الموضوع: طالب مساعدة خبراء المنتدي

الاول احب اشكر استاذ tmedhat الراجل ده فعلا محترم وخدوم جدا وانا تعبته معايا كتير وكنت بكلمه في التليفون واخد مشورته لما كنت بعمل طقم الشنبر.. وكمان استاذ Galilio اللي ساعدني كتير بمشاركاته ورده علي استفساراتي وانشاء الله اقابله قريب واتشرف بمعرفته..

انا كنت عامل موضوع لعربيتي التمبرا في قسم الفيات بعنوان تمبرا مو 91 مفيهاش عزم خالص 1400CCاللنك بتاعه ده

http://www.nilemotors.net/Nile/showt...C8%D1%ED%C7%CC

لو حد يحب يضيف حاجه للمشاركات الموجوده بالموضوع اكون شاكر لكن المشكله اللي عايز اخد رايكم فيها اني اول لما اتحرك بالعربيه بتكون استجابتها معقوله وتسارعها بنفس النسب الموجوده في الموضوع اللي في اللينك لكن بعد حوالي ربع ساعه مشي العربيه بتبقي تقيله جدا كأن حاجه ماسكاها علما بان الطنابير مبتسخنش يعني الفرامل مش محمله ...

انا شكيت في بلي العجل او الاسطوانه اول ما حاجه منهم بتسخن بتتقل.. خليت الميكانيكي رفع الاربع عجلات ولفهم وقالي البلي كويس وقالي الاسطوانه ملهاش دعوه علما بانه هو اللي مركب طقم الدبرياج ونوعه MAPA تركي..

اسف للاطاله ومتشكر جدا..

ايه يا رجاله محدش عنده رد ؟