مشكله خنيقه في رمان بلي النوبيرا

**luciffer1111** · 21-06-2009 04:32 PM

انا غيرت رمان بلي نوبيرا تلات مرات في شهرين مش وبرده باظ تفتكروا العيب في ايه يا شباب؟ وهل في حاجه بتبوظ الرمان بلي مع اني غيرت جيبت مرتين كوري ومره الماني

**samirayad** · 21-06-2009 04:34 PM

لو تقصد رمان بلى العجل فطريقة شحط البلى فى الصرر عليها عامل كبير فى أطالة عمر البلى ....بالأضافه لبلد الصنع طبعا

**Sherif Khalifa** · 21-06-2009 04:44 PM

صرة العجل ممكن تكون ملوحة و محتاج تتغير
بتفرط البلى كل ما تركب واحدة جديدة علشان الدوران مش مظبوط

**MMamdouh** · 21-06-2009 04:47 PM

عجل امامى ولا خلفى؟؟

MMamdouh

**luciffer1111** · 22-06-2009 06:51 PM

متشكرين يا بشوات
بس اجيب رمان skf ده منين انا مش لاقي غير نوع ايطالي كده شكله تعبان
ولو في حد عنده ميكانيكي بيفهم يا ريت يقولنا عليه بالمناسبه رمان بلي امامي

**ahmedfawzy14** · 22-06-2009 07:02 PM

بلاش الايطالى ابو علبة اصفر فى اخضر كده
اسمه تقريبا كورم

وياريت تقولنا انتا منين اصلا عشان الخبراء بتوع الدايو يوصفوا ليك حد كويس بتاع قطع غيار
وميكانيكى كويس برده

**samirayad** · 22-06-2009 08:59 PM

بس اجيب رمان skf ده منين

شارع معروف بوسط البلد مليان بتوع رمان بلى ...وعندهم كل الأنواع .....وهناك كمان توكيل شركة فاج الألمانيه بتاعة البلى والنوع ده كويس برضه ............

ولو في حد عنده ميكانيكي بيفهم يا ريت يقولنا عليه بالمناسبه رمان بلي امامي

شوف أهم حاجه تخللى بالك من الصنايعى وهو بيشتغل فى تركيب البلى الأمامى .....وطريقة شحط البلى فى الصرر تكون صح .....والآداه اللى حبستعملها فى الشحط يكون قطرها الخارجى أأقل حاجه بسيطه جدا من القطر الخارجى للبلى .........علشان وهو بيشحط البلى ....تحميل الشحط يكون على الصينيه الخارجيه للبلى ......ودى بنسميها ال outer race .............وفى الحاله دى البليه حتخش سليمه ....بدون أى تأثير على شبكة البلى

**samirayad** · 22-06-2009 09:24 PM

......ودى صوره لرومان بلى ball bearing زى اللى بيركب قدام فى العربيه ....علشان تخللى بالك من الصينيه الخارجيه ......والبرسه أو الباره أو الماسوره اللى حيستعملها الصنايعى وقت الشحط تكون أاقل من الخارجى حاجه لا تذكر ......قول أاقل 2مم على الداير الخارجى .............