الموضوع: موظفين توكيل فولكس

ربنا يصبرنا على موظفين توكيل فولكس فى مصر
كنت فى معرض أتوماك يوم 5 يونيو وانا بأتفرج على جناح فولكس فى المعرض كان معروض عربية
فولكس كادى كومبى الشركة منزلة عليها عرض
بـ 85000 جنية وهى موديل 2007 عربية جميلة والعرض كان جميل المهم الموظف المسئول عن العرض كل واحد يتفرج على العربية يقف معاة ويحكى لة على مزاياها وانها عربية معمول عليها تصفية والشركة كدة بتبعها بخسارة علشان عايزة تتخلص من 40 عربية مخزونين فى الشركة0
ويقول لكل واحد تحب تحجز لك عربية مش بنأخد مقدم هنا ولا حاجة احنا بس بنكتب ورقة بالأسم والعنوان وبيأخذ رقم الموبايل بتاع الشخص ويكون على أتصال بية 0 المهم أن الشركة كانت عملة أعلان فى النت على العربية دى وعربيات ثانية اسمها كادى لايف 5 راكب و7راكب ال5 بـ 100الف
بعد ما كانت بـ 145000 وال 7بـ 105 بعد ماكانت بـ
155000 طبعا المحاسيب والمعارف أخذوا العربيات بالسعر الرهيب دة نرجع بقى للمعرض المهم الموظف الهمام الأستاذ / تامر عبد الله مندوب الشركة فى المعرض قعد يحجز للناس عربيات وبعد كدة لما رجع الشركة أكتشف ان الشركة باعت جزء كبير من العربيات وبقى واقع فى مأزق بين العملاء فى المعرض والعملاء الى راحوا الشركة بسرعة واشتروا كمية من العربيات كل واحد من الى كانو حاجزين فى المعرض يسأل على العربية يقولة الموظف الشركة باعت العربيات وانأ مأعرفش
عيب كبير قوى على شركة زى دى تتصرف بطريقة غير مسئولة وعيب قوى لما الموظف يبقى مش فاهم شغلة وسمعة سيئة جدا جدا جدا لشركة المانية بالعراقة دى ودى أسوأ سمعة لمنتج المانى وعلى فكرة رقم موبايل الأستاذ تامر عبد الله
0105112522 اذا اراد حد الأستفسار عن الكلام دة
أنا اعتقد ان المانيا اتهزأت بالطريقة دى