يا اخي دا انتا غريب واللهاقتباس:
المتخلفين اللى كانوا بيشجعوا بغباء هما اللى جابونا لورا .
ايه علاقة المشجعين بالهزيمة اصلا
بيقولك اللاعيبة جابو فتيات ليل......
و بص عالتشكيل اصلا زي الزفت ,,,,
عرض للطباعة
يا اخي دا انتا غريب واللهاقتباس:
المتخلفين اللى كانوا بيشجعوا بغباء هما اللى جابونا لورا .
ايه علاقة المشجعين بالهزيمة اصلا
بيقولك اللاعيبة جابو فتيات ليل......
و بص عالتشكيل اصلا زي الزفت ,,,,
ما هما اللى ملهمش فيها هما اللى زعلانين , غريب ايه و ليه !!
و هو التشكيل بايد مين يعنى ؟؟
زيدان مصاب و معوض مصاب و احمد فتحى ارجل واحد فى مصر اتصاب فى الماتش و كان فى لعيبه مقضية ليلة حمراء .
يبقي بايد مين التشكيل !!
مفيش ولا مهاجم فى المنتخب غير زيدان :( و كمان انا هجيب لك اقتباس من كلامى امبارح و انا بقول مش متفائل علشان مفيش مهاجم بديل ..
معلش يا درش بس يا ريت موضوع الليلة الحمرا ده منقولوش كدة جزافاَ لأنه منطقياَ ده شئ غير عقلاني
و أمثال عمرو أديب اللي بيجروا ورا الفرقعة .. هيفرقعوا قريب إن شاء الله
و مننساش إن أقصي أمالنا إننا نخرج من غير سكور عالي من البرازيل و إيطاليا و نتعادل لو نقدر مع أمريكا
عامة توضيحاَ لمبدأ جلد الذات اللي بقول عليه
انا هنقلكم ردود من موقع الفيفا من مختلف الجنسيات .. و شوفوا المصري شايف فرقته إزاي بعد الماتش .. و باقي العالم شايفها إزاي
ده مشجع أمريكي
Awsome performance by the Usa by beating a really great team Eygpt didn't expect ever to advance but go USA! Play with your hearts out when you fight spain!
ده مشجع سريلانكي
Egypt thank you very much for giving us an exciting tournament and hope to see you in South Africa in an years time. Good Luck.
و ده مصري
im egyptian and im telling ya.. we didn't deserve our win over italy. we were not playing good. Egyptian team SUCKS!!
و ده أمريكي
I don't believe that we made it to the semi-finals! Just when things looked horrible we beat the team that had just beaten the world champions (who had beaten us) days before. I hope we can show the same stuff against Spain!
و ده مصري
........* شحاتة و ........ اللعيبة ال............ علي ............* البلد دي بنت ........* ........* .. شعب ........ و ............* .. انا عايز أعيش في بلد تانية تكون محترمة إتفو عليكم إتفو إتفو إتفو ... اللعيبة المصريين كانوا مشغلين في إوضهم أخر يومين .. يا ........ ! (المشاركة مترجمة من الفرانكو أراب)
للأسف إقروا الردود كلها هتلاقوا محدش بيجرح و بيشتم و بيلعن مصر غير المصريين .. و الباقيين بيقولوا برافو لمصر علي ماتشات المجموعة السابقة و نتمني نشوفها في جنوب أفريقيا .. و الأمريكان مش مصدقين إنهم كسبوا مصر .. و جمهور العالم مرشح الحضري بفرق كبير عن أقرب منافسيه إيكار كاسياس أحسن حارس مرمي في البطولة ..
أحمد حسن معلقاَ علي التليفون مع شوبير : ردود أفعال المصريين و الجمهور علي موضوع البنات كرهنا في إننا نلعب تاني .
و بيقول إنه فيه إتجاه جوا المنتخب لتقديم شكوي للنائب العام ضد عمرو أديب و إلا هيمتنعوا عن اللعب للمنتخب في حالة عدم الإعتذار .. أبو تريكة مكتئب من الموضوع و زيدان بيقول إنه - أبو تريكة - بيفكر يعلن إعتزاله دولياَ بسبب التجريح اللي شافه عالفضائيات في شرف لاعبي المنتخب .
عيب نصدق صحيفة جنوب أفريقية و نكذب الناس اللي كانت مفرحانا من يومينو سجدوا مع كل جول .. ندور عالحقيقة عالأقل مش نبقي أول ناس تدبحهم .. تخيل تبقي مفرح شعب كامل و بعديها بيومين الناس تتهمك في شرفك .. فين شرف المهنة يا عمرو يا أديب .. فين مصريتك يا مصري ياللي جي تهدي الموضوع .
زيدان بيقول إن إتهام زي ده يخليه يرجع بكرة علي ألمانيا لأنه مش هيعرف يبص في عينين الناس اللي كان نفسه يشوفها و هي بتتهمه بدل ما تهنيه بجونين البرازيل
مبروك حالة اليأس اللي وصلنا لنفسنا فيها و نسينا الإنجاز الكبير اللي عملته .. إمتياز مع مرتبة الشرف لجمهور مصر في جلد ذاته و تقليل نفسه و تقليل صورته أمام باقي العالم بردوده علي موقع الفيفا .. مبروك ذبح أعظم جيل عدا علي الكرة المصرية بدون أي داعي .
إذا مطلعناش كاس العالم .. نلوم نفسنا أحسن .. بلاش نلوم حسن شحاتة ولا اللعيبة .
مش ده الجمهور اللي يدعم فريق عايزينه يوصل كاس العالم .
واضح إن أمريكا يادوب إدتنا شرارة ال self destruction !
يا جدعان منتخب ايه وبتاع ايه الى احنا بنتفرج عليه ده اولا ده منتخب فاشل حتى لو كسب وبعدين الواحد لما بيتفرج بيتفرج على مصر وهى بتلعب ولو واحد من الى بيلعبو وعنده احساس كان رفع علم مصر واجتهد دول كانو ناقصلهم كام عصايه يمشو بيها يراجل بلا منتخب بلا كلام فارغ الواحد كان وراه 100 حاجه سبها على شان يتفرج على شويه مكسحين وانا اخد درس ليا مش هتفرج على منتخبات تانى حتى لو دورى مش متفرج عليه ايه شويه الى احنا عملينلهم حساب دول اصلا والله ما يستهلو يكونو بياعين فى كشك سجاير اصلا بلا كلام فارغ
أصل معلش يا محمود ...
فى نقطة انا عايز أقولها ..
لو لاحظت فريق مصر ... يلعب مباراة مع فريق أقوى يعمل شغل عالى ...
مباراة مع فريق أقل ... يخسر ..
لييه؟؟
عشان الرعونة و الغرور و الإنفرادية ...
بمعنى إن أنا نازل الماتش بلاعب فريق أقل منى فبلعب بمنتهى الإستهتار ... و بدون مسؤليه ...
كل التفكير فى الأضواء ...
و الفلوس و لحظة الإنتصار و الناس إزاى هتبصلهم و التكريم ...
و يتمنى يوصل لكده بدون تعب ...
و دى بتعود على التربية طبعا .. و للأسف مفتقة فينا كلنا ...
و محتاجين العمل الجاد , و الإصرار و العزيمة و الإلتزام و الإنضباط و الطاعة و التدين ...
و للأسف الرعونة و الإستهتار و الإهمال .. هو ده السبب ...
و العيب فى الجمهور كمان .. بيعظمهم كأله ... أستغفر الله العظيم .... و لو كسبوا ماتش يبقى دول العظام دول
أبطال عالم ...
و يطلعوا بيهم السما ....
بص على الألمان و الأمريكان فى لعبهم ...
هتلاقى الجدية و الإلتزام و العزيمة ... ناس مبرمجة على كده ...
الشعب زهق ... و كمان الشعب عايز يفرح بأى حاجة من كتر الهم إللى عايش فيه و اللى جابه لنفسه ...
عايزين نبدأ بقى نقلد الناس اللى برا مع تقاليدنا و ديننا ...
و أنا هبدأ بنفسى إن شاء الله ...
و شكرا
يا جدعانم فى صور وتقارير هوا ايه الى كلام صح
إحنا شعب متطرف عاطفيا.. لما يفرح يفرح أو و لما يزعل أوي و لما يغضب يغضب أوي و ينسى للي هو غضبان منه أي حاجة حلوة و بعد شوية تلاقيه و لا فاكر حاجة من غضبه. دي سمات العالم التالت المتخلف للأسف و حقيقة ما نقدرش ننكرها.
من الاخر يا جماعة اصلا.....جنوب افريقيا عملت موجة وعايزانه نركبها وخلاص
هما عندهم معدل الجريمة مرتفع وده مخوف منتخبات كتير ومخوف الفيفا لتنظيم كاس العالم يفشل وكاس القارات دى بروفة قبل كاس العالم ولو اعترفوا ان منتخبنا اتسرق يبقا البروفة باظت وهما مش عايزين كده يبقا لازم يلبسوها للعيبة ....
وبعدين الاعيبة عملت الى عليها ومتنسوش ان فى 6 مصابين يا جماعة برضك
لو فى غلط هيبقى على شحاتة انوا منزلش غير بتيم واحد واستبعد لاعيبة من التشكيلة ليها قيتها ونزل ناس معندهاش خبرة ...............