6 مرفق
حل مشكلة الصوت فى الفيات 131و الشاهين و الدوجان
[frame="9 10"]
بسم اللة الرحمن الرحيم
الفيات 131 و الشاهين و الدوجان مشتركين فى مشكلة سماعات الصوت الخلفية
والسبب هو وجود تنك البنزين خلف الكنبة و اسفل الصاجة بالقرب منه
ملف مرفق 4160
1- الصورة المرفقة توضح التالى
1- الصاج الفبريكة بفتحات المصنع
2- اسفل سماعة الصوت واضح من اسفل
3- تنك البنزين خلف الكنبة و اسفل الصاج
ملف مرفق 4161
2- الصورة المرفقة توضح التالى
1- ماسورة تنك البنزين
2- الفتحات الفبريكة من جهة جانب ماسورة التنك
طيب هى دى المشكلة ببساطة --- الحل اية ؟؟؟:shyy:
لازم نعرف الاول ان الفتحات الفبريكة الى فى الصاج مش صح القطع فيها او زيادة قطرها
معنى كدة انة لازم الحل يكون معتمد و مكمل على الفتحات الموجودة
ملف مرفق 4162
3- الصورة المرفقة توضح التالى
كروكى لشكل جميع فتحات الفبريكة
1- فتحة مخصصة لمرور ماسورة البنزين
2- فتحات يتم العمل عليها فى نظام الصوت المقترح
3- فتحة اعلى المساعد الخلفى
طيب اية الصعوبة فى الكلام دة ؟؟؟؟:mahf(5):
بسيطة
احنا حنعمل لوح من الخشب المحمل و نفتح في الاماكن المهمة فقط
ملف مرفق 4163
4- الصورة المرفقة توضح التالى
الفتحات فى الخشب المقترح
1- فتحة لمرور ماسورة البنزين
2- فتحات لمرور الصوت الى فراغ الشنطة
مهم جدا طبعا ان الفتحات تكون مطابقة لاماكن فتحات الصاج الفبريكة
ملف مرفق 4164
5- الصورة المرفقة توضح التالى
اتجاة دخول الصوت الى فراغ الشنطة بزاوية ميل تسمح بالمرور بدون التعرض للتنك
ملف مرفق 4165
6- الصورة المرفقة توضح التالى
بعد عمل الفراغ فى الخشب
عمل فراغ تانى لرفع منسوب السماعات بميل يسمح بمرور الصوت من خلف تنك البنزين و كمان بدون الاحتكاك بالزجاج
ملف مرفق 4168
7- الصورة المرفقة توضح التالى
شكل الميول و السماعات و بعد رفع ظهر الكنبة و دخول الموكيت خلف الكنبة
1- الموكيت
2- الشكل المائل للخشب الحامل للسماعات
ملف مرفق 4167
8- الصورة المرفقة توضح التالى
شكل النظام الصوت بعد تقفيل الشكل و ظهر الكنبة
ملف مرفق 4169
9- الصورة المرفقة توضح التالى
شكل ماسورة البنزين الداخل للتنك من داخل الصالون مار بخشبة السماعات
ملف مرفق 4170
10- الصورة المرفقة توضح التالى
ماسورة البنزين الداخل الى التنك بعد التشطيب بالموكيت
طيب بعد الكلام الجميل دة حلينا كام فى المية من المشكلة ؟؟؟:shyy:
عن تجربة لان الصور دى من عربيتى و انا مجرب الحل دة
1- الخشب ميكونش حبيبى او من نوع ضعيف
2- سمك الخشب لايقل عن 2سم
3- رفع الراقات للسماعات بشكل مائل مع مراعاة زاوية الميل و كمان عدم الوصول الى منسوب الزجاج و مكان الفراغ مع استعمال الغراء و المسمار لتقوية الراقات
4- اول راق اسفل السماعات كامل ومفرغ فية مكان السماعة فقط
5- باقى الراقات مجرد خلفية و جناب شكل حرفCمفتوحة فى اتجاة اوطى نقطة
6- بعد تقفيل الخشب ممكن تشطب الشكل بالموكيت
طبعا محتج الموكيت يتفصل عند خياط علشان الشكل يكون كويس
طيب حنوصل لكام فى المية ؟؟؟؟؟؟:shyy:
ممكن الصوت يتحسن بنسبة لا تقل عن 75%
لان احنا قللنا من اسر وجود تنك البنزين بس بردة حيفضل فية اثر منة بردة
يعنى الكلام دة مع عدة نظيفة بردة حيجسن النسبة
اتمنى اكون افد ووفيت الوعد
م/حسام كمال الدين
مؤسس رابطة الاسطورة فيات 131
[/frame]