أ/ عماد
تحت امرك في اي استفسار وان شاء الله هكلمك علي رقمك المكتوب في المشاركة
بس انا هحاول ارد علي المشاركة دي عشان تبقي موجودة لباقي العضاء خصوصا المهتمين باللوجان mcv
نا هتكلم من واقع تجربتي مع اللوجان mcv حتي الان
طبعا انا لما قررت اشتري اللوجان ناس كتير كانت بتنصحني ابعد عن الرينو عشان مشاكلها و تعقيداتها و غلو قطع غيارها و عدم وجود صناعية بتفهم فيها و الكلام اللي انت اكيد بتعاني منه حاليا و اللي مخليك مش عارف تاخد قرار و مشوش من الأراء اللي حواليك
بص يا أ/عماد احنا كمصريين اكتر شعب يحب يفتي بعلم و بدون علم و اكتر شعب يتناقل الإشاعات و الخرافات بطريقة فظيعة
النظرة اللي الناس واخدها عالرينو مش مظبوطة خالص لأني وبكل صراحة ما شفتش اي حاجة لغاية دلوقتي من العربية تثبت لي كلام الناس
بص يا باشا انا بس هوضح الجزئية المتعلقة بسيارات رينو و الفكرة اللي معظم الناس واخداها علي عربيات رينو و هي ان الرينو عربياتها معقدة و ما حدش بيفهم فيها غير التوكيل
العربية لغاية دلوقتي عامله حوالي 9000 كم و ما عملتش الا صيانة واحدة اللي هيا صيانة ال 5000 و غيرت زيت توتال 5 لتر اللي بيقعد 5000 كم بس دا مش المفروض يحصل لأن العربية المفوض بيتغير لها الزيت عند اول 10000 كم بس مش مشكلة اهو انا اكمنت عالموتور و منعت الشك اللي كان جوايا
بالنسبة لمركز الصيانة اللي عندنا في الأقصر فهو مركز صيانة خاص و لكنه معتمد من الشركة المصرية العالمية كمركز خدمة لصياة سيارات رينو وكيا و بيبقي فيه تفتيش و مراقبة من الشركة المصرية علي اداء المركز و مدي تحقيقه لمواصفات الجودة المطلوبة
و انا بصراحة ما حصلتليش اي مشكلة مع العربية حتي الآن و الحمدلله
ومافيش حاجة اسمها العربية لما تعطل تروح محملها و طالع بها عالمقطم للتوكيل هناك
طبعا كلام مش مظبوط نهائيا لأني كل مراكز الخدمة بها فنيون مدربون من قبل ال شركة المصرية علي اعلي مستوي و بتعاملوا مع اي مشكلة في العربية دا لو افترضنا ان العربية فيها مشاكل كبيرة و ما حدش فاهما و طبعا دا ما حصلش نهائي معايا
وانا اعرف ناس معاها عربيات رينو من قبل ما المركز بتاع الأقصر يتعمل و كانت عادي جدا معاها كليو و ميجان و الأمور طبيعية و ما فيش مشاكل
بالنسبة للعربية وادائها انا كررتها كتير قبل كدا و الله انا لو خيروني تاني عشان اشتري عربية هقرر اشتري اللوجان mcv دون تردد خصوصا بعد ماجربت العربية دي و اقتنعت بيها و فعلا عربية محترمة جدا بس كنت هشتري الفول اوبشن منها ال 110 حصان برده مش ال 90 حصان احسن حد يفهمني غلط
أ/ عماد نصيحة مني خالصة لوجه الله
انا لما كنت زيك لسه بفكر في شراء العربية مالقتش حد مجرب العربية يقولي ايه رايه فيها و فضلت ادور عالنت علي معلومات عنها لغاية مالقيت منتدي روماني خاص باللوجان و قعدت اتابع اراء الملاك فيه و تجاربهم مع العربية دي و بعدها قررت اشتريها و الحمدلله ما ندمتش ابدا علي كدا بل بالعكس انا ناس كتير بتوقفني في الطريق و تسألني علي العربية و بتبقي معجبة بيها
العربية حققت معادلة مهمة بالنسبة لي عربية موثوق من مصدرها كشركة عالمية و عريقة و كمان عربية عائلية من الدرحة الولي و مافيش ما ينافسها حتي الآن لغاية ما نشوف الكارينز اخبارها ايه هل هتبقي 5 راكب و لا 7
بس بردو الرينو رينو اوروبي
كلام المشاكل و ان الرينو مشاكلة كتير و كله عقد غير صحيح الناس اتعودت علي الكوندينسر و الأيلتين و مفتاح البوجيهات يبقي معاها في العربية و اول ما العربية تنتش منه و لا تتبرجل يقوم واقف و فاتح الكبوت ز يشمر دراعاته و يصلح فيها لعغاية ما تشتغل و يبقي مبسوط انه قدر يشغل العربية بنفسه او سواق من اللي معديين في الطريق شغلها له
الفكرة دي الشعب المصري اخدها بعد ما الناس اتعودت علي الموديلات القديمة زي البيجو و اللادا و الفيات طبعا عربيات كانت بسيطة و طوب الأرض بيفهم فيها و ممكن يصنعوها كمان
الفكرة دي خلاص هتختفي لأني كل الناس دلوقتي بتفكر تشتري جديد و تغير فكرها
الرينو زيها ززي اي عربية تحافظ عليها و تعاملها باحترام و تلتزم بمواعيد صيانتك و تعليمات التوكيل مش هتفاجئ باي مشاكل لكن هتطنش و تيسب العربية بدون اي اهتمام هتتعبك و هتقرفك
بالعكس الرينو و الكيا في مصر بيمتلك توزيعهم وصيانتهم توكيل من احسن توكيلات السيارات في مصر بشهادة كل الناس و دا ما بتلقيهوش كتير في مصر
يا باشا توكل علي الله و لا تتردد و ما تسمعش كلام اي حد يفتي لك و خلاص
اعقلها و توكل و ربنا يوفقك في الإختيار
المفضلات