رابطة عشاق الريجاتا(عمره بالاسعار)

**abdouz** · 20-06-2009 12:13 AM

فى البداية عايزين نعمل رابطة لاصحاب الريجاتا علشان نستفيد منها كلنا فى حل المشاكل وانا مريت بتجربة جديدة عليه من ميكانيكى نصاب وكتبت التجربة فى الموضوع دة
http://www.nilemotors.net/Nile/showthread.php?t=79856

النهاردة حبيت اجيب كل الاسعار لاستفادة منها وديه عمرة بتاريخ 10/6/2009

طقم شنبر(برازيلى العلبة القديمة) 135

طقم بستم(تايلندى) 240

طقم جوان 90

طقم اويل سيل صباب 35

طقم كاويتش صباب 20

زيت موتور + فلتر 150

طقم بوجيه + فلتر بنزين 30

طلمبة زيت(استيراد ايطالى) 100

طلمبة ماء(ايطالى) 90

ترس كرنك 45

ضبط تكيهات 40

كوع مياه + كوليه 10

مسامير وورد 5

لحام ريداتير 15

زجاجة جملكه 7

طقم جلب مناول 40

طقم جلب بى أل 35

2 انبوبة لحام 10

رداخ 25

زيت فتيس 45

فلتر هواء 10

بنزين وجاز للتنظيف 25

جوان وش السلندر 15

خراط 500

طقم سبيكه 100

عمود كرنك خرط زيرو 10 160

بى أل 35

مناول 50

جلب مناول 30

ابلاتين وكوندنسر 21

ميكانيكى 500

طبعا علشان ربنا مش بيجيب حاجه وحشه ربنا ارد انى اتعرف على مهندس ميكانيكا (دبلومه من امريكا) ودة فعلا راجل فاهم جدا واستاذ ممكن يكون غالى شوية بس الميزة انك بتاخد الشغل منه على الشعره ومفهوش غلطه هو موجود فى الهرم اللى محتاجه يقولى

**maka** · 20-06-2009 02:07 AM

ربنا يباركلك فيها

**ozy2026** · 20-06-2009 03:09 AM

ربنا يباركلك فى العربيه

بس قولنا ايه اخبار العربيه دلوقتى

**firestorme** · 20-06-2009 05:49 AM

ربنا يباركلك فى العربيه
انا لسه عامل عاربيتي من شهرين صرفت معايا 3200
بس انا غيرت اللي عايز يتغير واللي مش عايز انا قلت فتحت الماتور اظبط كله انا عامل العامرة والعربية كانت عامله 125000 كان فيه مشكله في الفتيس هي اللي قدت عليه والقرص بزياده وانا كنت واخدها من الحاج الوالد الله يرحمه ماشيه 81000كيلو فانا شايف المصاريف تقريبا زي عندي الخارط تقريبا نفس الحدود بس الخرط كان علي الإستندارد والميانيكي 650 مع تركيب علبة دريكسيون وباراة وكابالن المهم ربنا يبارك
الكابالن كانت ب 170
والعلبه ب 520

**abdouz** · 20-06-2009 06:59 PM

شكر على الردود المشجعة بالنسبة للعربية الحمد لله ماشية كويس وانا دلوقتى بلين فيها وقربت اخلص 500 كيلو بتوع التلين وهروح اغير زيت وظبط التكيهات وربنا المستعان
ارجو من اصحاب الريجاتا لو عندهم مواضيع تفيد الاعضاء علشان نحاول نعمل رابطة زى باقى العربيات

**mentaloss** · 20-06-2009 07:49 PM

طيب ايه انواع الزيوت اللى انت استخدمتها لكل من الموتور والفتيس وايه اخبار الحراره معاك انا مش عارف الين بسبب الحر اللى احنا فيه والحراره بتوصل عندى ل 110 :( وخطوات تليينك للعربيه عملتها ازاى وهتكملها ان شاء الله ازاى مش هطول عليك يا ابدوز وربنا يباركللك فيها يا اخى...

**abdouz** · 20-06-2009 09:17 PM

صديقي الكريم بالنسبه لزيت الموتور انا قبل العمرة كنت باستخدم كالتكس بى 37 جنية وكنت بغيره على 1200 كليو بعد العمره المهندس قالى لازم تستخدم زيت خفيف شوية علشان حالة الموتور جيده ومش محتاجة زيت تقيل باستخدم دلوقتى موبيل بى 60 جنية جبت جركن موبيل وانا بلين على الواقف وبعدين غيرته وبلين على الجركن التانى حتى 500 كيلو بعدين هروح اغير الزيت تانى وامشى عليه مع التغير فى الميعاد بتاعه انا عارف انى غيرت زيت كتير بس دة احسن علشان ياخد كل الرواسب والرايش بتاع الخراطة
بالنسبة لزيت الفتيس انا مش فاكر النوع بس هو ب 40
بالنسبة للتلين انا فى ال 500 كيلو ماشى 50-60 وهحيانا 70 بس المهم معديش 80 وكمان مابضغطش على الغيار وخالى العربية تاخد سرعتها من غير ما احرق الغيار
بالنسبة للحرارة فى الاول كانت بتعادى 90 بس كان عندى مشكله فى المروحه وبعدين ظبطها ودلوقتى مش بتعدى ال 90 وبحاول امشى بيها الصبح وانا رايح الشغل وارجع بيها بالليل فالجو بيكون كويس
وربنا يباركلك فى العمرة بتاعتك وتلين على خير