الموضوع: لية الناس خايفة من البيرسونا

المشاركة الأصلية كتبت بواسطة Ayman_52

استاذ/aso1241

من مستر حبيب نفسه مو 2010 لسه مش نازل دلوقتى مش قبل شهر 10 ...

وفى دفعه فعلا داخله فى شهر 8 وهتكون 90 عربيه بس مو 2009 الكلام دا من مستر حبيب وكان قدام محسن

والاوقع انو بيقولك الكلام دا عشان الدفعه اللى داخله الاسبوع الجاى قليله وعليهم ضغط كتير فى الطلبات

انا بس حبيت اوضح النقطه لحضرتك ... وانا كنت مكلمه عليك انت وا/هيثم ان اول ماتيجى دفعه البيرسونا المنيوال تستلموا بس مادام انت حابب تاجل ... يبقى تمام ..

بس 2010 مش داخله دلوقتى .

والمعلومات المؤكده تاخدها من مستر حبيب افضل ....

تحيـــــــــــــــــاتـــ ى

ميرسى يا أيمن إنك فاكرنى علطول بس أنا أحبطت أوى بعد ما كلمت محسن النهارده حسب الميعاد اللى كنا متفقين عليه مش عارف يعنى لو العربيات فعلا خلاص فى المينا تقعد لحد ما توصل المعرض 20 يوم ليه. لأنه قاللى إن شاء الله هتبقى موجوده على يوم 10 أو 15 يوليو يعنى الأسبوع الجاى. بصراحة ما فهمتش يعنى إيه لأن النهارده 25/6 و الأسبوع الجاى آخره لو معلوماتى التاريخية سليمة 2/7 اللى هو هيبقى يوم الخميس الجاى أما 10 و لا 15 فده كده بدأ يتكلم فى شهر كمان أنا بجد اتلصمت و ماعرفتش أرد آه الحمد لله على كل شىء و الواحد مايعرفش الخير فين و ربنا هو اللى بيقدر العربية تيجى إمتى بس بجد لو طلع الكلام ده استعباط عشان زحمة الحجز أنا مش عارف ممكن أتصرف إزاى (أنا بقال أكتر من 3 شهور من غير عربية و شغلى فى مكان زى الزفت مافيهوش مواصلات تماما و بركب مواصلة عامة و بعدين باص الشرة و بعدين تمشية محترمة فى الجو الجميل اللى احنا فيه دلوقتى من ساعتها و بقالى يومين عيان فى البيت من آخر مشوار ليا)

المشاركة الأصلية كتبت بواسطة as01241

شكرا جدا لتعبك يا أ أيمن أنا أول ما شفت رد حضرتك كلمت محسن على طول وطبعا مش عاوز أقولك أني مسكت نفسي بالعافية وأنا بتكلم معاه لأن الحركة اللي عملها دي صعب وصفها بألفاظ محترمة يعنى طبعا لما قلتله أن مستر حبيب اللي أنا ماعرفوش ولا عمري كلمته بس قلت لمحسن إني كلمته وقاللي أن 2010 هتنزل مش قبل شهر 10 اللي جاي فوجئت بإن محسن سكت وتنح ومبقاش عارف يقول ولقيته بيقوللي ان كده هيبقى كتير إني أستنى كل ده (أنا اساسا مستني من اول شهر مايو) طبعا فى المواقف اللي زي دي ممكن الواحد يتصرف بشكل تاني مع بني أدم زي ده بس ما علينا هو قاللي أتصل بيه تاني عشان يرجع الحجز للدفعة اللي جات فى المينا دلوقتي وأما أشوف هيعمل أيه
بس بصراحة كده أنا أصبح القرار جوايا نهائي إني لو مش هستلم في الدفعة دي يبقى هغير رأي تماما وهعتبر إن ده من عند ربنا وإنه شايف الخير ليا في حاجة تانية وبعدين تصرف محسن صالح ده غريب جدا جدا جدا وفيه شبهات كتيرة جدا عن الطريقة اللي بيتعامل بيها في شغله وتعامله مع العملاء
يا جماعة ده أنا هدفع أكتر كن 70% من تمن العربية وفلوسي جاهزة من شهر مايو اللي فات !!!!!!!!! لا تعليق فعلا يا جماعة بجد التوكيل ده مضيع العربية دي والواحد بجد المفروض للأمانة يبلغ الشركة الماليزية عن اللي بيحصل ده.

أنا و حضرتك بس اللى صعبانين على أيمن فى الليلة دى و بجد لما بشوف مشاركاتك لأنك حاجز قبلى بشهر بتصبرنى و بحس إن فى حد بيعانى فى موضوع الوقت أكتر منى و أحمد ربنا على اللى أنا فيه و بدعيلك معايا نستلم على خير إن شاء الله.
أنا بقى معايا الفلوس كاملة من يوم ما روحت حجزت و بجد خايف أصرف مليم من ساعتها عشان التأمين و المرور و لو هشترى حاجة للعربية ده غير الفلوس اللى أنا مستلفها عشان أكمل تمنها و مش عارف لحد دلوقتى أبتدى أسدد فيها لحد ما أتأكد إنى مش محتاج فلوس جديدة. أنا بجد زهقت:K_crying[1]: