم انننا نسمع معظم البرامج التانيه بالعاميه ؟؟!! ... طيب لو عملنا العكس ؟!!
مثلا .. يعنى ايه رأيكم رد الفعل لو قام معلق كروى بالتعليق على مباره كره مستخدما اللغة الفصحى بالكامل ؟
:mrgreen: :mrgreen: :mrgreen:
زي كابتن ماجد كده؟؟؟؟ :lol:اقتباس:
يعنى ايه رأيكم رد الفعل لو قام معلق كروى بالتعليق على مباره كره مستخدما اللغة الفصحى بالكامل
و لله كانت أيام حلوه
الأخ wawoo والأخ CryptonX اللي صدق على كلامه :-
هو أنا ليه بس تعليق أنا مش فاهم يعني إيه اللغة كائن حي بيتطور كل يوم ؟ هل قصد حضرتك إنه بيتطور للأسوء يعني ولا إيه ؟ يعني إنت شايف إن اللغة العامية المفروض هي اللي تبقى اللغة الرسمية لينا ؟ طيب يعني نبطل نعلم ولادنا الفصحى علشان لما ييجوا يقرأوا القرآن مايعرفوش ؟ أو نحاول نكتب القرآن بالعامية علشان يعرفوا يقرأوه ؟؟
هو ده رأي حضراتكوا ولا أنا فهمتكوا غلط ؟؟؟
لآ .. انا ببساطة اقصد ان طلاما انتوا خايفين على اللغة العربية اوي كدة ( والي هي اصلا مش لغة مصرية )
اتكلموا بيها والغوا العامية .. ... او سيبوا الوضع كما هو عليه .. انما منعدش نضيع وقت .. في كلام لا يودي و لا يجيب .. و الهوية العربية .. .. طول ما في قرآن كريم , طول مافي لغة عربية .. عمرها محتضيع بس مش شرط انها تكون الآساس .. او ليس بالضرر انها في احيان متبقاش اساسية ..
والدليل الحي هي الدول الاسلامية الغير عربية .. بيتكلموا او بيتعلموا لغة عربية .. خريج مدارس الأزهر هنا ميعرفش يتكلم بيها ,, ومع الأحترام الكامل للعربية .. لغتهم الأصلية هي اللغة الرسمية
بمعنى اخر ان في زمن اكثر ميثالية .. كان المفروض ان اللغة المصرية القديمة ( الهيروغلوفية ) هي الأساس ولنا وهي التي تطور لتصبح لغتنا .. و اللغة الرسمية .. انما اللغة العربية ( كلغة مش ديانة ) دخيلة على مصر , دخلت في الفتوحات مثلها مثل اي لغة مستعمر دخلت علينا .. مع فارق طبعا هدف الدخول و( الفتوحات او استعمار وخلافه )
وللأسف اندثرت لغتنا الآصلية بتعدد الأصول .. منا الي اصوله تركية ( مثلي ) و الي اصوله عربية .. و خلافه ..
هو ده قصدي يا استاذ اسلام .
أنا حبيت أقول رأيى فى الموضوع ده ... أحب ألفت الإنتباه إن ده رأيى الشخصى
أولا: أنا مصرى و معتز بمصريتى جداً جداً
لغتى العامية المصرية الجميلة
اللغة العربية دى هى لغة ليها طابع رسمى
مثلاً لما أكتب خطاب لمسئول أكيد أكتبه باللغة العربية و لما أعمل بحث أكتبه باللغة العربية
لكن كون إن إحنا نستخدم اللغة العربية فى كلامنا اليومى فده صعب قوى و مفيش أى دولة عربية عملته . ببساطة لأن اللغة العربية لغة تقيلة و صعبة و ليها قواعد و إلتزامات كتير..و ده ميقللش منها لأ بالعكس ده يكسبها رونقها و جمالها
***موضوع نشرة الأخبار على OTV :
القناة دى لما إتعملت إتعملت للمصريين بس عشان كده بيقدموا النشرة بطريقة سهلة توصل للمشاهد على طول
نشرات الأخبار على الجزيرة و غيره دى موجهة لكل العرب و اللغة المشتركة بينهم اللغة العربية عشان كل العرب يفهموها
-كمان نشرة OTV دى مش مصدر أساسى للأخبار هى مجرد سرد للأحداث عشان تكون متابع
فعلاً الهوية المصرية إبتدت تدوب فى ثقابات تانية عربية و غربية
و ده للأسف الشديد أدى إلى إن المصريين نصهم بيتجه ناحية الغرب( و مبررهم إن الغرب ده حاجة متقدمة و أكيد لو عملنا زييهم هنوصل للتقدم اللى هما فيه ) و نصهم بيتجه ناحية العرب ( و للأسف مبرر دول إنهم بكده بيتمسكوا بالدين لكن ده أكيد كلام مش سليم لأن إحنا كده بناخد ثقافتهم اللى هى ممكن ميكنش ليها علاقة أساساً بالدين ) .
و للأسف برضه الناس اللى بتتجه ناحية ثقافة الخليج و العرب متمسكة جداً بمبدأها و ده طبيعى لأنها رابطة الموضوع ده بالدين :( ( شىء خطير جداً) و أى إنتقاد ليهم هيعتبروه بعد عن الدين و يوصلوه لدرجة الكفر و كمان الإلحاد :evil:
والنص التانى أى نقاش معاهم يعتبروك متخلف و مش فاهم الدنيا ماشية إزاى و دول تلاقى عندهم لا مبالاة غير طبيعية :| بأى كلمة تقولهالهم لأنهم مش مقتنعيين بيك أصلاً و طبعاً ده هيخليك تتجنب تكلمهم تانى منعاً للإحراج :oops:
->>إنقسام المصريين ده ظاهرة خطيرة جداً و هتخلى البلد بدل ما تكون وحدة واحدة متامسكة هتتهز قدام أى غزو ( سواء فكرى أو إقتصادى أو حتى عسكرى)
*** أخر حاجة :
--نفسى البلد دى ترجع وحده واحده زى زمان و بلاش نجرى ورا كلام جايى من بره و نتساق وراه زى البهايم و لا فاهمين ده بتاع إيه بالظبط و لا هو كلام صح و لا غلط و لا هو ليه علاقة بالدين و لا هو مدسوس ورا الدين ... بلاش نلغى دماغنا :roll: نفكر نسأل ندور ...... ساعتها البلد دى هتكون أحسن بلد فى العالم :|
استاذ Meza .. انت جبت التايهه .. كلامك كله Sens و تفكيرك واضح و سليم ..كنت فين يا راجل من زمان ؟.. اوافق على كلامك بنسبة 70 % ... وسوف اعقب على ما جاء فى كلامك فى وقت اخر ..
شكراً يا أخ أبو على :mrgreen:
بجد أنا اللى مخلينى مهتم بالموضوع ده إن بشوف مهازل و بلاوى فى الكلية متبشرش بالخير أبداً
مبقاش فى حاجة إسمها إعتدال فى التفكير....... رغم إنى فى كلية من أنضف الكليات فى مصر .... فى طلاب كتيير ثابت فى دماغهم حاجات كتيير غلط و طبعاً هما مش بيظهروا ده... بس بيظهر فى تعاملاتهم و تصرفاتهم .... قليلين جداً اللى لسه عقلهم سليم ( ربنا يستر عليهم :) ) ...
أنا مستنى تعقيبك يا أخ أبو على و مرحب بيه كمان :D
وأنا مستني برضه
معاكاقتباس:
المشاركة الأصلية كتبت بواسطة إسلام شاهين
بس يا رجاله
الرسول قال علينا عجم
و سيدنا المسيح عليهم السلام
حديث الرسول فيما معناه مش فاكر النص عجم مصر خير العجم
و سيدنا المسيح بورك عجم مصر
ليه منرجعش للغه القراان هي الاولى و اللغه القبطيه القديمه (الهيروغليفيه) لغه ثانيه زي اليابانيين و اليونانيين و صينيين
يبقى كده اخدنا احسن ما فالعجم من اجدادنا و احسن ما فالعرب اللغه و القراان و الاسلام
اقتباس:
وأنا مستني برضه
يا جماعه الصبر و براحه علينا شويه ..فيه فيلم روعه فى القناة التانيه ( الحمدلله مش otv لحسن بعض الناس عندهم ارتيكاريا من القناه ديه ) .. فيلم Gone with the Wind .. قصة و تمثيل و اخراج روعه .. بكره لو ربنا ادانا عمر نحاول نناقش افكار الاخ Meza .. و تصبحوا على خير جميعااقتباس:
أنا مستنى تعقيبك يا أخ أبو على
والله فكرة اننا نعمل ترجمة للقران بالغة العامية اذا كان دة حيخلى ناس اكتر تفهمة , اية المشكلة ما فى ترجمة للقران بالفرنسية و الالمانية , مافيش اى مشكلة .اقتباس:
المشاركة الأصلية كتبت بواسطة إسلام شاهين
انت نسيت الهدف الاساسى من اللغة , الهدف هو التواصل و التفاهم , يعنى انا لما اقول حاجة توصلك و تفهما زى ما انا عاوز اعبر عنها , انت كذلك لما تقول حاجة افهمها , توقلها بقى بالعامية بالفصحى بالهندى , قولها بالغلة اللى تعجبك المهم انى افهمك .
بالنسبة للقران لغة القران دى حاجة خاصة جدا و احنا مش بنتعلم العربية عشان نقراء القران , بدليل انهم فى تركية بيقرو القران برضو و هما ما بيعرفوش عربى اساسا و خد عندك ناس كتير كدة , القران دة كلام ربنا و ربنا مش بيتكلم عربى , هو القران نزل بالعربى عشان قريش تفهمة و مش كدة و بس دة كمان عشان يكون كلام معجزة بالنسبة ليهم , تخيل بقى هما فى قمة فصاحتهم و بلاغتهم مقدروش يكتبو كلمة زى القران و ربنا تحداهم فى انهم يكتبو اية منهة و مقروش بالرغم فصاحتهم .
فا القران لة ناسة اللى يقدرو يفهموة لينا ويقدرو يقولونلنا نقرائة ازى و دة مش محتاج انك تتعلم العربية الفصح .
و مافيش حاجة اسمها اللغة بتتطور للاحسن او للاسؤء فى حاجة اسمها مستوى الحوار يعنى انا ممكن جدا انى اتكلم معاك بمنتهى الادب و بالعامية , وممكن جدا اتكلم بمنتهى قلة الادب بالفصحى , مستوى الحوار و مستوى اللغة لا علاقة لة باللغة نفسها , دى حاجة ترجع لثقافة و اخلاق اللى بيتكلم , و شوف دلوقتى كمية الكلمات الانجليزية اللى اصبحت عربية , بيعنى مثلا محدش بيقول انا حافتح جهاز الحاسب الالى من جديد بيقول انا حعمل ريستارت للكوبيوتر , شوفت بقى انت فهمتنى ازى بالرغم ان كلمة ريستارت و كلمة كومبيوتر كلمتاين انجليزى ,
و حتلاقى فى للغة الانجليزية نفسها كلمات عربى و حتلاقى قى اللغة العربية كلمات تركى و هيلوفريفى كمان , هو دة اللى انا اقصدة بتطور اللغة , يعنى مافيش مانع يكون فى كلمات انجليزى و كلامات هندى حتى المهم انها تتفهم , هو المشكلة بس فى مستوى اللغة عامل ازى لما تكون انسان راقى و متحضر و مثقف اكيد مستوى الحوار بتاعك حيكون افضل و الناس حتفهم دة من كلامك سوءا كان عامية او انجليزى او يابانى حتى .
هو دة المهم فعلا اننا نرتقى بمستوى الحوار و دة بيجى بالثقافة و التعليم و القرائة و غيرة كتير.
واللغة فى الاخر هى انعكاس للمستوى الحضارى , يعنى احنا لو كنا صممنا و اخترعنا الكومبيوتر و سمناة كوكو كنت حتلاقى معظم الناس فى العالم بتقول علية كوكو برضو و سعتها حتلاقى الغة العربية باقيت دخلة فى كل اللغات , و كذلك الفنون , يعنى حتلاقى معطم الدول العربية ممكن يفهمو اللغة الاعمية بتاعتنا و يتكلمو بيها كمان و دة بسبب السينما و الافلام بتاعتنا انام العكس صعب بالنسبة لينا و هكذا .
يعنى فى النهاية اقصد ان مش اللغة بتاعتك هى البتفرض نفسها , اللى بيفرض نفسة هو منتجك و اللى حاجة اللى بتعملها و تاثر بيها فى الاخرين , وه دة اللى لازم نهتم بية و هو دة اللى حيحافظ على هويتنا فعلا , مش نشرة اخبار بالفصحى
[/quote]
الهدف الاساسى من اللغة , الهدف هو التواصل و التفاهم
[/quote]
بديهيه نسيها الناس !! و هى لا تختلف عن البديهيات الرياضيه !! للاسف بقينا فى العالم العربى عايشين عصر نسيان
البديهيات اللى اصبحت مستقره فى العالم المتمدن ..
و نتعلم و نتثقف و نخترع ليه ؟؟ .. كفايه الغرب يتعب و و يتعلم و يشتغل بهمه و احنا نأخد مخترعاته كلها : كمبيوتر -اقتباس:
هو دة المهم فعلا اننا نرتقى بمستوى الحوار و دة بيجى بالثقافة و التعليم و القرائة و غيرة كتير.
واللغة فى الاخر هى انعكاس للمستوى الحضارى , يعنى احنا لو كنا صممنا و اخترعنا الكومبيوتر و سمناة كوكو كنت حتلاقى معظم الناس فى العالم بتقول علية كوكو برضو
تليفزيون - سياره - طياره - اجهزه طبية : اشعة - تحاليل - تكنولوجيا فى كل المجالات و عشرات الالوف من
المخترعات .... و بعد ده كله نقعد نشتم فى الغرب و سنين الغرب ... مره قريت لواحد من مفتيين الايام ده بتوع
الف فتوى و فتوى ان الله سخر لنا الغرب الكافر فى خدمتنا :D :D :D :D :D
عندنا منتج شغال ليل نهار .. الصوت العالى و الزعيق و السب و اللطم واتهام الاخرين بالتعصب و التأمر :D :Dاقتباس:
يعنى فى النهاية اقصد ان مش اللغة بتاعتك هى البتفرض نفسها , اللى بيفرض نفسة هو منتجك و اللى حاجة اللى بتعملها و تاثر بيها فى الاخرين
يا جماعة مش عارف ليه بدات اتشائم من الموضوع ده يا ريت يتحذف فعلا عشان متحصلش مشاكل
عللى فكرة طلبى اللى قلته مش عشان الموضوع وحش او حاجه بس بصراحه الموضوع بدا ياخد اتجاهات تانية اخاف منها و نت عواقبها حفاظا على المنتدى
الموضوع أساسا كان بسيط وخفيف
بس لما الناس (حشرت) فيه الدين و القرآن بدوم أي مناسبة قلب باللي احنا بنقراه من أسبوع ده
في كلام كتير اتقال صح وجاب مالآخر
كفاية بقى
على فكرة الدين محشور فكل حاجه فى حياتنا لسبب بسيطاقتباس:
الموضوع أساسا كان بسيط وخفيف
بس لما الناس (حشرت) فيه الدين و القرآن بدوم أي مناسبة قلب باللي احنا بنقراه من أسبوع ده
في كلام كتير اتقال صح وجاب مالآخر
كفاية بقى
{قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ} (162) سورة الأنعام
مش قصدي المعنى ده
الموضوع بيناقش تجربة جديدة بالعامية
فجأه قورنت بالفصحى
وفجأة البسنا الفصحى درع القرآن الكريم (وده مش سليم هنا لأن الموضوع لم يتطرق لتهديد القرآن ولم ولن يرقى لذلك)
و ايضا بدون مناسبة دخلت الطائفية بعنف في الحوار و دخلت من ناحية ضعيفة جدا مما يعتبر حشرا فعلا
والموضوع وصل للتنصل من العرب والعربية
ثم جلد الذات اننا مش نافعين
لييه دا كله
احنا -وأنا منكم- كبرنا الموضوع
وده قصدي
اي موضوع خاص بالتقسيط , بالتامين , باليجلار , بلغة او عمر افندي .. بيتحول الي حرام و حلال والدين في الحياة .. .
طبعا كل واحد حر في رأيه .. ولكن يا ريت رأي يفضل مناسب للموضوع الأصلي و هو اللغة العامية في قناة ... مش كل واحد عنده حاجة يقولها يقولها و خلاص .. دينا كانت او سياسة ..