زيت التعاون الاحمر للبيتلز

**ابوهاشم** · 21-06-2009 02:28 AM

اخوانى وحبايبى ملاك البيتلز
احنا جربنا انواع زيوت كتير جدا وانا اولكم
واخرها كان زيت امارات مصر اللى ماكملش 500ك
مع انهم كانو بيقولولى يتغير بعد 3000ك وطلع اونطه
الغريبه ان دايما كل الميكانيكيه ينصحونى بزيت التعاون
الاحمر للبيتلز ودايما يأكدو اننا مانغيرش زيت الا هو
اخدنى الفضول اخر مره وروحت غيرته
بصراحه ياجماعه انا ندمان انى اتعامل مع اى نوع زيوت
غيره من قبل
الحمد لله الزيت كمل ال1000ك ولسه مانقصش وماحلش
بالرغم من الحر الشديد وسافرت جمصه ورجعت
ومافيش بخر ولا حاجه مع العلم ان عربيتى 1500 سى سى
حبيت اعرفكم بس للعلم وأكدلكم ان كلام الميكانيكيه سليم طبعا
والف تحيه لزيت التعاون الاحمر
فعلا وعن تجربه هو انسب زيت للبيتلز:b4_388:

**amo400** · 21-06-2009 05:39 PM

الزيت الاحمر رقم 4 بتاع الديزل صح الكلام ولال

**ابوهاشم** · 22-06-2009 12:43 AM

صح ياايمن باشا هو فعلا

**ahit** · 22-06-2009 02:18 AM

السلام عليكم و رحمة الله و بركاته

هاشم باشا و أيمن باشا
واحشنى و الله

المشكلة الكبرى بتكون فى الزيت المضروب مش فى ماركة الزيت غالباً لأنى إستخدمت زيت التعاون العادى 3 مرات اول مرة كان ممتاز و المرتين التانيين كان وحش جداً و سريع البخر لكنه بصراحة مش بيفك بسرعة .
لكن الحمد لله أنا مبسوط جداً من شيل x100 لأنه بصراحة ممتاز صيف و شتا مع البيتلز و عن تجارب كتيييييييييير جداً و الحمد لله , بس المهم تشترية من بنزينة شل نفسها .

**أحمد سالم** · 23-06-2009 11:29 AM

السلام عليكم و رحمة الله و بركاته

هاشم باشا و أيمن باشا
واحشنى و الله

المشكلة الكبرى بتكون فى الزيت المضروب مش فى ماركة الزيت غالباً لأنى إستخدمت زيت التعاون العادى 3 مرات اول مرة كان ممتاز و المرتين التانيين كان وحش جداً و سريع البخر لكنه بصراحة مش بيفك بسرعة .
لكن الحمد لله أنا مبسوط جداً من شيل x100 لأنه بصراحة ممتاز صيف و شتا مع البيتلز و عن تجارب كتيييييييييير جداً و الحمد لله , بس المهم تشترية من بنزينة شل نفسها .

كلام مظبوط
كل التحيه للاخ هاشم والاخ احمد حسن

**fidodido7up2** · 23-06-2009 04:08 PM

كل التحية لملاك البيتلز انا متابع الموقع من اكتر من شهر وتقريبا قاريت كل المواضيع الخاصة بالبيتلز وشدنى اسلوبكم الجميل فى تبادل النصائح واحب اشكركم جدا لانكم سبب مهم خلانى اختار العربية دى
اولا اعرفكمم بنفسى محمد أمير من سكان حدائق القبة 26سنة واخترت العربية دى من كلامكم عنها لانى كنت محتاج عربية مش تتعبنى وتكون موفرة فى كل حاجة وتقدر تستحمل مشوار شغى من الحدائق الى كارفور المعادى مع العلم بانى اول مرة اشترى عربية واول مرة اسوق ومعنديش اى خبرة اطلاقا
عربيتى خدتها من واحد معرفة على شان خوفت يضحك عليا فى الزمن دة لعدم وجود خبرة المهم عربيتى موديل 72 المانى1300 سىسى1200 مفهاش اى برومة العفشة كويسة والرقبة كمان والسقف ومفهاش اى خبطات غير منى ودهان كويس وجنوط سبور 16 وكوتش كويس لحد ما وكاسيت ال جى مع سمعات يبانى مع جى ام كبير جدا ملوش مكان غير تحت الكرسى وكان تمنها 15000 ممكن يكون كتير شوية بس انا توكلت على اللة لثقتى فى صحبها وحالت العربية
والحمد للة من ساعت ما جبتها وانا مبعملش حاجة غير البنزين وكمان غيرت زيت بمشورة الاستاذ احمد حسن وحاطيت شيل اكس 100 ومن خبرتى ابسيطة هو كويس معايا
وعلى مدار شهر تقريبا المشاكل اللى حصلت معايا هية ان حاسس بصوت نحر فى اعجل من ادام خفيف وانا ماشى بس مش عارف احدد من انى جهة وكمان المرش مرتين يعلق منى وادورها زق روحت لكهربائى فى عين شمس فضل يجرب اشتغلت كويس معاة قالى مفهاش حاجة حرام نغير اوتومتك غير لما نتاكد مشيت من عندة والعربية فضلت شغالة اسبوع كويس بدور على طول وبعدين عملتها تانى يوم بحالة وبعدين رجعت تشتغل اسبوع تانى كويس لغيت دلوقتى
تانى حاجة السحب بتعها بحس انة ضعيف مقارنة مع العربيات التانية على الطريق تقدر تقول انها بتجيب 100 بالعافية وعلى مهلها مش عارف دة عيب ولا دة الطبيعى منها وفى كمان شوية زيت من تحت لما بكون جاى من مشوار طويل بس برجع اطمن على ازيت بلاقية مش ناقص
ياريت اعرف رائيكم وبعتذر من اسلوبى الغير منسق