الموضوع: بطارية نيسان صنى

فى السريع
البطاريه لما تكون X أمبير ده معناه انها ممكن تطلع كهرباء بفرق جهد 12 فولت لغاية X أمبير و ده بيحصل بس لما تيجى تدور العربيه لأن المارش هو اللى بيستهلك القيمه X دى
طيب ليه ماجبش بطاريه Y أمبير حيث Y>X ده لأن الدينامو بتاعك يقدر يكفى شحن لغاية بطاريه X امبير ممكن تعرف القيمه دى من على الدينامو نفسه ، هتلاقى قيمتين واحده عند 1500RPM و التانيه عند تقريبا 3500 أو 4000RPM دى قدرة الشحن (قيمة التيار) اللى ممكن تخرج من الدينامو فى الحالتين
طيب يعنى ايه (مايقدرش يكفى شحن بطاريه )ده لأن البطاريه بتخرج تيار نتيجه لتفاعلات كيميائيه بين الحمض المخفف H2SO4 و ألواح الرصاص و علشان تشحنها لازم تعكس التفاعل عن طريق مصدر خارجى بجهد أكبر و تيار كافى لعكس التفاعل لكل المواد اللى سبق و تفاعلت (خلى بالك الدينامو الجهد بتاعه بين 13 و 14 فولت يعنى اكبر من البطاريه)
و ده معناه لو ان البطاريه بتاعتك اكبر من البطاريه المصمم لها الشاحن (الدينامو) موش هترجع بعد فتره من الأستخدام للتيار المقنن لها و بالتالى عمرها الإفتراضى هيقل
هى هتشغل العربيه كويس بس تقريبا 75% من عمرها لو انت جبتها نفس الأمبير المقنن لها
انا عندى فى النيسان صنى 2009 44 أمبير سائله
ملحوظه : 99% من كهربائية مصر ما يعرفوش حاجه على انا بتكلم فيه و بيلبسوا زباينهم فى بطاريات أكبر اعتمادا فقط على انهم نفس الحجم و القاعده هى هى