حاجة غريبه فى صيانه الالف!!

**asnady** · 19-06-2009 01:00 PM

انا رحت السبع فى صيانه الالف
ناس محترمه و تمام و كنت شايف العربيه بوضوح من الدور التانى
الراجل نفخ الموتور بالهوا و فلتر التكييف عشان انا اشتكيت منه (بيطلع تراب عليا كل ما اشغله)
و زود مياه رشاشات المساحات و رفع العربيه لفوق و بداء يربط العفشه
و بعدين لما جه عند العجله اليمين الاماميه بداء يبص فيها بتمعن (من الداخل من جهه العفشه من عند الصره اللى ماسكه الجنط) و يلف العجله قدام و وراه و يحركها يمين و شمال و محتار جدا
و بعد استدعى زميله اللى شغال جنبه و قعدوا يتفرجوا و يلفوا العجله بنفس الاسلوب و بعدين الظاهر زميله قاله عادى و مشى . راح جه واحد زميله تانى و قاله ايه الحكايه و قعدوا يبصوا فى العجله و واحد زميله تالت جه و قال ايه الحكايه و قعد يبص
بصراحه كنت هموت من الرعب و بعدين كمل شغله عادى جدا و غير الزيت و نزل العربيه
رحت ندهت للمهندس قلتله اللى شفته
نزل سائلهم راحوا ضحكوا كلهم و قعدوا يردوا بمنتهى السعاده مش عارف بيقولوا ايه ؟ (انا ورا الزجاج مش سامع)
و طلع المهندس قالى معلش دا كان بيسائلهم على حاجة فى العجله و انا قلتله مينفعش كدا ابقى قولى و انا اوريهالك على لوحه مش على عربيه العميل ) فى الحقيقة انا مقتنعتش بالكلام و قلقان لحد دلوقتى و مش عارف اعمل ايه
اللى بفكر فيه ان ممكن يكون فى حاجة فى العربيه ال 2009 الشكل الجديد راكبه فى العجله زى تروس abs او حاجة زى كدا و كانوا بيتفرجوا عليها او فى شرخ مثلا فى صره اللى بتمسك الجنط (مصيبه يعنى)
يا ريت حد ينصحنى اعمل ايه انا فلعلا قلقان جدا
هو ممكن يكون ايه ؟؟
العربيه نيسان صنى ex بدون abs موديل 2009 الشكل الجديد اوتوماتيك و دى صيانه الالف عند السبع

**U600** · 19-06-2009 08:26 PM

اولا الف مبروك العربية و اختيار موفق ان شاء الله تانلى حاجة حضرتك مفيش فى النيسان صنى فلتر تكيف اصلا انا معايا سوبر صالون و كنت فاكر زى حضرتك كدا و قالو لى مفيش فاتر تكيف فى النيسان عكس اللنسر و دا احسن اما بالنسبة للمنظر اللى كانوا بيبصوا علية حضرتك لا تقلق من اى شى و لو فى حاجة لازم يعملوها عشان دى حاجة فى و شهم و سمعتهم و ربنا ميجبش حاجة وحشة ان شاء الله بس حضرتك حافظ على الصيانة باستمرار و اتمتع بالعربية و نصيحة اخوية بجد روح احسن مركز صيانة يونايتد جروب الدراسة ناس فى منتهى الاحترام بجد لازم تروح تشوف بنفسك المهندسين اللى هناك فى منتهى الاحترام و الزوء اللى فالدنيا كلها

**aboalm** · 19-06-2009 11:32 PM

ما فيش داعى تقلق بدون سبب لآن أن كان فى حاجه كانو عملوها خصوصا بعد ما المهنس جه و بص هما مش حا يخسرو حاجه و بعدين العربيه بسم الله ما شاء مش 128 مثلا او عربيه قديمه و متبهدله .
لاداعى للقلق و ربنا يبارك ليك فيها

**ahmad--ezzat** · 20-06-2009 02:41 AM

طالاما ماشية ومش سامع اصوات او تغيير متقلقش خلص

**م.محمد علاء** · 20-06-2009 04:14 AM

مش عارف اقول لحضرتك ايه بس ان شاء الله خير ..بس طالما انت شوفتهم قاعدين يبحلقوا فى العربيه..منزلتش ليه تطمن بنفسك..

**MRBEBO** · 20-06-2009 03:38 PM

بصراحة ليك حق تقلق يا باشا

مش عارف انا برضوا مش مقتنع بكلام المهندس

هما لسه بيتعلموا ولا ايه ... مش معقول فنيين محترفين في توكيل محترم وشافوا حاجة جديدة عليهم وكانوا بيتفرجوا

كلام مش مقنع بصراحة ... لو تروح مكان تاني وتطمن مش هتخسر حاجة ... وان شاء الله ميطلعش فيه حاجة وربنا يخلف الظنون

**MEDO1986** · 20-06-2009 09:03 PM

يا باشا متقلقش لو فيه اى مشكله مش هيقدرو يخبو مع احترامى ليك هو الانسان مش رخيص عشان يشوفو عيب ممكن يوءزيك ويطنشو كامو هيعملوه طبعا والا لو معرفوش كانو هيبلغوك بالعيب عشان تروح تعملو فى اى مكان هما تلاقيهم كانو بيتكلمو فى موضوع خاص بيهم وباصين للعجله بس وربنا يستر طريقك