الموضوع: skoda mini fabia - ford fiesta plz need ur help

المشاركة الأصلية كتبت بواسطة semsem kane

ياباشا جديدة اية العربية نازلة بقالها 7 شهور فعلى فى المعارض وقعدوا فى الجرايد يجيبوها لمدة شهر كامل كل دة وعايزة تسويق ونزلولها امكانيات كتير جدا جدا وقعدوا يفرقوا بين ال1400 سى سى وال1600 سى سى يعنى كل واحد كان يشوف امكانياتها الل ىنازلة بيها متهيالى تضرب اى عربية كورى وسعرها ماكنش بيعدى 115 الف كاملة فول اوبشن تيبترونيك وبردة محدش جابها,وصدقنى فعلى مابشوفهاش ,يعنى السيراتو اول لما نزلت لقيتها كتير جدا قعدت بس حوالى شهرين وبعد كدة انتشرت جدا يبقى فين يقى الفابيا

السبب الرئيسي في عدم إنتشار الفابيا إنها أول ما نزلت كانت ب 115 ألف و جي أول ما نزلت أنا سألت عليه كانت ال 1400 سي سي و ب 115 الف غير إن النسخة الاسبورت رحت شفتها في معرض أخر عباس العقاد قالي 136 ألف جنيه فكانت غالية فعلا خاصة إنها كانت مقربة جدا من عربيات من فئة تانية زي السيفيك مثلا.

الفول أوبشن تيبترونك حاليا 121 بعد التخفيض مش 115.

بعدين العربية مش نازلة تضرب أي عربية كوري أو ياباني .. العربية نازلة تنافس كل الماركات .. بغض النظر كوري أو أوروبي .. وده الكلام اللي مكتوب عنها في كل مكان.

المشاركة الأصلية كتبت بواسطة semsem kane

طيب انتوا ممكن تكونوا بتتكلموا على الفابيا كومبى هية اة اكبر من الفابيا العادية بكتير بس بردة التقفيل واحد والخامات واحدة ,ومحدش يقارن عربيات برة بعربياتنا هنا

مش بتكلم على الفابيا كومبي و مش بقارن العربية بره و هنا و لو حضرتك رحت التوكيل و شفتها و شفتها على النت هتلاقيهم واحد في كل المواصفات عدا ال gps اللي إتشال من العربية قبل رغع الحظر عنه.

و فعلا تقفيل العربيتين واحد و خامتهم واحدة.

أخر حاجة .. عدم إنتشار العربية مش دليل أبدا على إنها مش عربية كويسة خاصة في سوق زي مصر. و إلا أصبحت الأودي عربية سيئة رغم إن في منها فئات بنفس أسعال الباسات و البي إم دبليو. نفس الكلام ينطبق على الرومستر و الفرق الكبير بينها و بين الماتريكس و رغم ذلك الماتريكس منتشرة جدا .. لاحظ هنا إني بتكلم على الرومستر أول فئة اللي 87 ألف مش أعلى فئة.

المشاركة الأصلية كتبت بواسطة semsem kane

شوف كلنا عارفين موضوع الاودى بل بالعكس بقيت بشوفها كتير جدا ودة معناة انها بدأت ترجع لان فعلا الاودى بحبها جدا وعربية محترمة بجد ,
بس معلش ماتجيبش عربية ب280 الف وتقول خليها تنتشر بردة مش كل الناس معاها المبلغ دة لكن 88 او 100 الف فى عربية عادى جدا يبقى الاسكودا لية مش ظاهرة فى السوق طالما هية حلوة كدة وسعرها قريب جدا او يوازى سيارات كورية زى الافيو والاوبترا والنوبيرا ماكل دة سعرهم بيتراوح من 80 الى 89 بالفتيس الاتوماتيك يبقى اجيب بقى استيبترونيك فابيا 1600 مش هتعمل غير 90 الف وراكب عربية زى مابتقولوا خامات وجودة تقفيل وعالمية وسيارة جميلة جدا,شوف اكيد فية غلط فى الموضوع انتوا بتقولوا حاجة وانا والناس اللى ركبت العربية بتقول حاجة تانية خالص
عموما شكرا لارائكوا ودية مناقشة عادية ,ان العربية ركبتها بس لكن ماسوقتهاش وشوفتها على الطريق عاملة ازاى وصدقنى لو صادفت ولقيت واحد راكبها هاسالة العربية عاملة معاة اية ,بس والله انا مابشوفها الا نادرا يعنى ممكن مرة فى الشهر وممكن يعدى الشهر من غير ماشوفها خالص

سيبنا من من الأودي اللي فعلا نادرة جدا في السوق و مش بشوفها كتير .. السيفيك نفسها مكنتش منتشرة رغم إنها واحدة من أفضل العربيات في الفئة بتاعتها و ما انتشرتش -نسبيا- إلا بعد نزول أسعارها .. أعتقد إننا مش هانختلف على إن عدم إنتشار عربية مش هو السبب اللي يخليها وحشة أو الدليل على إنها وحشة.

الشي اللي محيرني فعلا إنك مصمم إن فيه حاجة غلط في الموضوع من غيرما تقول إيه الحاجة الغلط و لا أعتقد أبدا إن المسألة في جودة الخامة خاصة و أن خامات الأفيو أو الابترا أو غيرهم في نفس الفئة السعرية ليست أفضل من خامات الفابيا 1400 ناهيك عن الفابيا 1600 الاسبورت ..

حاجة تانية حضرتك بتقول إنك ركبت العربية و انا كمان ركبت العربية في كل فئاتها بس حضرتك أضفت لرأيك بقية أراء الناس التانية اللي للأسف ملقتش عند معظمهم -على الأقل هنا في المنتدى- نفس رأيك.

أخيرا شاكر ليك إهتمامك بالرد.

ملحوظة: الفابيا 1600 ستيبترونك مش ب 90 ألف دي ب 110 و الاسبورت بتاعتها ب 121 إنما الفابيا 1400 هي اللي ب89 ألف.