حلقة القاهرة اليوم عن ماتش ( امريكا ومصر )

**Busquets** · 23-06-2009 12:03 AM

عايز اعرف بس قال ايه

لو حد شافه انهاردة يقول بس ايه اللى قاله!!

عشان دا انسان خسارة فيه اشتمه

**Terrible_DaRsH** · 23-06-2009 12:05 AM

وضح سبب نرفزته , و قال ان مصر مفيهاش غير كرة قدم فيمنفعش نظهر بالمستوى الزبالة ده .

**kemo0o** · 23-06-2009 12:06 AM

عمرو اعتذر عن كل اللي قاله امبارح وقال انه مستعد يبوس دماغ اللاعيبة وحسن شحاته بس قال مش هيبطل ينقل اخبار الجرائد

الراجل اعترف بخطأة وقال لو اي حد كان مكاني وشاف الماتش وقرا الجرايد في نفس الوقت كان هيعمل اكتر من كده

**Terrible_DaRsH** · 23-06-2009 12:18 AM

اتفرجوا على شوبير احسن يا جماعة .

شوفو الاعلام على حق .

على الحياة 2 الان .

**Samir Elshahawy** · 23-06-2009 12:33 AM

بصراحة انا مستغرب جدا من موقف الكثيرين و موقف الاعلام اللي ماعندوش حاجة يقولها و لا يعملها غير تهييج الناس و خلاصز

مش هو ده المنتخب "أحفاد الفراعنة" قاهر بطل العالم و اللي نفس الاعلام قال فيه قصايد شعر , سبحان الله أيه يعني لما نتغلب حتي 6 - 0 نقوم نقلب كده 180 درجة

بصراحة انا من زمان قوي و أنا غير متابع للتلفزيون المصري بكل قنواته و لا أحترم أي أعلامي مصري خاصة بعد حادث غرق العبارة 98 الذي كشف لي عن جهل الاعلام المصري و تحيزه و أثارته للجماهير بدون وجه حق , و كل يوم بيمر بتتأكد لي النظرية دي و بتثبت و الحمد لله أني كنت بره مصر وقت الكلام الفارغ ده ما أتقال بدل ماكان يتحرق دمي و ما أعرفش أرد عليه

حسبي الله و نعم الوكيل في كل من يظلم الناس

**Abo_Lina** · 23-06-2009 12:49 AM

المشاركة الأصلية كتبت بواسطة kemo0o

عمرو اعتذر عن كل اللي قاله امبارح وقال انه مستعد يبوس دماغ اللاعيبة وحسن شحاته بس قال مش هيبطل ينقل اخبار الجرائد

و الله لما يقف على دماغه بالنسبالي و بالنسبة للكثيرين عمرو أديب يفتقد للمصداقية و يبحث عن الإثارة و الفرقعة
واحد عامل حلقة كاملة مبنية حول خبر جاء في أحد الصحف الصفراء..
دي برامج صفراء إن جاز التعبير

**amroadam** · 23-06-2009 01:02 AM

هى المشكله ان محدش قدر اللعيبه اللى لعبت فوق طاقتها ماتشين مع البرازيل وايطاليا وفعلا شرفونا
طبيعى انهم هيبئوا مجهدين فى الماتش الثالث يجماعه دول لعبوا 3 ماتشات فى 6 ايام هتئولو طيب مكل الفرق كده بس مش زى مصر اللى لعبوا ببساله على غير العاده فى الماتشين الاولانييين وارهقوا نفسهم علشان خطرنا
نجى بعد كده نهاجمهم وونئول يلعبوا كوره شراب احسن دول بتوع ستات ويتشطروا على الدورى بس والكلام اللى ملوش لازمه ده نسينا ان اللى غربه عن بلده ميستحملش كلمه عليه فما بالك بئا لما يطعن فى شرفه ليهم حق والله يعملو اكتر من كده
احنا كده شعب ناكر الجميل
تحية منى لكل المنتخب الوطنى وبقولهم بجد انتم رفعتوا راسنا