30 يونيو اخر يوم للاشتراك بنادى التجاريين

**Samah AbdAllah** · 21-06-2009 03:16 AM

30 يونيو اخر يوم للاشتراك بنادى التجاريين

بعد رحلة عناء للحصول على كارنيه النقابة الحمدلله وصل الكارنيه بسلامة الله اليوم وتم استلامه بعد 3 شهوروأكثر من تاريخ التقديم عليه

لما سألت على اشتراك النادى واللى انا كنت عاوزة اعمله من 3 شهور وقالولى لسة عالصيف

اتضح انه شغال من الشتاء عادى

وان 30_6 هو اخر يوم للاشتراك ولا يحق لغير الحاصلين على رقم عضوية الاشتراك فى النادى

طبعا هتقولوا ما كل واحد معاه كارنيه معاه رقم عضوية....هقولكم مع الاسف لأ فى ناس اكتشفت عند طلب رقم العضوية من قبل النادى عدم وجود رقم عضوية وكأنهم ماكانوش بيدفعوا حاجة بقالهم سنين

لكن الحمد لله انا لقيت رقم العضوية ورحت اعمل اشتراك النادى واستكملت كل اللى مطلوب لكن كالعادة لازم يطلعوا ورقة ناقصة وتعالى بكرة بقا لما تجيبيها وهى اثبات ان ماما تبقا ماما مش خالتو ولا عمتو ولا حد تانى
يعنى شهادة ميلادى وبطاقة ماما وصورتين لماما عشان اعملها كارنيه عضوية خاص بيها انا فكرت اطنش ومش اعملها واخلص

هههههههه بس صعبت عليا وقولت اروح بكرة تانى وخلاص

المهم حبيت انقلكم الخبر لو فى حد من الاعضاء من اعضاء النقابة ولسة معملش اشتراك وعضوية النادى يلحق يعمله

هو صحيح النادى مساحته محدودة ومعظمه مبانى والمساحة اللى عالبحر صغيرة وزحمة ونادى القضاة استولى على الجزء المواجهه مباشرة للبحر امام نادى التجاريين
يعنى احنا نبقا قاعدين وهم عاملين سور كده ومرتفعين شوية عننا وقاعدين قدامنا واخدين الهوا والبحر مننا بس هنعمل ايه دول قضاة مصر برده لازم نستحملهم

بس النادى اللوبى بتاعه حلو ومساحته كبيرة يعنى حلو اكتر فى الشتاء بس هو فى الاول والاخر حق من حقوقنا امال احنا بندفع للنقابة ليه؟؟؟؟؟؟؟؟؟؟؟

اللى يحب يروح يعمل الاشتراك ياخد معاه

1- صورة المؤهل الدراسى والاصل للاطلاع عليه
2 _ 2 صورة شخصية
3- شهادة الميلاد صورة واصل للاطلاع وبطاقة الاب والام+2 صورة شخصية لكل واحد منهم لو يحب يعملهم عضوية
4-لو متجوز او متجوزة بياخد بطاقة الزوج او الزوجة مع 2 صورة شخصية
5-لو فى اولاد بياخد شهادة الميلاد صورة وأصل للاطلاع برده و2 صورة شخصية لكل طفل
6- صورة اخر ايصال لسداد اشتراك النقابة
7-صورة البطاقة الشخصية
8- صورة كارنيه النقابة

12 جنيه عن كل كارنيه هيعمله

هذا وسوف نوافيكم باخر الانباء

**hamedo0** · 21-06-2009 11:14 AM

بعد اذن حضريتيك انا خريج 2004 ومش عملت النقابه ينفع اشترك في النقابه دلوقتي ولا خلاص

**Samah AbdAllah** · 21-06-2009 01:42 PM

المشاركة الأصلية كتبت بواسطة hamedo0

بعد اذن حضريتيك انا خريج 2004 ومش عملت النقابه ينفع اشترك في النقابه دلوقتي ولا خلاص

بتشترك عادى وبتدفع الاشتراك من تاريخ تخرجك لحد دلوقتى تقريبا 50 جنيه ويمكن اقل عن كل سنة

**sleepyhammer** · 21-06-2009 02:55 PM

نشكرك يا بسكوتة على معلوماتك الجميلة دى
وبالنسبة للاشتراك .... ممكن الاشتراك لاى خريج فى اي سنة المهم بتروح النقابة و تسأل عليك كام من ساعة ما اتخرجت وبتدفعهم وبتاخد الايصالات وبس
المهم ثم الاهم والغاية فى الاهمية ((( الايصاااااااااااال )) تأكدوا من اخذه والحفاظ عليهم من اول الاشتراك فى النقابة لحد اخر ايصال لانه اهم من الكرنيه واهم من اي شيء فخلي بالكم كويس من الايصالات دى ( ايصال السداد بتاع كل شهر )

وانا لسه مشتركتش فى النادي بس حاسس انه حيبقى بالضرب ومش هستمتع بيه لان ما شاء الله خريجي التجارة 80% من الشعب ( كلية الشعب ) فممكن لو روحت اقف اخد دورى لحد ما الاقى كرسي بس على رايكم اهو استنفاع بردو احسن من مفيش.....

وفى كمان حاجات حلوة عملاها انا لسه سامع عنها وهو العلاج الطبي بتاع النقابة .. بتساهم ب 60% من العلاج اهو حاجة كويسة بس ليهم ميعاد محدد فى السنه للاشتراك فى العلاج حبقى اسألكم عنه

وشكرا ليكي يا بسكوته مرة تانية والحلقة بتاعتك جميلة ومشوقة جدا ( حوار من القلب) اجدع ناس الاسكندرانية بنت بلدي

**Samah AbdAllah** · 21-06-2009 03:24 PM

ربنا يخليك ده بس من ذوقك
الحق بقا اعمل اشتراك النادى بس اهم حاجة يكون معاك رقم العضوية واخر يوم 30-6 هو مش زحمة اوى بسبب رقم العضوية ده وانهم محددين اخر ميعاد للاشتراك

خلى بالك مش خريجى كلية تجارة بس ده الدبلومات والمعاهد وحتى الجامعة المفتوحة معانا برده فى نفس النقابة