الموضوع: تجربتي مع الجي بي اس

بدات حكايتي مع الجي بي اس من حوالي 10 سنين ( مهندس مساحة , هندسة شبرا ) , درسناه شفوي طبعا و الدكتور حكالنا عن النافيجاتور الصغير و الكلام ده .
المهم في سنة 2004 كنت في السعودية و لسة ماقبلتش الجي بي اس هو كان استخدامة الوحيد في تثبيت نقط bench marks .... مش قصتنا
بس حصل اني اشتغلت في مشروع طرق جوه الصحراء ب 120 كم و كان لازم جي بي اس عشان اعرف ارجع للاسفلت
اشتريت
garmin etrex و ده مفيهوش خرائط يعني كنت بس بسجل نقط و اعمل نافيجات عليها
الخرائط اللي عليه تعتبر خلفية اكتر منها خرائط نافيجيشن

حاليا و من حوالي 8 شهور اشتريت دي في دي صيني و فيه جي بي اس ( اصلا اشتريته عشان الجي بي اس ) و هو نفس اللي هيتباع في مصر و يغرق الدنيا
السعر + مصاريف الشحن = 2600 جنيه
الجمارك 1370 جنيه ليييييييييييييييييييه معرفش ... ( بنحمي الصناعة الوطنية )


اول ما ركبته و متلهف اني اشغلة و لا الهوا ........... ليه يا عم
البرنامج بيجي مجانا مع ال sd اللي تمنها 16 $ و انا عملت ناصح و ماشترتهاش مش مشكلة قعدت علي النت .....مطولشي عليكم اشتغل معايا IGO my way زي الفل خرائط القاهرة و الاسكندرية
الصيدليات , محطات البنزين , مستشفيات , مطاعم و الخ
الحمد لله دلوقتي بقي عندي خبرة كويسة عنه
و حايا مشغل amigo ( بس مش الجزمة )

طبعا نسيت اقولكم ان انا شغلي الحالي كله بيعتمد علي الجي بي اس


طيب لو حد عاوز جي بي اس و مش عاوز يتكلف فلوس كتيرة يعمل ايه
فيه كذا حل
طبعا في شباب مركبين او علي الااقل سمعوا عن تركيب كمبيوتر العربية يعني لاب توب قديم او حتي ديسكتوب مع شاشة lcd
نكمل احنا عليها ب gps receiver و برنامج زي igo desktop
طيب الرسيفر ده يكلف كام وهجيبه منين
اي hand held navigator قديم يفي بالغرض ( مش بقول كده عشان ابيع الحارمن اللي معايا انا هحتفظ بيه عشان افرجه لاحفادي )
فيه كروت جي بي اس
فيه جي بي اس بلوتووث ( معمول للموبيلات و البوكيت )

و زي مالاخوة قالو ممكن تستخدم الموبايل او البوكيت بي سي بس مش هتكون ثابته في العربية

بالنسبة لبرامج النافيجاشن اللي ليها خرائط لمصر

1- IGO بكل اصدارته و بتكون امتدادات الخرائط fbl
2- برنامج mio و هو تقريبا بيستخدم نفس خرائط ال igo
3- برنامج route 66
4- برنامج sygic

بس السؤال اللي لازم تسالة لنفسك قبل ما تفكر انك تشتريه ......... انت محتاجه ؟
بالنسبه لي ان واحد بتوه اول ما اخرج من بيتنا
مبحبش اسال حد عن عنوان
لو رايح حته مش عارفها قبل ما انزل بطلع احداثياتها من جوجل ايرث و اضربها علي الجي بي اس
( لو فاكر ان الخرائط جامده اوي لا عندك ... و علي فكره العيب مش من اللي عمل الخرائط ... العيب علي الشوارع
و كمان مشكلة ترجمة الاسماء من عربي لانجليزي )
ممكن تقابلك برده شوية عيوب بسيطه
يعني يوتيرنات اتقفلت و يوتيرنات اتفتحت
كنت ماشي في الاوتوستراد و صوت الست قاعد يهاتي در للخلف بعد 300 متر در للخلف بعد 100 متر و مفيش فتحة اساسا الف منها بس بعد ما لفيت من قدام لقيت اثار اليوترن المقفول
ما علينا اي حد عنده اي استفسار يا ريت يتفضل و انا تحت امركم

تقريبا نفس الخدمة ببلاش
http://www.instamapper.com
بس عدد محدود من انواع الموبيلات