الموضوع: يالاااااااااااااااااااااا ا بينا

يالا بينا يا جماعة بقي موجات هجوم علي المنتخب
و منتخبنا الموكوس فضحنا
و إحنا جبنا 3 إجوان في البرازيل بالحظ
و كسبنا إيطاليا بالبركة
و حسن شحاتة مدرب فاشل
و اللعيبة المصريين مكسحين
و الدفاع شوربة
و خط الوسط ملوش لازمة
و الهجوم زي قلته
و إحنا بصراحة كان إيه اللي لعبنا كورة و خلانا عندنا فريق خلينا في الدوري المحلي بتاعنا
و الفرحة كتيرة علينا ملهاش لازمة
و يطلع واحد يقول وهو كنتوا إتجننتوا عايزين تتأهلوا لنص النهائي ولا إيه
إصحي يابا ! فوق ! و شوف فريقك .. بقي ده فريق !

الجمهور المصري يثبت إنه "معاهم معاهم عليهم عليهم!"
لو الفريق كسب ماتش يشيلوه و يقولوا الأبطال و يقولوا المدرب العظيم صاحب التكتيك أسكت الألسنة و اللعيبة الفراعنة الأبطال و مصر هي أمي و بيب بيب بييب بييب بييب و كل واحد نازل بصحابه في الشارع شايلين علم مصر .

و اما نخسر فريق نبقي فريق مكسح و مدرب بان علي حقيقته و حارس مرمي كفاية عليه كدة و فريق نصه المفروض يعتزل و النص التاني يتعلم كورة من أول و جديد .

انا مش عارف إحباطات الحياة هي اللي خلت المصريين معلقين قدر كبير من الفرحة علي كرة القدم فا بقوا بيبالغوا في الفرحة و يبالغوا في النحيب وقت الخسارة

بحيث كل واحد يقول "إحنا" كسبنا و يحس بالإنتماء لشئ عظيم
و يسرع بإنه يتبري من الفريق أول ما يخسر لأنه خلاص مبقاش الشئ اللي يضيفله حاجة .

المبالغة في تعظيم و تفخيم الفريق إذا كانت النتيجة في صالحنا .. و لعن أبو اللي عمله وقت ما يخسر
المناخير في السما وقت الفوز و جلد الذات و بشدة عند الخسارة .
يبدو إن المصريين لا بيعرفوا يفرحوا ولا بيعرفوا يحزنوا .

كان نفسي أكتب الموضوع ده قبل ماتش أمريكا .