يا جماعه انا رايح صيانة الالف كيلو عند السبع ان شاء الله وعاوز اعرف منكم انا هروح اعمل ايه وهغير زيت ولا لا وايه المصاريف انا اول مره اروح ارجو منكم انكم تدلونى على كل حاجه فى صيانة الالف وشكرا
عرض للطباعة
يا جماعه انا رايح صيانة الالف كيلو عند السبع ان شاء الله وعاوز اعرف منكم انا هروح اعمل ايه وهغير زيت ولا لا وايه المصاريف انا اول مره اروح ارجو منكم انكم تدلونى على كل حاجه فى صيانة الالف وشكرا
مش هايعملوا غير تشييك على العربيه بصفة عامه
و مراجعة مناسيب السوائل
و بس
صيانه الالف فى النيسلن يتم تغيير زيت و فلتر زيت بها
اذا كنت هتغير بزيت موبيل وان 10000 كم هتبقى التكلفة مع الفلتر حوالى 225 جنيه
و تقدر تجيب الزيت الى انت عايزه من بره لو حبيت
الصيانه مجانيه بالنسبه لا سعار المصنعيات
و يستحسن تتصل بالمركز و تاخد ميعاد علشان متضيعش وقتك
اى استفسار تحت امرك
انا لسه عامل صيانه الالف هناك و حطيت زيت 10 الاف هما بيحطوا شل و تغيير فلتر التكلفه 262 بالظبط
احلى حاجة فى السبع انك بتبقى شايف عربيتك و هى بيتعملها الصيانه
تغيير الزيت و الفلتر و ربط عفشه و بيغسلوا العربية من بره و من جوه كمان
احسن حاجة تاخد معاد طبعا النرمة فى كتالوج الصيانه
و المصنعيات مجانا
فيه توكيل نيسان جديد فتح فى بنى سويف وعندهم صيانه بردو انا بفكر اروح عندهم اصلهم اقرب ليا دى كلها 30ك واكون عندهم انما السبع حوالى 300 ك رايح جاى
بص هؤلك علي حاجه من اخ ليك .... صيانه ال 1000 و صيانه 5000 مش ضرورى تعملها في السبع نظرا لبعد المسافة عنك لكن صيانه 10000 متهيألي هي المهمة و تستاهل السفر . علي العموم انت عرفت اجراءات صيانة ال 1000 و 5000 كل اللي عليك تشيك مع التوكيل اللي انت رايحله عشان تتاكد ان المطلوب اتعمل و بعدين العربية في الضمان يعني كل اللي تطلبه يتعمل غظب عن التوكيل . ماشي يا باشا و اي خدمة
اوعي تنسي تاخد معاك كتيب الضمان و الافضل تخليه في العربية عشان متنسهوش خالص
شكر ليكم على ردكم الجميل دا والافاده الحلوه دى
أنا لسه عامل صيانة الألف عند السبع إمبارح وبصراحة أنا حاسس إنها مهمة، برضه العربية لسه جديدة وأكيد بعد أول ألف كيلو محتاجة مراجعة على كل حاجة وتربيط وخصوصاً إن الواحد مايعرفش ظروف نقل وتخزين العربية كانت إيه، فأنا أنصحك بإنك ماتكسلش وتعملها، هى إتكلفت فعلاً حوالى 240 جنيه بس صدقنى أنا عن نفسى حسيت بفرق فى العربية عن يوم ماجبتها.
وعلى فكرة، واضح إنك من مكان قريب من بنى سويف، ممكن أعرف منين؟
شكرا لردك اولا ماشى انا من بنى سويف الواسطى قرية ابو صير الملق ولو انت قريب من هنا او ليك اى شىء هنا انا تحت امرك فى اى وقت
أشكرك على الرد، أنا من الفيوم ولكن شغلى فى القاهرة، بس سمعت عن الفرع اللى فتح فى بنى سويف ومش عارف مستواه إيه بالضبط،