مشكله في الشاهين

**ahmed elsherif** · 21-06-2009 12:32 AM

بيانات السياره:
شاهين 2007
الكيلومترات المقطوعه::30000كم
موقف الصيانه الأخيره::عملتلها صيانه ال 250000 وغيرت بوجيهات وسير كاتينه وفلتر بنزين
شكل العادم::عادي مفهوش مشاكل
العربيه من اسبوع كانت بتدوخ في الدواره الصبح وهي بارد وكمان سعات كانت وهي سخنه تغيب عقبال ما تدور برده المارش بيلقط وكل حاجه بس العربيه مش بتدور كانت بتدور من خامس او سادس مره الميكانيكي قالي ممكن البنزين مش نضيف غيرت الفلتر بتاع البنزين وبرده نفس الكلام قال بوجيهات غيرت البوجيهات لشامبيون الاصلي بتاع العربيه وبرده نفس المشكله ما زالت وكل يوم عن يوم بيزيد الموضوع ده وانا مش عارف العيب فين بس سامع صوت زي تسريب كده من الشنطه من تانك البنزين ياريت تشاعدوني الاقي الحل عشان كل شويه يطلعولي بحوار وانا قرفت من الميكانيكيه

**HeMa_LanCeR** · 21-06-2009 12:46 AM

انا شاكك في طرمبه البنزين

**samirayad** · 21-06-2009 12:58 AM

بس سامع صوت زي تسريب كده من الشنطه من تانك البنزين ياريت تشاعدوني الاقي الحل عشان كل شويه يطلعولي بحوار وانا قرفت من الميكانيكيه

فى الغالب حتلاقى خرطوم طرد طلمبة البنزين مالص شويه من على زور الطلمبه وعاوز يتأمن أتصاله على الزور .............وبسيطه أن شاء الله

**ahmed elsherif** · 21-06-2009 02:10 AM

طب وده يا بشمهندس ممكن يكون سبب في موضوع الدواره ده ولا يكون العيب في رداخ البنزين واحد صاحبي قالي كده

**samirayad** · 21-06-2009 09:37 AM

أنا طبعا مش عارف مكونات دايرة البنزين عندك ....بس طالما العربيه 2007 (يعنى تحكم ألكترونى ) فاكيد طلمبة البنزين عندك راكبه على التنك بتاع البنزين ( تحت الشلته بتاعة الكنبه الخلفيه زى عندنا فى الدايو ) ولو كان الوضع كده عندك ......فلو خرطوم طرد البنزين من عند الطلمبه مهوى شويه ......يعملك التقطيع ده ....لأن الطلمبه حتاخد وقت على ماتحضر دورة البنزين فى البدايه ( وجزء من طرد الطلمبه حيهرب فى التنك برضه ) وده مش كويس على سحب العربيه كمان بعد الدواره (لأن ضغط البنزين حينزل بسبب التسريب فى دايرة البنزين من عند الطلمبه ) وممكن تلاقى الخرطوم مقطوع من عند الزور وعاوز يتركب كويس تانى ويتأمن عليه برضه ..............وبعدين موضوع رداخ البنزين ده ( مش موجود فى التحكم الألكترونى أساسا )

**SAMEH_FOUAD** · 21-06-2009 10:27 AM

فعلا هتلاقي سبب المشكلة طرمبة البنزين ,ممكن تكون معلقة وممكن تتاكد انها لو عملت معاك كدة ارفع الكنبة الورانية هتلاقى الطرمبة متثبتة تحتيها فك الغطاء الواقى بتاعها ,خبط عليها بمفك ودور هتلاقيها اشتغلت ان شاء الله ,ولو عملت كدة ابقى وديها لواحد ينظف الفلتر بتاعها عشان اكيد هتلاقية مليان شوائب