الموضوع: محل إكسسوارات و تعديلات جديد في الهرم....بس تحفة

بص يا عم فهمي انا شفت عنده انواع زينون كتيرة فيه منها الزينو ن العادي وفيه منها اللى بيخرج طلقات ضوء وكان فيه حد من الاخوة شرحها هنا في نفس الموضوع وفيه عنده نوع جديد من الزينون معاه زرار زي زرار تشغيل العريات الجديدة وتقدر عن طريقه تزود اضاءة الزينون وفيه 5 درجات للزينون اقل درجة منهم هي ضوء الزينون العادي والاسعار عل ما افتكر بتبدا من 550 جنيه وانت طالع


فيه عنده كمان كراسي ريكاردو بس انضف من الصيني الموجود في السوق وانا قعدت على الكرسي فعلا كرسي طيارة بس مش بتاع الركاب لا بتاع السواق نفسه (مش سواق ميكروباس طبعا لا سواق الطيارة )

عنده كمان كشفات عربيات تحفة للهوندا وللميتسوبيشي وقالي ان عنده لكل الانواع اللى ينفع يركب لها

عنده كمان حاجة عايزين حد يجربها هي فاميه شفاف قالي انه بيحجب حرارة الشمس بنسبة كبيرة والرول بتاعه ب55 جنيه والعربية تاخد رولين وبالتركيب توصل العربية كلها ل200 جنيه لانه معندهوش صنايعي بيجيب الصنايعي يركبه او انت خد الرولات وخلى اى صنايعي يركبها لك

على فكرة انا صورت الحاجت دي كلها وقريب جدا هرفع لكم الصور

الاهم من ده كله اسلوب احمد بجد حد محترم وظريف ومهذب وواخد الموضوع هواية مش تجارة وعشان كدة تستريح له على طول ربنا يوفقه ويوفق الجميع