الموضوع: الفتيات و السيدات ( الحذر )

المشاركة الأصلية كتبت بواسطة mohamedezat

السلام عليكم جميعا

اكيد الحذر مطلوب فى اى شىء بس بصراحه انا لما سمعت القصه دى من فتره مدخلتش عقلى
ياعنى تخيلى مصورليش ان ممكن يكون فى غرفه سريه ليها باب من غرفه تغيير الملابس مخصوص علشان خطف النساء لقتلهم وسرقه اعضاءهم

خدونى على قد عقلى بافتراض انه فعلا فى غرفه سريه وخطيبها واقف على باب الغرفه هل سيتم الخطف دون اصدار اى صوت او اى ضوضاء وهل الناس دى اختاروا الضحيه اللى معاها شخص اخر (يبقى قمة الغباء طبعا )
هل العاملين بالمحل سابوه بكل سهوله يبلغ الشرطه وسابوا كل حاجه زى ماهى لغايه ماتيجى الشرطه وتكتشف الموضوع ؟
طيب انا اعرف ان الاعضاء دى لها مده صلاحيه معينه هما بقا مجهزين المرضى اللى هاتتنقل ليهم الاعضاء اللى هايسرقوها ؟

وبعدين موضوع التكتيم الاعلامى ده صعب جدا فى مصر وليه البيت بيتك بس هو اللى ذكر حاجه زى دى ؟
وليه خطيبها سكت ومقلبش الاعلام وقلب الدنيا ؟؟؟؟؟؟؟؟؟؟؟ دى خطيبته ...........هى لو مراته كان الوضع اختلف (ممكن ياعنى)
ههههههههههههههههههههه

طبعا مع احترامى الشديد لصاحب الموضوع لان من مشاركاته ربنا يعلم انا بحترمه اد ايه انا كل كلامى على الواقعه نفسها ومش على حضرتك

شكرا استاذ/ محمد , على فكرة بعض استفساراتك فكرت فيها بردة , وعلشان كدة قلت فى اول الموضوع مش عارف صحة الكلام دة.
فى مواضيع الواحد مش مصدفها لكن لعدم اهميتها ما فيش داعى اننا نتكلم فيها , لكن انا شوفت ان الموضوع خطير بغض النظر على الطريقة , لكن بتحصل كتير حكاية سرقة الاعضاء و الله يجحمهم كل يوم يتفننوا فى اساليب سرقة الاعضاء , على سبيل المثال اللى هحكية دة حصل فى العمرانية فى الهرم ودة من ملفات الشرطة بالمناسبة :
واحد عربى وقف تاكسى فى شارع الهرم غلشان يوصلة لكازينو وهو ماشى سأل سواق التاكسى انة يعرف واحدة يقضى معاها فى سهرة ..... , سواق التاكسى الشهم زعقلة وقالة لا معرفش , ولما الراجل العربى قالة انة حيدفع 10000 جنية ( عشرة آلاف جنية ) مقابل السهرة , السواق الشهم اللى عندة رجولة ونخوة فكر فى الموضوع وقال ان هو اولى بالفلوس وعلى طول قالة طلبك عندى , عارفين عمل اية ..... خدة معاة على البيت وقالة استنناى ونازلك على طول وطلع السواق واقنع مراتة انها تقضى السهرة ويكسبوا ال 10000 جنية , مراتة اقتنعت وراح السواق وصلهم لشقة العربى وقالهم هيعدى الصبح ياخد مراتة.
راح الصبح وطلع يخبط على الشقة محدش فتح ولما قلق نزل سأل البواب عن الراجل العربى .. البواب قالة دة مشى الساعة 5 الصبح , السواق راح جرى على القسم وعمل محضر وراح معاة ظباط ومخبرين وطلعو كسروا باب الشقة .
عارفين لقوا اية ......... لقوا مراتة مقتولة ومسروق منها الكلى والعينين... اللهم احفظنا جميعا.
علشان كدة انا قلت فى اول الموضوع الحذر وربنا يلطف بينا
آسف على الاطالة لكن الواحد بيشوف ويسمع عن بلاوى كتير

شكرا استاذ محمد على شعورك واطرائك