عقبالكم جميعا انا مسافر ان شاء الله بال 128 المعمورة
عايز اعرف اية اللي المفروض اخد بالي منة قبل ما اسافر الحمد لله الكاوتشات كويسة و الزوايا تمام و العفشة متربطة
و الحمد لله العربية مش بتسخن
و هل ال 128 تستحمل انها تسافر و لا دة مجازفة جامدة
عرض للطباعة
عقبالكم جميعا انا مسافر ان شاء الله بال 128 المعمورة
عايز اعرف اية اللي المفروض اخد بالي منة قبل ما اسافر الحمد لله الكاوتشات كويسة و الزوايا تمام و العفشة متربطة
و الحمد لله العربية مش بتسخن
و هل ال 128 تستحمل انها تسافر و لا دة مجازفة جامدة
الحمد لله الـ128 بتستحمل السفر طول ما انت مراعيها انا كنت بمشي بيها 100 كم يوميا على الاقل من البيت للشغل و العكس انا ساكن في مدينة الشروق
و كنت بسافر بيها كتير غير المشاوير العادية
المهم انت يا ريت تكون مسجل عمر سير الكاتينة و لو قرب يفضل تعملة و تخلي معاك في الشنطة موبينة -قطعت مرة من حمايا بدون اي سابق انزار - و ابلاتين و كوندنسر
و سير دينامو و ممكن تروح لميكانيكي ينظف الاسبراتير و يشحم العمود بتاعة
و طبعا جركن زيت او شوية زيت علشان انت عندك الموتور خفيف و بياكل زيت
بس و اتوكل على الله و هاتوصل بعونة
صحيح نسيت اقولك سلك دبرياج
و حبه فيوزات كمان.
الف شكر
بس انا سير الكتينة معايا من 25 الف كيلو اغيرة احسن ؟
و سير الدينامو لسا جديد
سيلك الدبرياج دة بقى ممكن ينقطع فجأة و لا اية ؟
الزيت دة اكيد مهم
الايلاتين و الكوندنسر لسا جداد بردة و الاسبراتير كويس
بس اية اكتر حاجة بتخلي العربية توقف فجأة او تعطل وقت السفر
اتكل علي الله و لا تقلق 128 لفيت بيها الكرة الارضية
و الله العظيم انت راجل ابن حلال
سير الكاتينة بتاع ال128 المفروض يتغير على 20 الف و انا كنت بغيرة على 15 و كان بيطلع في ايدي بيشاور عئلة
طبعا تروح تغيرة و بسرعة 25الف كتير اوي و غير معاك الاويلسيهات الي وراه كرتك و مناول و كامة و خلي بالك لو اتقطع لا قدر الله و العربية ديارة هاتطلع تعمر عند اقرب ميكانيكي مفيهاش هزار
اكتر حاجة ممكن توقف العربية مشاكل الكهرباء علشان كدة قلت موبينة و تمنها حوالي 70 جنيه طقم كهرباء و تمنة 21 جنيه
و سلك الدبرياج في حدود 20 و يا ريت لو مغيرتش فلتر البنزين من فترة غيرة و متجيبش الفلتر الصغير ابو 3 جنيه هات الكبير ابو 5 جنيه
لو الدبرياج ثقيل معك خالى الميكانيكي يبصلك على سلك الدبرياج ولو محتاج تغير غيرة افضل وبالاضافة لزيت تراجع على المياة وظغط الاطارات والمروحة شوفها شغالة كويس ولا لأ عشان العربية متسخنش منك في الطريق و اضاءة الفوانيس الامامية والخلفية والاشارات، ولو كنا في الشتاء كنت هقولك بالاضافة للحاجات دى مساحات الزجاج، و طبعا الالتزام بالسرعة القصوى المقررة للطريق وتروح وترجع بالسلامة إن شاء الله مع تمنياتي لك برحلة سعيدة
نسيت اقولك الاستيبن اكشف عليه ولو ناقص هواء زوده عشان لو فردة نامت في الطريق ولا حاجه لاقدر الله
خلي بالك من الفرامل راجع عليها وتروح وترجع بالف سلامة رحلة سعيدة
وأهم حاجه خللى بالك من نفسك وعلى مهلك ولاتشغل نفسك بغير الطريق وأقرأ دعاء السفر قبل التحرك بالسياره.........
جركل مياه وكام زجاجة بلاستيك املاهم مياه هينفعوك فى الطوارئ وكمان خد معاك ملعقة فتيس ب 20 جم وشاكوش اسبراتير ب 10 جم وطقم بوجيهات قديم وفحمة بتاعت وش الاسبراتير ودول دايماً خليهم فى العربية علطول بصرف النظر عن السفر بالاضافة لما اشار له الاعضاء بعاليه . وكمان قبل ما تسافر اكشف على شحن الدينمو عشان ميفصلش معاك مع المشوار الطويل وخصوصا لو هتسافر بليل ، ويفضل كمان تاخد معاك وير او حبل عشان لو حصل حاجة لقدر الله اى حد يقطرك ، وطبعا اساسى تكشف على الكوريك ومفتاح العجل والاستبن واضبط هواء الكاوتش عند حد محترم واكرر محترم وموثوق به وتوصل بالسلامة . مع تحياتى .
اول حاجه تاخد بالك من نفسك
علشان ترجع لنا بالسلامه وتسوق على مهلك
الاستبن والكوريك والمفتاح
واجازه سعيده