الموضوع: جبت شوية حاجات امبارح ودى اسعارهم

امبارح كنت رايح عند محمد السيد فى الدقى عشان يحط العربية على الاسكانر ويظبط شوية حاجات

المهم اول ما وصلت عنده لمبة الدينامو نورت وكانت اول مرة
بعد الكشف على الاسكانر الحساسات وكلوا تمام مفيش مشكل
الرشاشات بتفتح فى زمن مظبوط ومفيش فيها مشاكل

نسيت اول انى حطيت العربية على الاسكانر عشان مبرجلة وكنت شاكك فى الموبينة بعد ما عملتلها احتبار شرارة من ناحية الموبينة
وبالنسبة للدينامو قاسلي الشحن ولاقاه واطى جدا ونصحنى اجيب واحد استيراد
وجرب موبينة من عنده وقالى الموبينة بايظة وهات واحدة استيراد ايضا
المهم انو قالي هات الحاجات دى ونتفق على يوم تانى عشان كان عندة شغل

نيجي للمهم وهو عنوان المشاركة مشيت من عنده ورحت عند ابو الحسن جبت شوية حاجات

طقم تيل امامى جولد 50 جنية
طقم تيل خلفى جولد 65 جنية
جوان غطاء تاكيهات جى ام اصلى 25 جنية
طقم سلوك بوجيهات كوري 40 جنية
اويل سيل موبينة 5جنية
فلتر زيت جى ام 20 جنية
2كوتشة ميزان 20 جنية
2 كوتشة مقص 30 جنية
2 جلبة مقص جى ام 30جنية

وطلعت من عند ابو الحسن على المنير عشان اكمل بعض الحاجات

طقم مساعدين يابانى kyb 320
طقم مساعدين خلفي kyb 180
طقم بوجيهات 40 جنية ngk
فلتر هوا 20جنية
موبينة اصلى جى ام 450 جنية
فلتر بنزين جى ام 35 جنية

طبعا جبت الحاجات دى ولسة هعدى على الميكانيكى والعفشجى عشان يظبطو الدنيا