عايز ابيع عربيتى ابيزا 98

**M.Mostafa80** · 28-06-2009 12:42 PM

والله يأستاذ فادى لسه جايب واحده من السوق ب 34500 بعد فصال حاد لواحد زميلنا وكان صاحبها بيتكلم فى 37000 وانا لو مكانو وببيع العربيه اللى جبتها لزميلنا دى مش هتكلم فى أقل من 40000 عشان أخد منها 37 وال 38 وخصوصا ان العربيه مشاء الله عليها كانت حالتها ممتازه بس أظاهر ان الراجل كانو التجار سووه على نار هاديه فجت من رزق صحبى وخدتهالو بالسعر ده وطبعا سعر لقطه بالنسبه للحاله زى مقلت كل دى حركات تجار ملتويه عشان يقدرو يكسبو فى العربيه عشره وسبه كان زمان التاجر يحط 500 ولا 1000 ويبوس أيدو وش وظهر
دلوقتى بالميت لازم يطلع من العربيه ب 5000جنيه

**M.Hassan47** · 28-06-2009 06:49 PM

المشاركة الأصلية كتبت بواسطة mohamed_abd_elrahman

على فكرة ياباشا مفيش ابيزا 98 نزلت 1400 سي سي هي بتنزل 1000 سي سي بس .. ممكن يكون متسقط لها موتور الكوردوبا وده غالبا اللي حصل انها متسقط لهاموتور كوردوبا 1400

عموما رنا يوفقك في البيع

[overline]يامحمد الموتور 1400 لكن مكتوب فى الرخصة 1300 ودا طبعا عشان الضريبة المهم انا مره كنت بغيرلها فتيس فانزلت كل حتة الوكالة والحرفيين وكل ماواحد يسألنى موتورك كام سى سى اقولوا 1300 يروح باصص ومستغرب اوى ويقولى مفيش ابيزا 98 نزلت 1300 يا 1000 او 1400 طبعا الموضوع دا جننى لحد بقى مارحت المرور وظبط الموظف وخلانى شوفت الدوسيه ولقيت ان العربية متسقطلهاش موتور ابدا وبردو مرتحتش الكلام ده من حوالى سنة فاجبت رقم الموتور بالتلت حروف وجبته هنا فى المنتدى والله بقى يمسيه بالخير نجم الإبيزا اللى كان موجود هنا فى المنتدى تقريبا كان اسمه حاجة ابيزا وهو اللى كان ماسك القسم هو اللى اكدلى ان موتورى 1400 والرقم مطابق فى الرخصة وقالى هى بس كتبوها 1300 عشان الضريبة لكن مفيش ابزا 1300 هى يا 1400 يا 1000[/overline]

**M.Hassan47** · 28-06-2009 06:53 PM

المشاركة الأصلية كتبت بواسطة fadynabil

بجد يا شباب أنا مستغرب من اللي بسمعوا ده بس فعلا العربيه دي توبها إنها تتباع بــ ٣٣ إلي ٣٥ علي حسب الحاله .. و سيبك من التجار والناس اللي بتهيص

عشان لو فكرت تبيع بالرخيص عمرك ماهتشتري بالرخيص ...

وفكر كده تنزل حضرتك تشوف إبيزا بحاله محترمه وشوف سعرها هيبقي كام ... صدقنب لا يمكن بأي حال من الأحوال أن تقل عن ٣٣ أو ٣٤ ألف

منا بقول كده بردو ياناس عمر الإبيزا ماتنزل النزلة السوده دى مستحيييل دانا ايام ماجبت دى من سنة ونص كانت ااقل ابيزا 39 صعب اوى تنزل للعشرينات حتى لو فى ازمة اقتصادية
وحتى يافادى لو ابيزا حالتها زفت عمرها ماتوصل للعشرين انا اتأكد دلوقتى المشكلة انى مش بفضى ابدا عشان اجرى واسعى فى بيعها لأنى مش بستغنى عنها يوم فاهاستنى بقى واكيد زبونها هايجى

**powerofhelll** · 03-07-2009 04:42 AM

من حوالي شهر كد كنت بدور لواحد صاحبي علي عربيه كان في ابيزا 99 بس كانت واخده خبطه في الوش و متصلحه عند كفتجي كان بيتكلم في 34 يا مسهل بس الخبطه مش جامده جدا يعني ترمي الكبوت و الاكصدام العربيه ترجع فابريكه

**mahmoudysf** · 14-07-2009 09:52 PM

المشاركة الأصلية كتبت بواسطة romeo21

بص بجد العربية دى خصوصا ليها زبون معين هو اللى بيعرف يقدرها وحرام انت تنزل فى عربيتك اقل من 33 لأن اى تاجر هايخدها هايبعها فى ظل النزلة السوده دى فى السوق هايبعها على 38 فاحرام يعنى وهما اما الواحد بقى بينزل السوق بيعملوا اى حاجة عشان يقنعوك انها بقت فى العشرينات واما تقوله ازاى يقولك ياعم العجل كله نزل ماشى لكن مش الألمانى اللى ينزل النزلة دى
اصلى مش ببيع دايو دى ابيزا ياجدعاااااان

على فكرة لمعلومات حضرتك ان الدايو موديل 98 بنفس حالة عربيتك بتعمل ااقل حاجة 40 الف وتلاقى الف مين يشتريها

**tamershaweky** · 16-07-2009 04:09 PM

انا لسه بيع عربيتي كانت ابيزا موديل 1998 جميع الكماليات عدا الباور عداد 140 الف كيلو فبريكه دواخل وسقف بجنوط اسبور الماني اصلي كان ب 5 الف جنيه كانت حاله شاذه بجد مشيت ب 30 الف جنيه بس يا جماعه بجد الابيزا عربيه محترمه جدا جدا جدا

**M.Mostafa80** · 19-07-2009 08:09 PM

المشاركة الأصلية كتبت بواسطة tamershaweky

انا لسه بيع عربيتي كانت ابيزا موديل 1998 جميع الكماليات عدا الباور عداد 140 الف كيلو فبريكه دواخل وسقف بجنوط اسبور الماني اصلي كان ب 5 الف جنيه كانت حاله شاذه بجد مشيت ب 30 الف جنيه بس يا جماعه بجد الابيزا عربيه محترمه جدا جدا جدا

وضح انك كنت مستعجل فى البيع جدا