غيرت كبالن و لسه فاضل صوت طقطه خفيفه ؟؟ الحل ؟

**walids** · 25-06-2009 03:53 AM

السلام عليكم

عربيتي بيجو 305 ،
كانت عندي الكبالن ضربه نهااائي ، و الحمد لله اشتريتلها 2 كبالن *فرنساوي جديد*
و راح صوت الطقطه المستمره و الخبط اللي كان موجود في العربيه ، و العربيه بقت تمام ، لكن اكتشفت اني لما بلف علي منطقة مكسره او مش متساوية ، سواء بلف يمين او شمال ، بسمع صوت طقة واحده بس خفيفه كده مع حركة العربيه ، فياتري دي من ايه ، مع العلم ان الدركسيون بقي تقيل شوية بعد تغيير الكبالن ، فيه واحد قالي ممكن تبقي من المقصات ، فأنا عايز حد يشرحلي فائدة المقصات و هل ممكن تكون المشكله دي منها و لا من ايه بالظبط :)

**Esam Mosaad** · 25-06-2009 12:34 PM

واللهى انا عنجى نفس المشكله وكل مروح لحد ميفهمش حاجة واتخنقت وكبرت دماغى

**M.FOUAD** · 26-06-2009 10:13 PM

طبيعي ان يكون الدركسيون ثقيل بعد تغيير الكبالن هينعم مع الوقت لكن صوت الطقة دية جايز تكون من الجلب

**thegoodhacker** · 26-06-2009 11:27 PM

خلي العفشجي يفحصلك البطاحات ........ انا كان عندي نفس المشكلة و اتحلت بتغيير البطاحات

**walids** · 28-06-2009 04:03 AM

انهي جلب ، الخاصه بايه ؟

**blazer** · 28-06-2009 04:42 AM

اعتقد ممكن تبقى من علبه الدكسيون ممكن تسبب صوت زى كدا

**walids** · 10-07-2009 03:13 AM

شكراً ليك يا blazer .. اممم طيب معلش ممكن توضحلي علبة الدركسيون دي فين ؟ و هل خطبتها بسمعها تحتي او في نص العربيه من قدام ؟
ولا بسمعها في الدركسيون ؟؟

**Maged_Samy** · 11-07-2009 09:57 PM

حاول تظبط زوايا عشان ساعات بتكون السبب لان العجل بيفتح اكتر من الازم عند الدوران وممكن تسمع صوت صرخة للكاوتش وطقة من الكوبلن والله اعلم .

**ELDOSOQE** · 25-07-2009 10:31 PM

احنا عندنا عربية ولسه مغيرلها مساعدين وكبالن وبيضات مقصات وبيضات دركسيون
يعنى مغير العفشة كلها من الاخر
وبرده بسمع نفس الصوت دة عند كسر الدركسيون للاخر
وتلاتة عفشجية مش عارفين السبب وكل واحد يقول سبب شكل
ولسه جاى من عند الراجل بتاع ظبط الزوايا
وقالى ان الصوت دة من الاسكترا .

فمش عارف الصح ايه
لو عملت الصوت دة وعرفت من ايه ياريت تبلغنى عشان اعرفه