خلاص هشتري ابيزا 94 ان شاء الله

**ahmedali** · 24-06-2009 06:06 AM

يا جماعة انا لقيت عربية ابيزا 94 عامله 31 الف حالتها كويسة اوى هى glx موتور 1300 فيها ازاز كهربا 4 وجنوظ 14 وسنتر وانذار وكاسيت سوني اكسبلود وسماعات سونى ومترخصة 3 سنين وصاحبها جنبي في المهندسين
والعربية مجهزة للتكييف بس فيه حاجه ضايقتني وحيده ان العداد الكيلو متر بايظ وبالتالي انا مش هعرف هى مشيت كام كيلو بس ماتورها حالته جيده جدا يا ترى تنصحوني بايه في الموضوع ده وهل السعر مناسب ولا غالي
هى كمان معمولها شغل فيبر في الوش وشبكة يا ريت يا جماعة تنصحوني بخبرتكم

**alfa1** · 24-06-2009 12:01 PM

سعرها معقول
اهم حاجه تشوف دواخلها كويس عن طريق ميكانيكي او محطة بنزين عشان تتاكد هي فابريكه
لو راشه دواخل سيبك منها

**Mohamed_Ibiza** · 24-06-2009 02:50 PM

السعر كويس والحالة عى كلامك كويسة

بس اهم حاجة انك تشوف حالة الموتور وتقييس كبسه اد ايه وتتاكد من الاساسيات وتشوف الدواحل وكمان تشوف حالة العفشة وياريت تكشف عند حد متخصص وان شاء الله ربنا هيكرمك واي حاجة احنا معاك

**ahmedali** · 25-06-2009 05:19 AM

انا ياجماعة جبت ميكانيكى وشافهما سمكري اقصد وقالى ان العربية تمام مافيهاش حاجه بس الموتور هو خلاه يشغل وكده قالى تمام بس هو سمكرى مش عارف فاهم ولا لاء ربنا يستر ولو عاوز ارفعها في بنزينة يكون فين انا في المهندسين

**alfa1** · 25-06-2009 03:24 PM

لو في بنزينة كالتكس جنبك يبقى كويس هما عندهم مهندسين ممتازين

**saint** · 28-06-2009 12:34 PM

استاذى الغالى اولا ربنا يزرقك الخير فيها او فى غيرها
ثانيا انا مش عارف ايه لازمة الميكانيكي وقت شرا السيارة
يا سيدي الفاضل المهم فى اي سيارة هوه الاساسيات يعنى البودى الدواخل واللحامات الفابريكا والعفشة
هوه ده المهم فى اي عربية
وبعد كده ممكن تبص على الموتور
وعلى الفرض لو طلع الموتور فيه مشاكل شيله وبيعة واشترى واحد استيراد يا مان وارفع السي سي وبالتكييف كمان
خلاصة القول
الموتور مش مقياس
العربية اساسياااااااااااااااااات وعتب وصاج وشنطة وحوض وعفشة
(( وهذا رأى الشخصي وليس بالضرورة الاعتبار بيه )))

**Mohamed_Ibiza** · 28-06-2009 06:41 PM

يعني ايه الموتور مش مقياس ؟؟؟؟؟؟؟؟؟؟؟؟؟

يعني الموتور مش مقياس حتى لو هيأثر في سعر السيارة ؟؟؟

يعني سيارة موتور تعبان اكيد مش هتبقى بنفس سعر سيارة بموتور كبسه عالي وبينقط ميه

وبعدين مهما سقطت مواتير للسيارة يظل موتورها الاساسي صاحب مكانة تفوق اي موتور اخر متسقط مهما كانت سعته اللترية

وبعدين انا بيني وبينك مش بقتنع بان واحد يجيب السيارة ويسقط موتور عالي غير في حالات تظبيط السيارات اما باقي اللي بيسقطوا مواتير ده عشان الموتور الاصلي جاب اخره وبما ان حالة الموتور الاساسي انتهت يبقى ده اكيد اكبر دليل على ان السيارة مهلكة

**saint** · 29-06-2009 12:41 PM

ومين قال انك هتسقط موتور مش بتاعها
مثلا لو قدامك ابيزا 1000 سي سي وحالتها فبريكا دواخل انما صاحبها ما كانش يعرف حاجة غير يحط بنزين وناسي الزيت لحد ما بوظ الموتور
والعربية كان سعرها مناسب ولقطة
ساعتها هانقول مش هاناخدها لان موتورها تعبان ؟؟؟؟
طبعا لأ
وبعدين لما تيجي تسقط موتور
هنسقط موتور ابيزا برضة بس استيراد مثلا 1400 سي سي
بتكييفه وبحاجته
كلام سليم ولا ايه يا باشا؟
وبعدين اللى بقوله ان المهم تاخد معاك سمكرى مش ميكانيكي
اقولك ليه
مثلا لو اخدت معاك ميكانيكي وطلع فى العربية بارومة مثلا والدنيا فى الصاج خربانة ..... يبقي العربية فى خبر كان
انما لو اخدت معاك سمكرى وحتى لو طلع الموتور خربان نقدر نشتغل فيه اشي طقم شنبر او طقم كهربا يعنى اي حوار من غير ما تضيع فلوسنا
برضه دى وجهت نظري

**ahmedali** · 30-06-2009 03:06 PM

يا شباب انا ربنا وفقنى واشتريت العربية والحمد لله هى تمام وماتورها كمان كان معموله عمره وماشي كويس
بس انا عاوز اسال سؤال انا لو عاوز اجيب متور 1300 بردو بس بالتكييف والباور اكيد هيكون اوفر عليه من انى اركب كل قطعة لوحدها باور وتكييف وكده يا ترى ممكن الموضوع ده يكلفنى كام والسؤال التانى انا بتعلم عليها ومشيت بيها يومين كده من غير ميه ما كنتش واخد بالى ان مافيهاش مية بس بعد كده عرفت وكمان احيانا باخد مطبات وانا على التانى فده هيبوظ العربية كده ولا ايه رايكو واسف طولت عليكو

**M.Hassan47** · 30-06-2009 09:55 PM

أولاً الف مبروك يامان
ثانيا انا عايز اعقب على كلام الإستاذ اللى قال ان الموتور مش مقياس مع احترامى الشديد ليك الموتور هو كل حاجة واول حاجة لازم تبوصلها فى العربية وكلام الأستاذ محمد عبد الرحمن صح جدا لأن مهما سقط مواتيير وكفائتها عالية عمرها ماتيجى زى الموتور بتاع العربية

ثالثا يا احمد غلط طبعا جدا وحرام عليك انك تمشى يومين بالعربية من غير ماتشوف الميه دانت احمد ربنا انها فى الحر ده ومجبتش وش سلندر ودا الطبيعى فى الجو ده بس فعلا ربنا بيحبك وياريت تهدى عليها فى الأول لأنى بردو اول ماجبت عربيتى كان تعاملى زيك كده لأنها بردو اول عربية وموضوع المطب ده مش خطر اوى بس خطر جدا لو اتكرر كتير اهدى على العربية اليومين دول بالذات ومتحاولش انك تطحن فيها دلوقتى لأن الإبيزا دى فعلا عاملة زى الإنسان لازم تاخد عليك وتاخد عليها فى الأول بعد كده انت هاتعرف انت تتعامل معاها وهى هاتديك اداء حكاية وممتع بجد لكن فى الأول كده اهدى عليها على قد ماتقدر وربنا يكفيك شرها وشر جريها

وموضوع التكييف ممكن تسقطلها تكييف بس بينى وبينك لازم واحد كفاءة يركبهولك عشان يظبط معاك الأداء ومايبوظش بعد شهر وموضوع الباور انا بردو فى الأول كنت مخنوق من العربية من غير باور بس بعد كده اكتشفت انه افضل للواحد اللى لسه بيتعلم كفاية انك اما بتجرى مش محتاج انك تتبت فى الدريكسيون والعربية مابتعمش منك ولو عايز تركبه فى شارع شمبليون بيتكلف حوالى 900 جنيه او الف

ممنوع استخدام اللون الاحمر في الكتابة حيث انه مخصص فقط للمداخلات الادارية
يرجي مراجعة قواعد المنتدى

مشرف فرعي 1