انا مسافر بال 128 اخد بالي من اية ؟؟

**dr_abooody** · 23-06-2009 04:49 PM

عقبالكم جميعا انا مسافر ان شاء الله بال 128 المعمورة

عايز اعرف اية اللي المفروض اخد بالي منة قبل ما اسافر الحمد لله الكاوتشات كويسة و الزوايا تمام و العفشة متربطة

و الحمد لله العربية مش بتسخن

و هل ال 128 تستحمل انها تسافر و لا دة مجازفة جامدة

**aYaBooY** · 23-06-2009 05:01 PM

الحمد لله الـ128 بتستحمل السفر طول ما انت مراعيها انا كنت بمشي بيها 100 كم يوميا على الاقل من البيت للشغل و العكس انا ساكن في مدينة الشروق
و كنت بسافر بيها كتير غير المشاوير العادية
المهم انت يا ريت تكون مسجل عمر سير الكاتينة و لو قرب يفضل تعملة و تخلي معاك في الشنطة موبينة -قطعت مرة من حمايا بدون اي سابق انزار - و ابلاتين و كوندنسر
و سير دينامو و ممكن تروح لميكانيكي ينظف الاسبراتير و يشحم العمود بتاعة
و طبعا جركن زيت او شوية زيت علشان انت عندك الموتور خفيف و بياكل زيت
بس و اتوكل على الله و هاتوصل بعونة

**aYaBooY** · 23-06-2009 05:04 PM

صحيح نسيت اقولك سلك دبرياج

**novo** · 23-06-2009 05:09 PM

و حبه فيوزات كمان.

**ahmedhilmy** · 23-06-2009 05:20 PM

اتكل علي الله و لا تقلق 128 لفيت بيها الكرة الارضية

**aYaBooY** · 23-06-2009 06:15 PM

و الله العظيم انت راجل ابن حلال
سير الكاتينة بتاع ال128 المفروض يتغير على 20 الف و انا كنت بغيرة على 15 و كان بيطلع في ايدي بيشاور عئلة
طبعا تروح تغيرة و بسرعة 25الف كتير اوي و غير معاك الاويلسيهات الي وراه كرتك و مناول و كامة و خلي بالك لو اتقطع لا قدر الله و العربية ديارة هاتطلع تعمر عند اقرب ميكانيكي مفيهاش هزار
اكتر حاجة ممكن توقف العربية مشاكل الكهرباء علشان كدة قلت موبينة و تمنها حوالي 70 جنيه طقم كهرباء و تمنة 21 جنيه
و سلك الدبرياج في حدود 20 و يا ريت لو مغيرتش فلتر البنزين من فترة غيرة و متجيبش الفلتر الصغير ابو 3 جنيه هات الكبير ابو 5 جنيه

**M_Nabil** · 23-06-2009 06:30 PM

لو الدبرياج ثقيل معك خالى الميكانيكي يبصلك على سلك الدبرياج ولو محتاج تغير غيرة افضل وبالاضافة لزيت تراجع على المياة وظغط الاطارات والمروحة شوفها شغالة كويس ولا لأ عشان العربية متسخنش منك في الطريق و اضاءة الفوانيس الامامية والخلفية والاشارات، ولو كنا في الشتاء كنت هقولك بالاضافة للحاجات دى مساحات الزجاج، و طبعا الالتزام بالسرعة القصوى المقررة للطريق وتروح وترجع بالسلامة إن شاء الله مع تمنياتي لك برحلة سعيدة

**M_Nabil** · 23-06-2009 06:35 PM

نسيت اقولك الاستيبن اكشف عليه ولو ناقص هواء زوده عشان لو فردة نامت في الطريق ولا حاجه لاقدر الله

**faron525** · 23-06-2009 09:06 PM

خلي بالك من الفرامل راجع عليها وتروح وترجع بالف سلامة رحلة سعيدة

-

الموضوع: انا مسافر بال 128 اخد بالي من اية ؟؟

LinkBack

أدوات الموضوع

عرض

انا مسافر بال 128 اخد بالي من اية ؟؟ - انشر الموضوع فى :

-

-

-

-

-

-

المواضيع المتشابهه

حد يدلني علي الي في بالي

كنت مسافر بكرة اسكندرية ومش عارف اركب اية و ياريت حد يرد عليا علشان مسافر بكرة الصبح

رينو ريحت بالي

سؤال خطر على بالي...

الكلمات الدلالية لهذا الموضوع

المفضلات

المفضلات

ضوابط المشاركة