استفسار وارجو المساعدة في تحسين الصوت

**heshamfawzi** · 25-06-2009 01:39 PM

السلام عليكم
اولا انا اول مره اشارك في المنتدي ومن الواضح ان المنتدي بيغطي حاجات كتبر جدا من اللي اي حد ممكن يسأل فيها

انا بس كنت عايز اسأل
انا معايا نيو سيراتو وكتن معايا اكسينت قبلها وكنت مركب فيها سي دي بايونير و ساماعات كينوود 300 وامبليفاير gm سوني و صب بازوكا jbl وكان الحال تمام قوي
لما جبت السيراتو
اولا لقيت ان السي دي راكب في التبلوه والتابلوه متقفل عليه كله وبالتالي ماعرفتش اركب السي دي البايونير لاني هابوظ الدنيا رغم ان الجهاز البايونير جامد لكن قررت اني استخدم السي دي بتاع العربية وللأسف كمان ماعرفتش اركب الساماعات الكينوود لان المكان ورا مايستحملش ااركب فيه حاجة وكمان مش عايز افتح في الصاج وكمان في بارات تحت بتاعت الشنطة
لكن ركبت ال gm والبازوكا في الشنطة بس الصوت مش عاجبني لان السماعات في الابواب مش قد كده
نصحوني في ادريان اني اركب تويترات بس مش عارف ليه حسيت انه عايز يبيع عليا والسلام

ممكن حد يقولي اعمل ايه لان انا حاسس ان الصوت مكتوم ومش حلو مش زي ماكان في عربيتي القديمة بسبب اني استغنيت عن السماعات والجهاز البايونير؟؟؟؟

**HNaga** · 25-06-2009 02:11 PM

تركيب تويترات هيوضح الصوت بس الصوت فى الأخر مش هيطلع حلو لان فيه سماعات مش كويسة
أعتقد لنك لازم تغير سماعات العربية الأصلية بسماعات كويسة نفس المقاس

**dedomagy** · 25-06-2009 02:23 PM

بص انت ممكن تركب لها سماعات فى الباب بيونير او كينوود
يا اما تركب رف ورا mdf وتعلية لفوق

**tamer0106609730** · 26-06-2009 09:39 AM

فعلا من الأفضل أنك تشيل الرف الخلفى الأصلى بتاع العربية وتعمل واحد نفس المقاس mdf وتحفر للسمعاتك القديمة فية وتثبتة كويس وتغطية بموكيت وبكد حتكون المشكلة أتحلت والصوت رجع حلو تانى ولا حفرت فى الصاج ولا قربت لمواسير الشنطة

**haysam2000** · 26-06-2009 11:35 AM

فعلا زى هشام ما قال التويترات مش هيكون ليها اى داعى لآن السماعات مش كويسه فى الأصل
ممكن تعمل زى بوكس ام دى اف بعرض و طول البورده و هيبقى بس طالع لفوق شويه و دى ممكن تحلها انك تفيم على اد ارتفاع البورده و هى تتكسى موكيت او جلد على حسب فرشك و لازم هتحتاج تغير سماعات البيبان و لو الكاسيت بتاعك نفس حجم كاسيت العربيه ممكن فى التوكيل يفكلك التابلوه و يغيرهولك و تدفع الفك و التركيب و الف مبروك على العربيه يا باشا

**heshamfawzi** · 27-06-2009 01:59 AM

اشكركم علي المساعدة والله يبارك فيك يا كبير
بس السؤال؟؟ هل اغير سماعات البيبان واعمل سماعتين في بوكس ورا ولا تغيير سماعات البيبان بس كفاية وبعدين هيه السماعات المفروض تاخد من مخرج ال gm ولا بتتوصل علي نفس توصيلها