صيانة ال 1000 ك المجانيه

**MEDO1986** · 19-06-2009 12:54 AM

يا جماعه انا رايح صيانة الالف كيلو عند السبع ان شاء الله وعاوز اعرف منكم انا هروح اعمل ايه وهغير زيت ولا لا وايه المصاريف انا اول مره اروح ارجو منكم انكم تدلونى على كل حاجه فى صيانة الالف وشكرا

**MTAK** · 19-06-2009 09:02 AM

مش هايعملوا غير تشييك على العربيه بصفة عامه
و مراجعة مناسيب السوائل
و بس

**asnady** · 19-06-2009 12:42 PM

انا لسه عامل صيانه الالف هناك و حطيت زيت 10 الاف هما بيحطوا شل و تغيير فلتر التكلفه 262 بالظبط
احلى حاجة فى السبع انك بتبقى شايف عربيتك و هى بيتعملها الصيانه
تغيير الزيت و الفلتر و ربط عفشه و بيغسلوا العربية من بره و من جوه كمان
احسن حاجة تاخد معاد طبعا النرمة فى كتالوج الصيانه
و المصنعيات مجانا

**MEDO1986** · 20-06-2009 09:10 PM

فيه توكيل نيسان جديد فتح فى بنى سويف وعندهم صيانه بردو انا بفكر اروح عندهم اصلهم اقرب ليا دى كلها 30ك واكون عندهم انما السبع حوالى 300 ك رايح جاى

**Bishoy.Girgis** · 20-06-2009 10:21 PM

بص هؤلك علي حاجه من اخ ليك .... صيانه ال 1000 و صيانه 5000 مش ضرورى تعملها في السبع نظرا لبعد المسافة عنك لكن صيانه 10000 متهيألي هي المهمة و تستاهل السفر . علي العموم انت عرفت اجراءات صيانة ال 1000 و 5000 كل اللي عليك تشيك مع التوكيل اللي انت رايحله عشان تتاكد ان المطلوب اتعمل و بعدين العربية في الضمان يعني كل اللي تطلبه يتعمل غظب عن التوكيل . ماشي يا باشا و اي خدمة
اوعي تنسي تاخد معاك كتيب الضمان و الافضل تخليه في العربية عشان متنسهوش خالص

**MEDO1986** · 21-06-2009 04:40 PM

شكر ليكم على ردكم الجميل دا والافاده الحلوه دى

**aesaad** · 22-06-2009 04:10 PM

أنا لسه عامل صيانة الألف عند السبع إمبارح وبصراحة أنا حاسس إنها مهمة، برضه العربية لسه جديدة وأكيد بعد أول ألف كيلو محتاجة مراجعة على كل حاجة وتربيط وخصوصاً إن الواحد مايعرفش ظروف نقل وتخزين العربية كانت إيه، فأنا أنصحك بإنك ماتكسلش وتعملها، هى إتكلفت فعلاً حوالى 240 جنيه بس صدقنى أنا عن نفسى حسيت بفرق فى العربية عن يوم ماجبتها.

وعلى فكرة، واضح إنك من مكان قريب من بنى سويف، ممكن أعرف منين؟

**MEDO1986** · 22-06-2009 04:59 PM

شكرا لردك اولا ماشى انا من بنى سويف الواسطى قرية ابو صير الملق ولو انت قريب من هنا او ليك اى شىء هنا انا تحت امرك فى اى وقت

**aesaad** · 23-06-2009 09:52 AM

أشكرك على الرد، أنا من الفيوم ولكن شغلى فى القاهرة، بس سمعت عن الفرع اللى فتح فى بنى سويف ومش عارف مستواه إيه بالضبط،

-

الموضوع: صيانة ال 1000 ك المجانيه

LinkBack

أدوات الموضوع

عرض

-

-

المواضيع المتشابهه

صيانة ال 1000

صيانة الـ 1000 فى الـ m11

صيانة 1000 ك

صيانة ال 1000 كم

اعمل صيانة ل/1000 كيلو ولا استنا واعمل صيانة ال/5000وخلاص ؟؟؟ايهما افضل

الكلمات الدلالية لهذا الموضوع

المفضلات

المفضلات

ضوابط المشاركة