دى كانت مشكلتى فى التكييف وبعد كدة قررت انى اروح لاحمد بتاع التكييف الى فى ارض الواء
كلمتة فى التليفون ورحتلة وبص على التكييف وقالى ان السربنتينة فيها خرمين و فى خرطوم بيسرب ولازم يتغير والخرم هيتلحم ب10 جنية و الخرطوم ب140 جنية ومصنعية 50 جنية قالى بعد كدة هنشحن ونشوف الى النظام وقالى خلينا مشين واحدة واحدة علشان نعرف العيب منين وبصراحة الرجل كلامة معقول المهم قام فك الخرطوم وفك السربنتينة ولاقى الشربنتينة مسدودة مش هتنفع تشتغل تانى فقالى لازم نغير السربنتينة فقولتلة ماشى ووالشباب بيفكوا الخرطوم والسربنتينة قالى اية رائيك نفك الكباس نكشف عالية برة العربية علشان لو فية تسريب او حاجة فقولتلة انا موافق على اساس ان مدام بعمل التكييف يتعمل مرة واحدة ويتعمل صح فك الكباس وحط فية زييت وكبس هوا وطلع فية تسريب فى الخلف من مكان الحساس فك الحساسا وغيرلوا 3 اولسيهات وبقى زى الفل ومفهوش تسريب المهم الفنى اللى كان فى الورشة (هشام ) كان بيقولوا ان الكباس دة بايظ وواحد تانى كان فى الورشة بردوا قالولوا انة بايظ فقلى قبل منعمل اى حاجة فى الخرطوم او السربنتينة نتاكد الاول من الكباس علشان مش بعد منعمل كل حاجة تمشى وانت دافع فلوس وفاتح الشباك انت اكيد هتضايف وانا كمان هضايق وانا كنت بقولوا كدة كدة الحاجات دى هتتعمل يبقى نعملها ولو طلع الكباس بايظ يبقى فاضل الكباس يجى ويركب قالى بص انا حاسس ان الكباس دة شغال بس هو ممكن يكون محتاج كبس فريون قالى تعالى نضحى بشحنة فريون علشان نعرف الكباس شغال ولا لاء قولتلو لاء فى الاول وبعد كدة قالى علشان لو شغال يبقى اطمنا بصراحة انا كان عندى نفس الاحساس ان الكباس شغال فقولتلو انا موافق وفعلا ركب الكباس والسربنتية القديمة والخرطوم وشحن فريون وشغل التكيف وكانت المفجاة الكباس زى الفل بصراحة انا والراجل فرحنا جدااا وقالى كدة احنا نشتغل واحنا مطمنين وفعلا باد يشتغل وغير السربنتينة وركب واحدة كبيرة بدل القديمة الصغيرة و غير الخرطوم وعمل شوية لحامات علشان مخارج السربنتينة الجديدة غير القديمة وركب كلة وشحن و جربنا والحمد الله التكييف زى الفل وكلة تمام ونسيت اقولكم اننا غيرنا الفلتر لانة كان مليان شوائب بس الحمد الله كلة تمام وانا مشغلوا تقريبا بقالى اسبوع من البيت اللى فى وسط البلد الى 6 اكتوبر والحمد الله زى الفل وامبارح كنت فى مشاوير داخل القاهرة وبردوا كان زى الفل الحمد الله ومبيئثرش على السحب والحمد الله اخيرا بقى فى عربيتى تكيييف
ودة الحساب
370 جنية سربنتينة التكيف كان فى واحدة تانية 330 بس كانت 12 مسورة مش 29 مسورة
130 فلتر
140 خرطوم
50 لحامات
30 اولسيهات
200 شحن
100 مصنعية
يبقى الحساب كلة 1020 جنية وانا مكنش معايا غير 800 جنية اولتلوا ابعت معايا حد لغاية نادى الصيد وانا هديلوا بقية الفلوس الراجل قالى لا روح انت هات الفلوس وتعالى واخد ال800 جنية وادانى منهم 100 جنة وقالى خليها معاك علشان لو حبيت تحط بنزين او حصل ا حاجة فى الطريق ورحت فعلا جبتلوا بقية الفلوس و رجعتلوا تانى وبصراحة الحمد الله انى رحتلوا لانوا راجل محترم وبيفهم فى شغلة كويس و امين وحريص انة يعمل الحاجة صح وكمان بيفهمك هو بيعمل اية خطوة بخطوة ودى اهم ميزة
http://img41.imageshack.us/img41/4270/img0358b.jpg
http://img189.imageshack.us/img189/3988/img0359jd.jpg
http://img403.imageshack.us/img403/7...yofimg0358.jpg
http://img833.imageshack.us/img833/8910/img0356hs.jpg
http://img17.imageshack.us/img17/7769/img0357wq.jpg
المفضلات