عرض للطباعة
عندي العربية نصر 127 احيانا كثيرة بالاقي الموتور بيسقف معايا عند نقل الفتيس للسرعة الاعلي بالرغم من اني بانقل الفتيس علي سرعات كويسة يعني مثلا باكون علي التاني علي سرعة 40 و باجيب التالت بالاقي الموتور بيسقف معايا ....... و برضه لما باجيب الرابع وانا علي سرعة 60 بالاقي الموتور يسقف ........ ايه سبب الموضوع ده ؟ و ايه الحل ؟ مع العلم اني حاليا باستخدم بنزين 80
أظبط الكهرباء هتلاقى الأسبلاتير عايز يتظبط يعلى كهرباء او يوطى كهرباء
شوف موضوع التسقيف دة معناة ان العربية الكهربا فيها زيادة فروح للميكانيكى خلية يظبطلك الكهربا وكمان يظبطها على بنزين 80 عشان ظبطة ال80 غير ال90 ,وان شاء الله تبقى تمام بس حاول تعمل التظبيط دة فى اقرب فرصة عشان التسقيف دة بيبهدل الماتور جامد
والكهرباء بتتظبط من الاسبراتير لائما بتتفتح لائما بتتقفل عن طريق لف الاسبراتير جهة اليمين او الشمال
:satelite::verygood:اقتباس:
المشاركة الأصلية كتبت بواسطة semsem kane
+1111111111111111111111اقتباس:
المشاركة الأصلية كتبت بواسطة yasserwin
شكرا علي الردود و ان شاء الله اودي العربية للميكانيكي يوم الاثنين
لو حالة الموتور كويسة جرب بنزين90
بما انك بتستخدم 80 يبقي انت بتحتاج كهرباء مختلفة شوية عن الي ممكن تمشي العربية في حالة استخدام 90
و ده علشان قوة اشتعال ال80 اقل من 90 يبقي انت هاتحتاج تروح لميكانيكي يفتحلك الكربراتير شوية و يظبط كهرباء على وضع ال80 يعني المفروض تروحلة و العربية مليانة 80 بس من غير 90 خالص بس
و بعد كدة انشاء الله هايروح التسقيفة ديه خالص
و لو استمرت يبقي انت محتاج تغير ابلاتين و كوندنسر و لو هاتغيرهم هات ابلاتين فرنساوي بلاش الايطالي او الانجليزي
الكهربا المفروض تعلى شوية مع البنزين 80 بس مش كتير لدرجة التسقيف.
و أحياناً بيكون البنزين اللى مش كويس سبب فى التسقيف عشان كده جرب تغير البنزينه فى التفويلة اللى جاية إن شاء الله
والله بص يا باشا انا معايه سويفت وكنت اول مجبت العربيه الحاله الماديه تعبانه فكنت بحط 80 مكنش في اي acceleration ولا اي حاجه العربيه ماشيه وخلاص وكانت لما ابطلها متبطلش وتطلع ضوت قبل متبطل وككان في التصفيق ده برضو لما اشد عالعربيه عالسرعات العاليه بس لما حولت على بنزين 90 زي الحلاوه ومفيش اي حاجه خالص لو انتا خايف عالموتور بتاعك بلاش 80 عشان بجد بيبهدل الدنيا والموتور زي مالإخوان قالو وشكرا
كل موتور وليه بنزينه ووبما ان العربيه 127 فهيكون انسب بنزين ليها هو ال80
يا ريت نبص ع الموضوع دا
http://www.nilemotors.net/Nile/showthread.php?t=16758
والموضوع بعد كده ييجى ظبط كهربا
شوف بيبقى فية نسبة انضغاط لكل ماتور ونسبة الانضغاط هية اللى بتحدد الماتور دة يمشى علية بنزين اية ولو زودت درجة الاوكيتان عن نسبة الانضغاط اللى عندك ولا كانك عملت حاجة فلوس فى الارض بس فية مشكلة ان انسب حاجة ليك 90 ال80 دة بيبقى كلة مليان شوائب وبلاوى زرقاء عشان كدة وحش جدا غير انة بيسخن العربية,وصوته ابيعلى ولما تيجى تحرق على العربية تلاقى نفسك كانك قاعد فى التانك مش فى الصالون ,فانت اظبط الكهربا على الانت هاتمونة كل دة بس عشان تبقى عارف الفرق بين ال80وال90 وتعرف عيوب ال80 ولازم بتتظبطلة ظبطة غير ال90 خالص
رحت النهاردة للميكانيكي ووطالي الكهرباء شوية عن طريق الاسبيراتير و اعتقد انها كده بقت تمام.....
وشكرا علي ردودكم يا شباب
انا معايا 128 مو 85 متعود احط بنزين 80 على طول و السحب بتاعها كويس
و النهاردة اتزنقت و حطيت بنزين 90 و مفيش اي فرق يذكر بين الاثنين في ماعدا شوية تصفيق بسيط
و دة معناه ان العربيات القديمة لما تحطلها بنزين 90 يبقى انت بترمي فلوسك في الارض
تمام كدة بتتوطى مش بتتعلىاقتباس:
المشاركة الأصلية كتبت بواسطة thegoodhacker
بس اخبار السحب معاك اية هل بقى اقل من الأول ولا زى ما هيا ؟
لو قصدك عن فرق السحب مع البنزين 80 هو السحب اقل حاجة بسيطة عما كانت العربية مع البنزين 90 ......اقتباس:
المشاركة الأصلية كتبت بواسطة pro_samir
صوت الموتور كان عالي قبل ضبط الاسبيراتير دلوقتي بقي تقريبا زي ما كان مع بنزين 90 و مشكلة التسقيف بتاع الموتور اعتقد انها كمان اتحلت ......
لا انا اقصد السحب بعد ما وطيت الكهربااقتباس:
المشاركة الأصلية كتبت بواسطة thegoodhacker
هل بقى السحب اقل ولا زى ما هوا قبل ما توطيها ؟
أكيد السحب بيقل بعد توطية الكهربا
هو السحب ممكن يكون قل بدرجة بسيطة تكاد لا تذكر بس صوت الموتور بقي اهدا بكتيراقتباس:
المشاركة الأصلية كتبت بواسطة pro_samir
دلوقتي بعد ما الميكانيكي وطالي الكهرباء بيبقي استحالة اقدر امشي بالعربية و الموتور بارد لازم اعمل تسخين 3 دقايق علي الاقل..... غير كده الموتور يطفي مني كل شوية..... لازم اروح تاني للميكانيكي علشان يعلي الكهرباء شوية ؟ و لا كده عادي ؟
شوف لازم تسخنهةا فعلا كويس ولازم يكون فية فرق بينة وبين ال90 استحاالة مايكونش فية فرق
خلية يعليها حاجة بسيطة خالص بحيث ان العربية متبطلش بساقتباس:
المشاركة الأصلية كتبت بواسطة thegoodhacker
انا وطيتها شوية برضو ومش بتبطل ولا حاجة
كدة عادي و اصح من انك تمشي بيها منغير تسخيناقتباس:
المشاركة الأصلية كتبت بواسطة thegoodhacker
و عموما ممكن تصلح الشفاط لو مش شغال عندك و تستخدمة في حالة انك لازم تمشي بسرعة
شكرا جزيلا علي الردود