تجربه النترا خليجي اوتو 2009

**novo** · 22-06-2009 09:10 PM

العربيه من عند سمير ريان و سعرها بالضبط 99500 بعد الفصال في 500جم و لونها اسود
من اهم الاختلافات بينها و بين المصري ان الخليجي يوجد بها 2 ايرباج و المرايات و الاكر بلون العربيه و الحراره لمبه مش مؤشر و لا يوجد جران نظاره و لا الحامل اللي جنب رجل الراكب الامامي و يوجد بها اشارات في الرفارف بخلاف المصري و الاستبن بتاعها صغير و ميكانيكيا لا تختلف عن المصري الا في غطاء المحرك( المصري اكبر و شكله اجمل) وعلي فكره النقله اللي انت عليها بتبان علي شاشه زي السيراتو مش علي شكل سلم نقلات في العدادات زي المصري.
في السواقه ناعمه جدا و علي فكره فتيسها عادي مش تبترونيك زي السيراتو
عجني فيها الاتي1) القعده جميله و اناره التابلوه رائعه
2)انواع البلاستيك المستخدم روعه و التابلوه بعضه جلد
3)التسارع رائع و الموتور خرج الاحصنه يتاعه عالي
4)السنطه واسعه جدا و رسمتها تسمح بتحميل حاجات كتير.

ما عجبنيش فيها
1) الباور الكهرباء: عند الركنه بيبقي هايل و بيسهل الركنه جدا بس علي سرعات و خصوصا علي الملفات مكنتش حاسس انو ناقلي كل حاجه عن الطريق( غامض شويه) بس في جميع الاحوال اللي مش بيستمتع بالملفات مش هتفرق معاه النقطه دي خالص و ان كان الباور الكهربه عموما يحتاج لتعود.
2) عند تحميل العربيه 5ركاب زائد شنط, العربيع بتزل قوي و بتحك في المطبات.

رأيي النهائي انها عربيه جميله فعلا و عملت نقله في القطاع ده و افضلها بالتأكيد علي الانسر الشكل القديم.
تحياتي:نوفو

**novo** · 23-06-2009 01:08 PM

شكرا علي زوقك
و علي فكره انا سوقت المانيوال وهي ممتعه اكتر من الاوتو بكتير لان الموتور صوتو جميل لما تقرص شويه علي النقله
اختيار موفق و ربنا يباركلك.

**novo** · 23-06-2009 02:11 PM

92500 و دي فاضيه وكيل
105000 و دس فتحه سقف و جنوط خليجي بس المانيوال منها نادر و الاوتو متوفر.

**novo** · 23-06-2009 02:54 PM

للاسف لا من غير ضمان,بس علي فكره اسعار القطع بره حلوه جدا خصوصا في الحرفيين,كل حاجه موجوده و تاخدها من نص قدامك من اول الجنوط لغايه الموتور.
و علي العموم العربيه بره تقييمتها عاليه جدا و الاعطال و الشكاوي قليله.