موقف الوالدة فعلا لمجرد الحفاظ على العلاقات الاسرية مش خوف على بنتها من السواقة لانها بتسوق بالفعل عربية زوجها
انا هن نفسي مع مبدأ على اد لحافك مد رجليك وعمري مستلف ولا اقسط حاجة مدام فوق امكانياتي
عرض للطباعة
موقف الوالدة فعلا لمجرد الحفاظ على العلاقات الاسرية مش خوف على بنتها من السواقة لانها بتسوق بالفعل عربية زوجها
انا هن نفسي مع مبدأ على اد لحافك مد رجليك وعمري مستلف ولا اقسط حاجة مدام فوق امكانياتي
وهي تسلفهم ليه
كانت ولية أمرهم
ترفض وتقولهم
على قد لحافك
مد رجليك
حاجة تعصب بجد
موضوع الإصراف والمنظرة في الزواج بلدتي هي أشهر بلد على مستوى محافظة الجيزة فيه
بلدتي هي كانت قرية زراعية حتى وقت قريب حوالي 15سنة المهم هي تسمى الكونيسة .
عندنا بئه حاجة جميلة العريس عليه الشقة كاملة التشطيب وعليه المهر من 20000ج حتى 75000ج الآن غير الشبكة من 10000ج حتى 50000ج غير الفستان والكوفير كلاً حسب الحالة والوضع الإجتماعي وده سعر الإقفال حتى آخر زيجة تمت .
ده بخلاف الفرح كل واحد ونظامه يعني الفرح مش بيحكم على وضعة يعني دي الحاجة الوحيدة اللي عجباني يعني ممكن والد العريس يكون مليونير ويعمل فرح عادي جداً في أي أرض فضاء والأنوار وال دي جى ومحدش يعيب عليه لأن تقريباً البلدة كلها بتعمل كده أهم حاجة يضيّف المعازيم ويكون البوفيه جيد .
يعني اللي بيجيب والعياذ بالله راقصة أو خمور أو مخدرات بيكون موضع سخرية ونقد ورفض من الغالبية العظمى في البلدة
وده دور العريس بس .
نيجي بئه لأهل العروسة ربنا يكون في عون اللي خلفوها .
خد مهر 75000ج يجب على أقل تقدير في الجهاز أقل تقديييييييير يكون 150000ج يعني عدد 2ثلاجة لا تقل عن 16 قدم عدد واحد ديب فريزر للعروسه وآخر لحماتها ؟؟ هو كده ! ده غير تليفزون كبير lcd للصالة وآخر صغير لكل غرفة طبعاً معاهم الريسيفر بالدش عدد 5 مكواه والله حصل ليه علشان فلانة جابت لبنتها 4 وقبل منها فلانه جابت لبنتها 3 وهكذا في أي جهاز مكرر . ميكروويف بوتجاز 6 شعلة وآخر فرن فقط وثالث بتجاز صغير على شكل أنبوبة البوتجاز بس صغير وعليه شعلة ورابع مجرد حامل حديد مثبت به شعلة ( يسمى طباخة ) ده غير هدية العريس الأول موبيل ثم إفتكست إحدى الأمهات إضافة الكمبيوتر حتى أصبح أساسي في الجهاز حتى لو العريس لا يعلم عنه شيء .
ده غير عدد أطقم الصيني والملامين والبايركس والأركوبال والإستانلس والزجاج والكاسات وأطقم الملاعق والتيفال والألومنيوم وطبعاً لكم أن تتخيلو العدد والتكرار في كل شئ ليه علشان أم العروسة بتجهز لبنتها من وهي في أولى إبتدائي فطبعاً على ما بنتها كبرت كانت الحاجات دي أصبحت موضة قديمة فتقوم جايبه من الجديد وكمان تديها القديم تقوم واحده شافت فلانه جابت كدة تقوم المنافسة تشتد وهكذا .
المهم
نيجي للخشب غرفة نوم رئيسية ( حسب المهر والوضع الإجتماعي ) غرفة صالون غرفة أنتريه غرفة سفرة ( محدش إستخدمها عندنا أكثر من يومين في البلدة كلها ) ليه علشان في حاجة إسمها الطابلية بيجي منها 2أو3 أحجام نكمل غرفة نوم أطفال غرفة معيشة طبعاً كله بالنجف والسجاجيد واللوازم كلها .
غير التنجيد نسيت ( أجرة المنجد على العريس ) عدد لا بأس به من المراتب والمخدات والخداديات والألحفة يعطى منها لأم العريس هدية غير عدد من البطاطين قد يصل إلى 10 غير الفوط والملائات حدث ولا حرج قد يتخطى المائه غير مفارش الأسرة
والله العظيم والله العظيم والله العظيم إن أنا لم أبالغ فيما ذكرته بل إنني أؤكد أنني لم أذكر إلا الأشياء التي خطرت على بالي وهناك الكثير لم أذكره سواء عدداً أو نوعاً .
و طبعاً الحاجات دي مش بتيجي علشان تروح على بيت العريس وخلاص لااااااااااا .
دي بيتعملها يوم مخصوص ويتم دعوة الأقارب والمعارف والجيران لهذا اليوم ( يسمى الحآجة أي حاجة العروسة ) ويتم نقل هذه الأشياء على سيارات نقل ( شيفروليه الجامبو ) وطبعاً دي أهم حاجة لأم العروسة علشان توري الناس هي جابت إيه لبنتها .
ومن ضمن الغرائب واحد قريبي والله يوم حاجة بنته كان فيه عربية عرفين الشيفروله الدبابة دي كانت محملة فقط فقط فقط ورد بلاستيك ودباديب (الدباديب جمع دبدوب ) والله العظيم .
ده طبعاً غير الذهب اللي ببيجيبوا والد العروسة لبنته على سبيل الهدية يعني مش كتير على حسب شبكة العريس وإمكانيات والد العروسة يعني من 20 إلى 30 ألف جنيه .
والله بيحصل وبلدي الكونيسة دي مشهورة بكدة في نطاق البلاد اللي حولنا .
وقليلاً ما يحدث تزواج بين أبناء البلد بأخرين بسبب إختلاف طرق التجهيز .
شوفتوا بئه أنا بقول ربنا يكون في عون اللي خلفوا العروسة لييييييييييييييييييييييه .
وطبعاً أنا ذكرت الحوار ده كله علشان الأخت نور القمر بتقول على المنظرة في الجهاز تيجي وتشوف .
أه بالمناسبة الأخت العزيزة نور القمر أعرف عنك منذ إنضمامي لهذا المنتدى الرائع والجميل إحترامك للأعضاء وعدم إمتناعك عن مساعدة أي منهم سواء بالرأي أو بالمؤازرة وذلك قد شجعني على طلب بسيط من حضرتك :_Alshmokh22[1]:
ممكن تكلمي لي صديقتك تسلفني 5000جنيه علشان محتاج المبلغ في مسألة حياه أو مووووووووت :shyy:
أنا عايز أجيب حوض سمك صغير في المكتب بتاعي ممكن تساعديني أنت وصديقتك في ذلك :star1:
تصدق مرة شوفت في شارعنا نفس المنظر ده عبارة عن زفة عربيات نص نقل من اول الشارع لاخره واكتر حاجة لفتت نظري عربية في جميع انواع الحلل الومنيوم وتيفال مرصوصين في العربية
وعربية تانية فيها 3 طبيليات كان نفسي اسألهم هتاكلو على ال 3 ولا ايه وسلمين مطبخ واحد الومنيون وواحد خشب
والله كان منظر اول مرة اشوفه والناس كلها طالعه البلوكانت تتفرج عليه هههههههههههههههههههه
كل مكان له عاداته وتقاليديه
ثواب ايه اللى هاخده لما اسلف واحد يروح يصيف فى شرم الشيخ
ده احتمال اخد ذنوب
والله انا رحت شرم الشيخ فى شهر العسل لمدة 5 ايام
اخدت عهد على نفسي انى لا يمكن اروح تانى
كازينوهات القمار موجودة
والبارات عينى عينك
وكل واحد عنده كافتريا جايب راقصة ترقص
وكله كوم والفنادق اللى بتسمح بالتعرى كوم تانى
والله يا اخواننا انا الفندق اللى كنت نازل فيه كان 5 نجوم وكانوا قاعدين على البيسين من غير الجزء اللى فوق ..... اكرمكم الله
والله كنت موجود فى شرم الشيخ وحاسس ان فى جهنم ، كنت خايف عذاب ربنا ينزل على المدينة ده وانا فيها
معلش انا اسف انى خرجت بره الموضوع
بس انتى صح واللى عملته صاحبتك صح
الموضوع ميختلفش عليه اتنين المفروض السلفة لحالة طارئة لكن مش للفشخرة والمنظرة والكلام دة!
بس احمنا فمصر بنشوف العجب!و بعدين انا مش شايف ان والدتها معاها حق فى موضوع انها صلة رحم لان الاولى لو صلة رحم انهم يختشوا على دمهم و ميستلفوش الا لو حاجة تستاهل و للضرورة!
وطبعا دة راى شخصى مش غلط فى الناس ولا حاجة بس دى حاجة تحرق الدم!