أخيرا البرسونا وصلت دمياط
بسم الله الرحمن الرحيم
اخيرا والحمد لله استلمت الجميله البرسونا امبارح من الفرع الصحراوى بس انا حابب احكيلكو كل حاجه
فى الاول دخلت للاستاذ محسن وطلب منى انى اروح اشوف العربيه فى المخزن وكان معايا واحد زميلى فى الشغل من اللى ميعجبوش العجب ( على فكره حاول معايا كتير انى مخترش برسونا ) وليه كلمه مشهور بيها ( خليك فى الكورى احسن يا وليد)
المهم دخلنا المخزن وعملنا ال Chek على كل حاجه بمعنى اصح فصصنا العربيه وكانت عمله 40 كيلو
بعديها خدنا العربيه ومشينا وطلعت الدائرى بس الطريق كان واقف وبطىء لحد بنها بعد بنها مكنش يوقفن حاجه غير مطب او سواق غشيم:Copy of majd(4):
العربيه ما شاء الله عليها ثابته جدا على الطريق غير ما انى محسسانى انى مميز (الناس عماله تبص على العربيه طول الطريق)
اه نسيت اقولكو على مصطفى زميلى ماكنش مصدق نفسه العربيه عجبته قوى ثباتها وشكلها وكماليتها وقوة متورها ( شكله هايبقى برتونى قريب)
بس انا ليا ملاحظتين عليها كنت عايز اخد رايكو فيهم
اولا لما العربيه بتكون على D وشايل رجلى من الفرامل بلاقيها سريعه شويه؟؟؟؟؟؟ هل دا طبيعى ولا ممكن يظبط
ثانيا الفرامل يتعاتها شوطها طويل يعنى لازم ادوس جامد على الدواسه عشلن العربيه تقف ؟؟؟؟؟؟؟؟
لكن فى المجمل الحمد لله عربيه ممتازه جدا جدا
وطبعا لازم ما انساش الزملاء الاعزاء هنا فى المنتدى اللى ساعدونى فى اختيار الجميله برسونا
وشكر خاص ليك يااستاذ ايمن على تعبك معانا طول الوقت
معلش انا طولت عليكو واشفكو بعد صيانة الالف بتقرير جامد بالصور ان شاء الله