المشاركة الأصلية كتبت بواسطة MMamdouh
من الناحية الميكانيكية مش شايف اى حاجة غلط
كوبريسور التكييف بيحمل على الموتور بالفعل لكن الكونترول بيزود عدد لفات الموتور لمجابهة الزيادة دى و بالتالى مفيش مشكلة
الحرارة الزيادة نتيجة تشغيل التكييف بيتم التعامل معاها من خلال مراوح التبريد اللى بتشتغل اول ما التكييف يشتغل... المشكلة الوحيدة هى ان يكون نظام تبريد عربيتك اصلا مش قوى و بالتالى العربية تسخن و معتقدش فيه عربية حديثة ممكن يحصل فيها الموضوع دة
بالنسبة للحمل الكهربائى فا دة بيغطية الدينامو و بالتالى بطارية العربية مش حتفضى مثلا او كدة
القلق الوحيد ممكن يكون من تلف محولات الحفز اللى هى علب البيئة نتيجة دوران العربية فى السلانسية كتير... اللى اعرفة ان العلب دى بيبقى فيها مواد بتعالج غازات العادم بس بتحتاج تسخن عشان تشتغل و بما ان العربية دايرة فى السلانسية اعتقد العلب مبتوصلش لدرجة الحرارة المناسبة لانها تشتغل و ممكن تحصل ترسبات او تراكمات جوة العلبة ممكن تسدها....
الكلام دة مش اكيد 100% انا بس بفكر بصوت عالى خصوصا انى شوفت فى كتالوج عربيتى تحذير من انك تسيب الموتور داير فى السلانسية لمدة تزيد على 5 دقايق و ان كنت انا شخصيا سبت العربية دايرة و التكييف والع فى السلانسية لمدة ساعة كاملة و محصلش اى مشاكل و الحمد لله
MMamdouh