اقتباس:
المشاركة الأصلية كتبت بواسطة as01241
شكرا جدا لتعبك يا أ أيمن أنا أول ما شفت رد حضرتك كلمت محسن على طول وطبعا مش عاوز أقولك أني مسكت نفسي بالعافية وأنا بتكلم معاه لأن الحركة اللي عملها دي صعب وصفها بألفاظ محترمة يعنى طبعا لما قلتله أن مستر حبيب اللي أنا ماعرفوش ولا عمري كلمته بس قلت لمحسن إني كلمته وقاللي أن 2010 هتنزل مش قبل شهر 10 اللي جاي فوجئت بإن محسن سكت وتنح ومبقاش عارف يقول ولقيته بيقوللي ان كده هيبقى كتير إني أستنى كل ده (أنا اساسا مستني من اول شهر مايو) طبعا فى المواقف اللي زي دي ممكن الواحد يتصرف بشكل تاني مع بني أدم زي ده بس ما علينا هو قاللي أتصل بيه تاني عشان يرجع الحجز للدفعة اللي جات فى المينا دلوقتي وأما أشوف هيعمل أيه
بس بصراحة كده أنا أصبح القرار جوايا نهائي إني لو مش هستلم في الدفعة دي يبقى هغير رأي تماما وهعتبر إن ده من عند ربنا وإنه شايف الخير ليا في حاجة تانية وبعدين تصرف محسن صالح ده غريب جدا جدا جدا وفيه شبهات كتيرة جدا عن الطريقة اللي بيتعامل بيها في شغله وتعامله مع العملاء
يا جماعة ده أنا هدفع أكتر كن 70% من تمن العربية وفلوسي جاهزة من شهر مايو اللي فات !!!!!!!!! لا تعليق فعلا يا جماعة بجد التوكيل ده مضيع العربية دي والواحد بجد المفروض للأمانة يبلغ الشركة الماليزية عن اللي بيحصل ده.
باشا انا عارف ان الموقف يضايق .... بس انا مثلا ساعة الاستلام قعدت 4شهور ... وكنت مع واحد بقى مايجيش حاجه جنب محسن من قلة ذوق واستهبال...
http://s122.photobucket.com/albums/o...ghting0029.gif
بس دا لايعيب باى شكل العربيه او يخلينى اصرف نظر عنها .... وبعدين محسن صالح دا فى الاول والاخر واحد عاوز يبيع ....
وكويس ان فى ناس معانا فى المنتدى يبنقلوا تجاربهم بحيث الناس تستفاد وتكون فاهمه...
المقصد ماتضقيش نفسك لسه ياما هتشوف:Oc_sun1[1]: ... وصدقنى دا مع اغلب التوكيلات ... وعلى فكره فى ظروف دلوقتى فى التوكيل مخليه الوضع كدا.
خليك متابع مع -محسن- واقرفه كل يوم واشرحله انك قد ايه محتاج العربيه ... وانا هابقى اقولك على كام طريقه تخليه يسلمك على طول
http://s173.photobucket.com/albums/w...ys/th_wink.gif
وان شاء الله لما تيجى العربيه اوعى تستعجل وتترمى عليها .... عاينها مره واتنين ..
وان شاء الله تستلم على خير بإذن الله..
تحيـــــــــــــــــــاتـ ـــى
اقتباس:
المشاركة الأصلية كتبت بواسطة jisso82
ميرسى يا أيمن إنك فاكرنى علطول بس أنا أحبطت أوى بعد ما كلمت محسن النهارده حسب الميعاد اللى كنا متفقين عليه مش عارف يعنى لو العربيات فعلا خلاص فى المينا تقعد لحد ما توصل المعرض 20 يوم ليه. لأنه قاللى إن شاء الله هتبقى موجوده على يوم 10 أو 15 يوليو يعنى الأسبوع الجاى. بصراحة ما فهمتش يعنى إيه لأن النهارده 25/6 و الأسبوع الجاى آخره لو معلوماتى التاريخية سليمة 2/7 اللى هو هيبقى يوم الخميس الجاى أما 10 و لا 15 فده كده بدأ يتكلم فى شهر كمان :Copy of majd(4): أنا بجد اتلصمت و ماعرفتش أرد آه الحمد لله على كل شىء و الواحد مايعرفش الخير فين و ربنا هو اللى بيقدر العربية تيجى إمتى بس بجد لو طلع الكلام ده استعباط عشان زحمة الحجز أنا مش عارف ممكن أتصرف إزاى (أنا بقال أكتر من 3 شهور من غير عربية و شغلى فى مكان زى الزفت مافيهوش مواصلات تماما و بركب مواصلة عامة و بعدين باص الشرة و بعدين تمشية محترمة فى الجو الجميل اللى احنا فيه دلوقتى من ساعتها و بقالى يومين عيان فى البيت من آخر مشوار ليا)
أنا و حضرتك بس اللى صعبانين على أيمن فى الليلة دى و بجد لما بشوف مشاركاتك لأنك حاجز قبلى بشهر بتصبرنى و بحس إن فى حد بيعانى فى موضوع الوقت أكتر منى و أحمد ربنا على اللى أنا فيه و بدعيلك معايا نستلم على خير إن شاء الله.
أنا بقى معايا الفلوس كاملة من يوم ما روحت حجزت و بجد خايف أصرف مليم من ساعتها عشان التأمين و المرور و لو هشترى حاجة للعربية ده غير الفلوس اللى أنا مستلفها عشان أكمل تمنها و مش عارف لحد دلوقتى أبتدى أسدد فيها لحد ما أتأكد إنى مش محتاج فلوس جديدة. أنا بجد زهقت:K_crying[1]:
هيثووم باشا ... خدلك شويه فشار عشان تفك شويه
http://s122.photobucket.com/albums/o...th_popcorn.gif << طعمه حلو صح:Oc_sun1[1]:
هو حته وصولها المخازن دى فعلا بيتاخروا فيها .... بس ان شاء الله لو ماكانش فى اى مشاكل فى المينا ممكن توصل المخازن قبل كده ...
وخليك متابع معاه ... وانا هتابع
ملحوظه : الدفعه اللى داخله قليله جدا واللى حاجز اكتر عشان كده هتلاقوا حاجات غريبه هتحصل الفتره الجايه
يارب كل اللى حاجز يستلم على خير يارب .... وتفرحوا بيها ويباركلكم فيها
تحيــــــــــــــــــــــ ــاتــــــــى
http://s122.photobucket.com/albums/o...owerysmile.gif