الموضوع: امتحان عربى جامد جدا بس اللى يقدر يحله

السؤال الأول: التعبير
اكتب ما لا يقل عن 650 سطر فى أحد الموضوعات التالية:
(1) لم يجد الطفل غير الشارع ملجأ نظرا لحالة البلد الهباب فاتجه إلى السرقة و القتل و الحشيش... حتى نال جزاؤه و قبض عليه متلبسا بباكتة بانجو ... اكتب قصته مع تسليم الحرز للباشا مراقب اللجنة.

(2) شهدت بلدنا الحبيبة نهضة فى مجال التشييد و البناء و خصوصا بعد أن وصل سعر الحديد إلى 6500 جنيه للطن... اكتب ما يمليه عليك ضميرك على أن يبدأ موضوعك بعبارة أنا بشتغل فى حديد عز.

السؤال الثانى: القصة
(1) من قصة "و عهد الله ما انت داخل الانتخابات"... اقرأ القطعة و أجب عن الآتى: (أتى إليه و ضربه بالجزمة و قال انت عايز تترشح فى الانتخابات انت مين؟؟؟ دانت عايز معجزة.. مش كفاية بتاكلوا لحمة و مستورين .. عايزين إيه تانى؟)
- ما هى اللحمة؟ أو على الأقل حدد أقرب معنى خيالى لها؟
- مرادف معجزة فى اللغة (تغيير وزارى - زيادة المرتبات - رغيف العيش) اختر من بين الأقواس
- لماذا ضربه بالجزمة و ليس بالعصا مثلا؟؟
(كسل ...لسه هيرفع العصاية؟ - عشان العصاية قلة قيمة برده - عشان العصاية شغالة مع واحد تانى..افهم) اختر انت بقى
- اشرح بمزيد من التفصيل جملة ضربه بالجزمة و مدى توافقها مع جملة مصر بتتقدم بينا.


السؤال الثالث: القراءة
من موضوع "الزعيم و الفنان و القدوة" اقرأ القطعة و أجب
(و قد نفى الزعيم عادل إمام الإشاعات التى أكدت أنه مرشح لوزارة الثقافة و أكد أنه فنان فقط و ليس سياسيا كما أنه يرحب بالتوريث و مقتنع بكل سياسات الحكومة) الخبرحقيقى
- فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المكن؟؟
- قرأنا فى نفس الدرس أن عادل إمام سيتقاضى فى فيلمه القادم 12 مليون جنيه.. فى رأيك يا عم المحروم تبقى البوسة بكام فى الفيلم؟؟
- شاهد كاتب هذه السطور مسرحية بودى جارد للزعيم رغم قرفه منه أساسا.. فى رأيك ما سبب دخوله؟ (أكيد معزوم - طبيعى معزوم - و ربنا معزوم) اختر على أن تضع إيدك على المصحف و انت بتحلف للمراقب بتاع اللجنة.


السؤال الرابع: النصوص
من نص (ما شربتش من نيلها) ... اقرأ ثم أجب
"ماشريبتش من نيلها ..جربت تغنى لها..جربت فى عز ما تحزن تمشى فى شوارعها و تشكى لها"
- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر ما المقصود بنيلها فى النص؟ (المسيسبى - الأمازون - يونج يونج)
- النص من نصوص الحزب الوطنى و الدليل وجود اسم مهم من قيادات الحزب فى النص. استخرج الاسم.
- تعرض النص لانتقادات بسبب بعده عن الواقع.. وضح من النص ما يتفق مع القول المأثور اطبخى يا جارية ..كلف يا سيدى

(2) من نص (حين ميسرة) أجب عن الآتى
- اذكر اسم مصيبة واحدة محصلتش فى النص الأسود ده
- وضح بالشرح عبقرية أحمد بدير الإرهابى فى النص و هو يكتب رسالة على الكمبيوتر باستخدام أزرار الأرقام فقط و مفيش حروف... و يعطى أمر التنفيذ بزرارقايمة ستارت مش بإنتر...كمبيوتر إرهابى بقى.
- فى رأيك سبب وجود الشرطة كل خمس دقائق فى النص (موسم ترقيات عقبال أملتك و لازم شغل - أخو خالد يوسف ظابط و عايز يخدم أخوه - عشان الشرطة بتراقب قسم البوليس اللى جنب أحداث النص) اختر


السؤال الخامس: النحو
-اعرب ما تحته خط.. ولو مالقيتش القطعة أصلا اتصرف
- ذهب الرئيس إلى المؤتمر. ضع الجملة السابقة فى صيغة المثنى ... ماعدا الرئيس طبعا انت عايز تروح فى داهية.
- كان ممدوح اسماعيل قاتلا.. ضع إن مكان كان.. على ألا تنصب ممدوح عشان هو بينصب لوحده.
- فرضت الضرائب علينا ببشاعة... اعرب الجملة .. وارفع الضرايب أبوس إيدك.



السؤال السادس: الخط
"كوز المحبة اتخرم ..طرطش على كمى.. يا حبيبى بطل جفا و ارحم عذاب أمى".
اكتب الجملة السابقة بثلاث خطوط .. موبينيل و فودافون و اتصالات.. كما يمكن التحويل من خط لخط بنفس الرقم .. فقط اتصل بخدمة العملاء.

انتهت الأسئلة

المشاركة الأصلية كتبت بواسطة zyadahmed

طيب جاوب انت على امتحان التاريخ ده

س 1 من هو الرئيس المصرى الذى ولد لام سودانية ؟
محمد نجيب
س 2 اذكر اسم زوجة رئيس مصرى مولودة لاسرة ايرانية ( اسرة كاظم ) ؟؟
تحية زوجة جمال عبدالناصر
س 3 من هو الرئيس المصرى الذى تزوج من زوجة امها انجليزية ؟؟؟
أنور السادات
س 4 من هو الرئيس المصرى الذى تزوج بزوجة اصولها من مقاطعة ويلز البريطانية ؟؟؟؟
حسنى مبارك
ملحوظة لاحظ علامات الاستفهام هاتعرف الاجابة

جاوب انت بقى على الامتحان ألأولانى؟