سؤال بخصوص مستوى الزيت

**mmahermf** · 22-06-2009 11:04 AM

غيرت الزيت بعد ما اشتريت العربية وحطيت موبيل XHB حسب ما قال لي صاحب العربية القديم وفي المحطة حاولوا يقنعوني احط موبيل 1 ولكن قلت لما أشوف الموتور حالته ايه الأول.

المهم بعد 1550 كم لقيت المقياس معلم في نص العلامتين بنوع Min و Max عند شرطه بينهم مكتوب عليها 1 قمت حطيت الشوية اللى فاضلين في الجركن كانو بالكتير نص كيلو وشفت المقاس ليقته طلع على الماكس.

وبعد حوالي 300 كم كمان والنهارده الصبح قبل ما اروح الشغل قست الزيت لقيته على الماكس برضه.

السؤال: هل الزيت اللى استهلك ده طبيعي بعد نص عدد الكيلومترات اللى المفروض نوع الزيت ده يعملهم؟ وهل لما أغير الفلتر المرة الجاية اشتري عبوة كيلو تبقى معايا احتياطي للتزويد؟

ولو كده تنصحوني لما أغير زيت وفلتر وأعمل Flush أحط زيت نوعه ايه؟

وعايز كمان اغير زيت الفتيس الاوتوماتيك اغيره فين وهل لازم اغير الفلتر بتاعه لأني عرفت منكم انه جوه الفتيس والعربية عامله حاليا حوالي 127000 كم.

آسف للإطالة وكثرة الاسئلة.. وشكرا

آه نسيت أقول اني وأنا بعمل شغل تسريب دورة الميه عند محمد عبده قولت لحسن الصغير اللى كان شغال في عربيتي على آثار زيت بسيط تحت على وش التكيهات ناحية غطاء الزيت وقال لي ده عادي!! وقلت يمكن مطرح تزويد الزيت حاجه وقعت كده ولا كدة...

**MMamdouh** · 22-06-2009 11:13 AM

هو المالك السابق كان بيستعمل الXHP دايما؟؟

بالنسبة لزيت الفتيس يفضل تعملة عند ميكانيكى لانة بيتغير من خلال فك الكارتيرة و يفضل تغير الفلتر

MMamdouh

**mmahermf** · 22-06-2009 11:24 AM

المشاركة الأصلية كتبت بواسطة mmamdouh

هو المالك السابق كان بيستعمل الxhp دايما؟؟

بالنسبة لزيت الفتيس يفضل تعملة عند ميكانيكى لانة بيتغير من خلال فك الكارتيرة و يفضل تغير الفلتر

mmamdouh

أيوه كان بستعمل xhp والعربية كانت معاه من سنه فقط وقبلها كانت بره مصر وهو جابها استيراد بورسعيد.

بالنسبة للفتيس اعمله عند محمد عبده وغالبا حسن الصغير هو اللى بلاقيه واجيب معايا زيت ايه ومنين ولا استنى لما يفك الأول علشان يطلع الفلتر؟ وهل الفتيس لازم يتسقط من العربية (يتحل يعني)؟

وشكرا...

**mmahermf** · 22-06-2009 11:28 AM

المشاركة الأصلية كتبت بواسطة want_better

السلام عليكم ورحمة الله وبركاته
بالنسبة لزيت الماتور
النوع
كل الأنواع بتيجي من مصدر واحد وتتم التعبئة من خزان واحد لكل للشركات وده كلام أكثر من شخص متأكدين من الموضوع ده وفي موضوع ن كده في المنتدى يعني ممكن تشوف النوع اللي عايز تحطه تجيب المقابل له من التعاون لأنه الأرخص والله أعلم
بالنسبة لنقص الزيت على حد علمي أن العربية المفوض ماتنصق زيت أصلا ولو في نقصض زيت يبقى إما في حاجة بتسرب واتاكد من كده كويس ممكن تكون الطبة مش مقفولة كويس فبتنقط كل فترة متباعدة أو اي حاجة في دورة الزيت فتأكد من كده لأن الاحتمال التاني ربنا يحفظنا واياك منه ان [gdwl]الماتور بدأ يخف شوية[/gdwl]
ده رأي وأرجو من السادة الفاضل المتخصصين الإفادة بشكل أدق

شكرا لك وربنا يستر

**Mohamed.Fawzy** · 22-06-2009 11:33 AM

المشاركة الأصلية كتبت بواسطة want_better

السلام عليكم ورحمة الله وبركاته
بالنسبة لزيت الماتور
النوع
كل الأنواع بتيجي من مصدر واحد وتتم التعبئة من خزان واحد لكل للشركات وده كلام أكثر من شخص متأكدين من الموضوع ده وفي موضوع ن كده في المنتدى يعني ممكن تشوف النوع اللي عايز تحطه تجيب المقابل له من التعاون لأنه الأرخص والله أعلم
بالنسبة لنقص الزيت على حد علمي أن العربية المفوض ماتنصق زيت أصلا ولو في نقصض زيت يبقى إما في حاجة بتسرب واتاكد من كده كويس ممكن تكون الطبة مش مقفولة كويس فبتنقط كل فترة متباعدة أو اي حاجة في دورة الزيت فتأكد من كده لأن الاحتمال التاني ربنا يحفظنا واياك منه ان الماتور بدأ يخف شوية
ده رأي وأرجو من السادة الفاضل المتخصصين الإفادة بشكل أدق

الكلام ده فى الزيوت المعدنيه بس و ليس التخليقيه

و عموما يفضل استخدام زيوت تخليقيه

**MMamdouh** · 22-06-2009 12:01 PM

المشاركة الأصلية كتبت بواسطة mmahermf

أيوه كان بستعمل xhp والعربية كانت معاه من سنه فقط وقبلها كانت بره مصر وهو جابها استيراد بورسعيد.

طالما قصة الزيت مش واضحة غير لسنة واحدة فاتت فا يفضل تستعمل فلش مع غيار الزيت القادم و تستعمل زيت تخليقى... انا بستعمل Visco 5000 و دة انتاج الامارات مش مصرى

بالنسبة للفتيس اعمله عند محمد عبده وغالبا حسن الصغير هو اللى بلاقيه واجيب معايا زيت ايه ومنين ولا استنى لما يفك الأول علشان يطلع الفلتر؟

كدة كدة حتحتاج الزيت و الفلتر و جوان الكارتيرة... اشتريهم قبل ما تروح عشان تبقى جاهز

هات زيت موبيل او شل

وهل الفتيس لازم يتسقط من العربية (يتحل يعني)؟

لا

MMamdouh

**mmahermf** · 23-06-2009 11:32 AM

معلش انا عامل بالعربية بعد ما اخدت القراءة النهارده 125152 كم فهل ينفع استعمل زيت تخليقي فيسكو 5000 على الرغم من شوية الزيت اللى نقصوا كما ذكرت أول المشاركة؟

محمد بك ممدوح من فضلك رد على السؤال ده والاسئلة السابقة مباشرة وخصوصا لو ينفع تقول لي المكان (المحطة) لأني عمري ما تخيلت محطة اسمها امارات خالص

وشكرا

**MMamdouh** · 23-06-2009 12:08 PM

المشاركة الأصلية كتبت بواسطة mmahermf

ألف شكر...

ممكن اعرف اجيب الزيت الاماراتي ده منين وارجو تقولي على محطة كويسه وتفصل لي العنوان شوية.

انا كنت عامل موضوع متكامل عن محطات BP و زيوت فيسكو بس للاسف مش لاقية و الsearch بيطلع اى بتنجان

عموما باختصار الزيت اللى بتكلم علية اسمة فيسكو و موجود منة تلات انواع... فيسكو 2000 و دة معدنى و فيسكو 3000 و دة نصف تخليقى و فيسكو 5000 تخليقى بالكامل و الاسعار 72 و 115 و 215 على الترتيب حسب ما افتكر

الزيت دة من انتاج شركة British Petroleum الشهيرة ب BP و دى ملهاش محطات بنزين مستقلة لكن بتبقى فى الغالب موجودة فى محطات الغاز بتاعت شركة كارجاس... محطات كارجاش اللى فيها شركة BP هى:

كارجاس الماظة: و دى توصلها لو انت جاى من طريق مصر السويس و عديت من تحت الكوبرى اللى بين النادى الاهلى الجديد و دائرى المطار بعد شوية حتلاقى محطة بنزين على يمينك (مش فاكر اذا كانت التعاون ولا مصر للبترول) المهم حتخش يمين فى الناصية بتاعتها و فى اخر الشارع على اليمين حتلاقى محطة كبيرة لكارجاس على شمالك

المحطة التانية هى كارجاس مصدق : و دى فى اخر شارع مصدق من ناحية كوبرى الدقى

المحطة التالتة هى كارجاس المعادى فى شارع اللاسلكى... بس دى بتبيع الزيت بس و معندهاش خدمة تغيير الزيت

ومش ممكن تقول رأيك دلوقت في موضوع اكل الزيت ده وهل الموتور بياكل زيت كده ولا نستنى أحسن لما اغير؟

مقدرش احكم لان ممكن يكون النقص نتيجة بخر الزيت... موبيل بيتبخر كتير شوية و ممكن يكون هو سبب النقص... عموما لو بوجيهاتك مش معرقة زيت و الطرف الشكمان فيه هباب ناشف فقط بيقى العربية مبتحرقش زيت

وتفضل أغير دلوقت ولا استني أمشي شوية؟

انا شايف انك تمسك العصاية من النص فى الوقت الحالى... حط فيسكو المعدنى عشان نبعد عن جزئية البخر بتاع موبيل و ساعتها حنعرف العربية بتاكل زيت ولا لا و بعدها نقرر حنعمل ايه

وبالنسبة بعد الفلش والفلتر والزيت أمشي بيه كام كيلومتر؟

مش فاهم قصدك من السؤال.... الفلش بيتحط على الزيت القديم و تدور العربية 5 دقايق و تنزلة و شكرا... مدة استخدام الزيت الجديد و الفلتر بتعتمد على نوع الزيت (تخليقى/معدنى)

وربنا يخليك لنا ومنحرمش من استشاراتك المفيده جدا جدا...

ربنا يخليك

MMamdouh

-

الموضوع: سؤال بخصوص مستوى الزيت

LinkBack

أدوات الموضوع

عرض

سؤال بخصوص مستوى الزيت - انشر الموضوع فى :

-

-

-

-

المواضيع المتشابهه

مستوى الزيت

استفسار بخصوص مستوى الزيت فى السيفك الجيل الثامن

سؤال بخصوص ظبط مستوى النور الأمامي ( الأتجاهات )

سؤال فى مستوى الزيت

مستوى الزيت

الكلمات الدلالية لهذا الموضوع

المفضلات

المفضلات

ضوابط المشاركة