مساعدة فى تركيب فرش جلد متفصل نضيف أوى للالنترا

**nader makram** · 25-06-2009 10:17 AM

كنت عاوز اركب فرش جلد متفصل نضيف أوى للالنترا بس مش عارف انهى احسن محل يعمل الحكاية دى
فى ناس بتقول ان دوس هو احسن واحد ممكن حد يقولى عنوانة اية؟
ولو فيه احسن منة ياريت حد يقول اسم المحل اية و عنوانة
وشكرا معلش هتعبكم معايا

**karaktar** · 25-06-2009 10:30 AM

بص بأه وعن تجربة فى عربيتى التيدا وعربيات الشركة عندى
المحل اسمه جينس كار هوه فى الحى السابع جنب البيت عندى الراجل ده شغله تحفه لفوق الوصف وبشهادة كتير من الناس بيفصلك الصالون أكنه نازل مع العربيه فابريقه ده حقيقى الاول بتروح بيفرجك على الكمبيوتر على عربيات كان عاملها قبل كده وفاتح ملف لكل عربيه وطبعاً هاتلاقى عربيتك هناك ويوريك الشغل بتاعه عامل ازاى وتختار اى تفصيله انت عايزها بعد كده يديك انواع الجلود او القماش وانت تختار حسب اللى انت عايزو والسعر المناسب ليك
بصراحة الراجل عملى فرش التيدا عندى مالهوش حل اكنه بجد بتاع العربيه وكل اللى شافوه مصدقوش
ممكن تيجى تتفرج الاول وتشوف الشغل عامل ازاى وبعد كده تقرر وانا تحت امرك فى اى وقت ممكن نتقابل واجى معاك

**Ashraf_Ashraf** · 25-06-2009 10:34 AM

المشاركة الأصلية كتبت بواسطة karaktar

بص بأه وعن تجربة فى عربيتى التيدا وعربيات الشركة عندى
المحل اسمه جينس كار هوه فى الحى السابع جنب البيت عندى الراجل ده شغله تحفه لفوق الوصف وبشهادة كتير من الناس بيفصلك الصالون أكنه نازل مع العربيه فابريقه ده حقيقى الاول بتروح بيفرجك على الكمبيوتر على عربيات كان عاملها قبل كده وفاتح ملف لكل عربيه وطبعاً هاتلاقى عربيتك هناك ويوريك الشغل بتاعه عامل ازاى وتختار اى تفصيله انت عايزها بعد كده يديك انواع الجلود او القماش وانت تختار حسب اللى انت عايزو والسعر المناسب ليك
بصراحة الراجل عملى فرش التيدا عندى مالهوش حل اكنه بجد بتاع العربيه وكل اللى شافوه مصدقوش
ممكن تيجى تتفرج الاول وتشوف الشغل عامل ازاى وبعد كده تقرر وانا تحت امرك فى اى وقت ممكن نتقابل واجى معاك

شئ رائع ان فى حد كده مبروكه عليك
بس ممكن نعرف التكلفه ونوع الفرش اللى ركب

**M.almaghraby** · 25-06-2009 10:38 AM

مكانه فين بالظبط؟؟؟؟؟؟؟؟؟

**karaktar** · 25-06-2009 11:33 AM

اولاً التكلفة حسب نوع الجلد او القماش اللى انت تختاره حسب امكانياتك
انا عملت فرش التيدا الاصلى هوه عباره عن قماش وجلد وكان عاجبنى اوى شكل الفرش الاصلى روحت للراجل قالى هاعملك زيو بالظبط وفعلاً اتفرجت على الكمبيوتر عاندو عامل حاجات تحفه فى التيدا سواء جلد او قماش المهم جبلى نفس نقشة قماش التيدا ونفس خامة الجلد تقريباً وبكده مخسرتش شكل الصالو ن الاصلى
وكمان فرشلى الشنطه جلد ( التكلفة 900ج ) بس فى اسعار اقل واسعار اكتر ( نوع الجلود اللى عاندو المانى )

العنوان ( 6شارع عمر زعفان من شارع الطيران خلف حى مدينة نصر بالحى السابع )
ت/ 22616675 أو 0127423977

**Ashraf_Ashraf** · 25-06-2009 11:36 AM

المشاركة الأصلية كتبت بواسطة karaktar

اولاً التكلفة حسب نوع الجلد او القماش اللى انت تختاره حسب امكانياتك
انا عملت فرش التيدا الاصلى هوه عباره عن قماش وجلد وكان عاجبنى اوى شكل الفرش الاصلى روحت للراجل قالى هاعملك زيو بالظبط وفعلاً اتفرجت على الكمبيوتر عاندو عامل حاجات تحفه فى التيدا سواء جلد او قماش المهم جبلى نفس نقشة قماش التيدا ونفس خامة الجلد تقريباً وبكده مخسرتش شكل الصالو ن الاصلى
وكمان فرشلى الشنطه جلد ( التكلفة 900ج ) بس فى اسعار اقل واسعار اكتر

مشكور وتسعد بالعربيه انشاء الله