كمبريسور هواء للطوارئ

**mmahermf** · 24-06-2009 09:01 AM

الأخوة الأعزاء..

إمبارح بعد الشغل رحت لأبو الجوخ في شارع الجمهورية واشتريت من عنده كمبريسور هواء مكتوب على علبته أنه تايواني وأول ما شفته قلت ده لعبة من حجمه وكان شرطي علشان أخده اني حنيم العجلة الأمامية بالذات على الجنط ونشوف اللعبة ده حيعمل ايه

المهم حصل الكلام وابتدي التحدي والراجل ادالي مفك بلف هدية ونيمت العجلة الأمامية الشمال ودورت العربية وحطيت الفيشة في الولاعة وابتدى النفخ وبعد 11 دقيقة لقيت العجلة تمام التمام واشتريت من عنده مقاس ضغط ايطالي وقست لاقيته 32 وشوية ونزلت الضغط حتى 30 وكنت سعيد جدا.

الأسعار :
الكمبريسور 125 جنيه
المقاس الايطالي 40 جنيه وفي صيني 20 جنيه
اخدت الأداة بتاعة دخول الخوابير في الكاوتش مش عارف اسمها + 5 خوابير أمريكي ب15 جنيه
الخوابير وحدها عبوه 5 ب5 جنيه (يابلاش)
ولاقيت عنده الكوريك التمساح ب90 جنيه

حبيت اقولكم على الكمبريسور ده للطوارئ وبدل البهدلة في الحر ده.

وشكرا...

**abou_sama** · 24-06-2009 09:22 AM

11 دقيقه مش كتير شويه
بس عموما احسن كتير من البهدله
مبروك عليك

**tutankhamoun** · 24-06-2009 09:25 AM

المشاركة الأصلية كتبت بواسطة abou_sama

11 دقيقه مش كتير شويه
بس عموما احسن كتير من البهدله
مبروك عليك

ده ضاغط صغير الحجم للطوارئ .
و 11 دقيقة معدل ممتاز ...... و عمر العربية ما هاتنام على الجنط .
و هو ضاغط صغير الحجم لا يتعدى وزنه نصف كيلوجرام .

و ألف شكر للمهندس محمد ماهر على المعلومة .و الخبر و تفاصيل الأسعار .

**abzoabzo** · 24-06-2009 09:43 AM

مبروك وربنا يباركلك فيه

**EslaM_NagY** · 24-06-2009 09:59 AM

هو 11 دقيقة كتير شوية بس ارحم من الحر.

مبروك عليك يا باشا

**sab3aawy** · 24-06-2009 10:00 AM

هو طبعا كويس جدا بس انا فقط حابب اضيف ان نفس 11 دقيقة او ربما اكتر حاجة بسيطة كان بيحققها الكومبريسور الصينى ابو 50 جنيه، مع ذلك ممكن يكون التايوانى افضل من جهه اعتمادية الماكينة والجودة بتاعتها ، وعموما الف مبروك عليك

**mmahermf** · 24-06-2009 10:03 AM

الله يبارك فيكم جميعا ويحفظكم من كافة انواع البهدلة

**JAM** · 24-06-2009 10:07 AM

مبروك.. بس نصيحة بلاش تستخدم الخوابير الا فى الضرورة القصوى جدآ جدآ فقط

**nasroo** · 24-06-2009 10:25 AM

هي ايه الخوابير دي وبتعمل بيها ايه وشكلها عامل ازاي؟؟؟؟

**m_waheed** · 24-06-2009 10:27 AM

هو بصراحة اختراع كويس جدا

انا اشتريت واحد من كارفور من حوالي شهرين كان ب 40 جنية وكان معاه الابره والبلوف بتاعته علي اساس انه ينفع ينفخ عجلة سيارة او عجلة عادية او حتي كورة
وبصراحة انا اعتقدت رميت الفلوس في الارض لغاية ما حصل اني لقيت مرة العجلة نايمة والاستبن كمان كان نايم قولت اجرب فعلا كان في حوالي 9 دقايق العجلة زي الفل

هو كفاية ينقذك من موقف تكون مسافر او تمرمط في موقف بايخ

عموما الف مبروك ليك

الموضوع: كمبريسور هواء للطوارئ

LinkBack

أدوات الموضوع

عرض

كمبريسور هواء للطوارئ - انشر الموضوع فى :

-

-

-

-

-

المواضيع المتشابهه

كمبريسور اوكتافيا a5

جهاز لا بد من توفره فى سيارتك ( كمبريسور هواء )

كمبريسور التكيف

كمبريسور التكييف

الكلمات الدلالية لهذا الموضوع

المفضلات

المفضلات

ضوابط المشاركة