الموضوع: اية أحسن مكان أشترى منه إمبريزا 2007

1- مراكز خدمة سوبارو المعتمدة
.‏ ‏الرقم المختصر هو 19570 للحجز .
1_فرع المعادي .متفرع من شارع فلسطين.ش 308 (جديد لسه ما حدش جربه )
2‏_جسر السويس .المنطقة الصناعية ( الفرع الرئيسى والصيانة ممتازة)
0226986000
0227025639

2-انا شارى العربية من ابو غالى فرع الميرغنى ( وهو الفرع الرئيسى ) ولكن عبد الهادى ممتاز ايضا
والمصرية عاملة سعر مميز الان 119000 للاوتوماتيك الكاملة
و 129000 للاوتوماتيك بفتحة سقف وسبويلر >
-سعر العربية النهائى واللى ممكن تخلص عليه سواء من التوكيل او عبد الهادى او المصرية بس يكون كاش
هو 118000 للاوتوماتيك الكاملة و 128000 للاوتوماتيك بفتحة سقف و سبويلر
(مفيش فرق بين اى مكان غير فى الاستيكر اللى على الشنطة :) )
لكن الالوان معروضة اكتر عند عبد الهادى

3-فيه عروض على الصيانة ( خصم على المصنعية ) -
4-الضمان على العربية 3 سنين او 100000 كيلو
5- التامين ......... معرفش حاجة بس زيها زى اى عربية !!!! ممكن حد غيرى يفيدك!!!
6-مركز الخدمة ممتاز و فاااااضى على طول :)

ان شاء الله نقول مبروك وانا اوعدك عن تجربة 4 سنين (( مش حتندم )) ان شاء الله

والحق قبل موديلات 2008 الهاتش باك ما تنزل .... وماتخافش 2008 مش حلوة قوى وكمان هاتش باك

انا جبت المانيوال من ابو غالي روكسي من حوالي 7 شهر بـ 112000 عن طريق البنك.
و واحد صاحبي لسه جايب الاوتوماتيك من هناك بردو بـ 120000 عن طريق بالبنك (السعر الرسمي 121900)
فأكيد لو كاش ممكن تنزل 1000 كمان زي ما احمد قال

ربنا يوفقك في الاختيار

روح لأبو غالي اللي في روكسي و هوه يجيبلك مندوب البنك لحد عندك و يظبطك

الازرق بتاع السوبارو مش موجود في موديل الـ 1600 2006-2007
كان موجود في الشكل اللي فات... دلوقت فيه ازرق تاني (انا عربيتي لونها ازرق) اللي هوه البترولي

العربيه اللي صاحبي جابها فضي و هوه لون حلو بردو

بالنسبه للمقدم.. ادفع اكبر مقدم تقدر تدفعوا علشان تشيل من على نفسك

فعلا ادفع مقدم كبير لا يقل عن 30000 حترتاح فى الباقى وتقلل الفوايد

-
احنا لما جيبنا عربية اخويا-تعاملنا مع البنك اللى عندنا فيه وديعة و اخدنا شيك بمبلغ العربية اللى كان فى عام 2004 119900
ودفعناه للتوكيل وبكده كأن العربية بقت كاش فالتوكيل خلصها على 117800
وتعاملنا بعد كده مع البنك على 3 سنين ..

بالنسبه للنقطه الاولى و هيه الفرش الجلد.. الاجابه....مفيش... انا بردو دورت و ملقيتش.. و فصلت واحد ممتاز هنا في بورسعيد بـ 900 جنيه.

الغطاء الـ water proof كويس بس خلي بالك فيه خامتين و شكلهم قريب من بعض... هات اللي ليه سوسته على الباب.

في نوع تاني فيه سوسته على الباب و التانيه على الشنطه متجيبوش لأنه بيشيط.

موضوع السبويلر و الهود سكوب معرفش ممكن يتطلبو ولا لأ.. بس لو ممكن يبقى معرض اللي بيعمل كده لأني اعرف ان ساعات المعارض بتكلب تركيب باركنج سينسور قبل ما يخدو العربيه من التوكيل.

بالتوفيق