مش عارف... بس بجد انا عايز اروح لطبيب نفسي أو psychiatrist

**mohamed_mohsen** · 26-06-2009 02:43 AM

المشاركة الأصلية كتبت بواسطة kemo0o

أقسم لك بالله انا مريت بظروف شبيهه لظروفك وبالذات موضوع الاصحاب ده بس انا لسه في الدراسة
كل اللي انا عملته رحت لاقرب صاحب ليا وقعدت اتكلم معاه والحمد لله هو قدر وفضل معايا وصبرني وخرجني من اللي انا فيه

دور على صاحب لك يكون بيعزك وانت بتقدرة وهو اللي ممكن يقف جنبك

انا كمان حاليا بمر بنفس الظروف....و لسه بدرس برضه
زهقان و متضايق .....و مش عارف اعمل ايه
بحاول انتظم في الصلاه علي قد ما اقدر...و اتقرب من ربنا....و ربنا يحلها

**pro_samir** · 26-06-2009 03:17 AM

الفراغ وعدم وجود هدف
العلاقة بربنا

مش كلام نظرى بس لو حليت المشكلتين دول هترتاح قوى

لأن دول من اكتر الحاجات اللى ممكن تريحك لما تعملهم وبرضو اكتر حاجات تتعبك لو أهملتهم

لو شغلت نفسك بحاجات مهمة وحسيت انك بتنجز فيها هتحس بنشوة ورضا عن نفسك

وكذلك لو عملت اللى عليك ناحية ربنا وناحية دينك هتلاقى نفسك مطمئنة وهادية وهتحس براحة

لكن برضو كل حاجة نسبية ومفيش حاجة بترسى على حال

وكل مرحلة و ليها حلاوتها و قرفها وكئابتها

وموضوع الأصدقاء دة بصراحة مش عارف الواحد يعمل فية اية :(

يمكن هيا دى طبيعة الدنيا .. ما أكتر الأوقات اللى الواحد بيبقى عايز يقعد مع حد او حتى يخرج يتمشى معاة ومتلاقيش الشخص دة

حتى الجواز مبقاش نافع

بلاش افتح فى الكلام اكتر من كدة احسن اجيبلك اكتئاب اكتر وانت مش ناقص

**medo55** · 26-06-2009 03:39 AM

المشاركة الأصلية كتبت بواسطة bmw323

طيب حياتك العاطفية أية أخبارها لأن الفراغ العاطفى لية عامل كبير فى الكلام ألى بتقولة !!

اقولك على حاجه

الانسان لما بيرتكب ذنوب كتير اوي اوي بيوصل لمرحله انه مخنوق من الحياه ولمجرد انه يتوب لربنا ويصلي ركعتين لله بيحس انه اتولد من جديد ولحياه زي الفل ,,,,,,, اقصد من كلامي ان الحياه العاطفيه الي حضرتك بتتكلم عنها لو ملاها بحرام هتخرب عليه اكتر مش هتنفعه

**MoToRiZeR** · 26-06-2009 04:04 AM

من غير ما أقعد أديك في دروس

إسمع الأغنية دي

http://www.youtube.com/watch?v=EG7vtbOpbXU

الإنسان الذي لم يفشل لن يعرف طعم النجاح
و الإنسان الذي لم يتوه لن يعرف نشوي الوصول !

**mahmoud_magdy** · 26-06-2009 04:42 AM

طبعا انا معرفش انت ليه متدايق وزعلان وقافل كدا من الدنيا
لكن الحياه مش كئيبه للدرجه دي
انا مريت بأيام صعبه كتير اوي بس الحمد لله عديتها وكنت اعد في بيتنا مبعملش اي حاجه نهائي وقافل من الدنيا ومن الناس ومن كل شئ
لحد ما عرفت ان انا ناسي نفسي ومبفكرش في نفسي
بفكر في اللي بره بس
شوف من الاخر انت اللي هتنفع نفسك لا صاحب هينفعك ولا أب ولا أم ولا أي شخص
انا عاوزك تحب نفسك وتبقى عليها وتفضلها على أي حد فكر في نفسك وحب نفسك وعيش حياتك لنفسك
فكر ايه اللي يفيدك ايه اللي يمشي مصالحك
انا هتحارب لوحدك وهتعلى لوحدك
خلي الناس تستفيد منك ( اخلاقك - معاملتك - علاقاتك - خدماتك )
اطلب من نفسك ونفذ
ابعد عن الكسل خليك نشيط خليك ايجابي
انسى الناس خالص محدش هيفيدك
كل واحد دلوقتي ماشي لمصلحتو فقط
عمرك شفت صاحب بيدخل سجن عشان صاحبو ؟؟ وافرض انو حصل ياترى كام واحد بيشيل الجميل
الاشخاص الكويسين قليل اوي انك تلاقيهم
وقبل أي حاجه من الكلام ده
نصيحه بقولها لنفسي قبل ما أقولها ليك
قرب من ربنا , صلي , ادعي , اطلب
وحاول تشوف محاضرات تنميه بشريه وتقرأ كتب ليها
اذا كنت عاوز كتب اطلب وانا تحت أمرك
وقول اعوذ بالله من الشيطان الرجيم
وابدأ من جديد وحس طعم السعاده في المعاناه واتمتع بحياتك
انت هتعيش في الدنيا مره واحده بس
روووووووووووووووووووووووو ووق

**Terrible_DaRsH** · 26-06-2009 05:03 AM

بص انا لو قلت لك حلول هصعبها عليك و اخليك تتخنق اكتر .

تنزل بكرة ان شاء الله تدور على كتب ( ابراهيم الفقى ) , خصوصا كتاب ( سيطر على حياتك ) . سعره عادى جدا مش غالى يعنى .

تقراه و تشوف , لو حصل تحسن باذن الله يبقي استمر و لو حاسس ان مفيش جديد قول و انا هقولك على حلول تانية و ان شاء الله تخرج من اللى انت فيه .

**M.Osman** · 26-06-2009 05:38 AM

أولاً أحب أشكركم جميعاً .. مكنتش متوقع كم النصائح دي

المشاركة الأصلية كتبت بواسطة bob2009

عارف انا نفسى اقتل كل حاجه حلوه فاضله جوايا نفسى ابقى زى الوحوش بجد على شان اعرف اعيش فى وسط الناس النهرده الطيبه مش بتنفع الايام دى لازم تكون غول زيهم انا بحاول اهو انت اتكلمت فى اكتر حاجه بتزعل اى انسان لسه فاضل فيه شويه طيبه النهرده بس اعتبرنا اصحابك انا زيك بالظبط بس فكرت فى حاجه حلوه اوى انى اشغل وقتى هنا او فى اى حاجه واتقرب من ربنا وخلاص بس برده لازم اقتل كل حاجه حلوه لسه موجوده على شان ابقى زى الناس الى فى الغابه دى
واعتبرنا اصحابك

ايوا
هو دا اللي أنا حاسس بيه
ليه كدا
لية لازم الواحد لما يتعامل مع اي حد دلوقتي لازم يعمل عليه "صايع" ؟؟؟
هو خلاص لو الواحد فضل طيب مش هينفع ولا أية؟ الظاهر كدا لأ..

المشاركة الأصلية كتبت بواسطة kemo0o

أقسم لك بالله انا مريت بظروف شبيهه لظروفك وبالذات موضوع الاصحاب ده بس انا لسه في الدراسة
كل اللي انا عملته رحت لاقرب صاحب ليا وقعدت اتكلم معاه والحمد لله هو قدر وفضل معايا وصبرني وخرجني من اللي انا فيه

دور على صاحب لك يكون بيعزك وانت بتقدرة وهو اللي ممكن يقف جنبك

ما هو المشكلة دلوقتى ان حتى اقرب صاحب لي .. بقيت حاسس اني غلطت اني اخترته او هو اللي اصبح انسان غريب و لا يستحق الصداقة ... لم يعد جاد زي الأول .. مع ان إحنا خلاص المفروض خلصنا مرحلة الهزار و المفروض نبدأ الجد ... و بصراحة كدا انا شايف انه بدأ التهريج و التفاهة .. و عشان كدا بطلب دكتور نفساني.

المشاركة الأصلية كتبت بواسطة freeefair

يا جماعه الاصحاب دول احنا اللى بنختارهم
احنا اللى بنوافق على الصداقه ديه
لو الاختيار ده تم مضبوط معتقدش ان هيكون فيه مشكله

واضح فعلاً ان كنت غلطان...
بس معقول كنت غلطان في كل صحابي؟ معقول؟

المشاركة الأصلية كتبت بواسطة bmw323

طيب حياتك العاطفية أية أخبارها لأن الفراغ العاطفى لية عامل كبير فى الكلام ألى بتقولة !!

..

المشاركة الأصلية كتبت بواسطة musiccairo

طبعا انا معرفش انت ليه متدايق وزعلان وقافل كدا من الدنيا
لكن الحياه مش كئيبه للدرجه دي
انا مريت بأيام صعبه كتير اوي بس الحمد لله عديتها وكنت اعد في بيتنا مبعملش اي حاجه نهائي وقافل من الدنيا ومن الناس ومن كل شئ
لحد ما عرفت ان انا ناسي نفسي ومبفكرش في نفسي
بفكر في اللي بره بس
شوف من الاخر انت اللي هتنفع نفسك لا صاحب هينفعك ولا أب ولا أم ولا أي شخص
انا عاوزك تحب نفسك وتبقى عليها وتفضلها على أي حد فكر في نفسك وحب نفسك وعيش حياتك لنفسك
فكر ايه اللي يفيدك ايه اللي يمشي مصالحك
انا هتحارب لوحدك وهتعلى لوحدك
خلي الناس تستفيد منك ( اخلاقك - معاملتك - علاقاتك - خدماتك )
اطلب من نفسك ونفذ
ابعد عن الكسل خليك نشيط خليك ايجابي
انسى الناس خالص محدش هيفيدك
كل واحد دلوقتي ماشي لمصلحتو فقط
عمرك شفت صاحب بيدخل سجن عشان صاحبو ؟؟ وافرض انو حصل ياترى كام واحد بيشيل الجميل
الاشخاص الكويسين قليل اوي انك تلاقيهم
وقبل أي حاجه من الكلام ده
نصيحه بقولها لنفسي قبل ما أقولها ليك
قرب من ربنا , صلي , ادعي , اطلب
وحاول تشوف محاضرات تنميه بشريه وتقرأ كتب ليها
اذا كنت عاوز كتب اطلب وانا تحت أمرك
وقول اعوذ بالله من الشيطان الرجيم
وابدأ من جديد وحس طعم السعاده في المعاناه واتمتع بحياتك
انت هتعيش في الدنيا مره واحده بس
روووووووووووووووووووووووو ووق

فعلاً
هو دا اللي الواحد المفروض يعمله يبص لنفسه و مستقبله و لا ينتظر اي شئ من اي حد ... حتى أقرب الأصدقاء.

شكراً ليكم جميعاً على النصائح الغالية .. بجد استفدت منكم اوي

ربنا يعيننا و يعينكم .

**bmw323** · 26-06-2009 05:42 AM

المشاركة الأصلية كتبت بواسطة medo55

اقولك على حاجه

الانسان لما بيرتكب ذنوب كتير اوي اوي بيوصل لمرحله انه مخنوق من الحياه ولمجرد انه يتوب لربنا ويصلي ركعتين لله بيحس انه اتولد من جديد ولحياه زي الفل ,,,,,,, اقصد من كلامي ان الحياه العاطفيه الي حضرتك بتتكلم عنها لو ملاها بحرام هتخرب عليه اكتر مش هتنفعه

ومين قال أنى اقصد انة يملاها حرام ينعى مثلا مش بيفكر يخطب حد معين واحدة تقف جمبة وتساعدة أنة يخرج من ألى هو فية مش موضوع حراام ويقضيها زى مانتا فاكر يارب أكون قدرت أوصلك قصدى

**M.Osman** · 26-06-2009 05:59 AM

بص حضرتك
..
انا فعلا كنت فكرت في الموضوع دا
و معجب بواحدة زميلتي معايا في القسم و قولتلها تكلم أهلها اني اجي اتقدم لها أول ما أشتغل.. و مستنى رد ..... لكن مش متفائل .. مش عارف .. هل هيكون في حد يقدر ان احنا الإتنين مثلا نبدأ حياتنا مع بعض خطوة بخطوة و كدا ...؟
ولا نظام المظاهر و العادات الأصلية اللي عندنا دي هتعمل شغلها؟
مش قصدي من كدا اني مثلا مسترخص البنت او كدا ..لأ بالعكس

ربنا يسهل إنشاء الله ... كلها أيام و اعرف الرد ايام كورس الــiti

شكراً للتعاون و جزاكم الله كل خير

-

الموضوع: مش عارف... بس بجد انا عايز اروح لطبيب نفسي أو psychiatrist

LinkBack

أدوات الموضوع

عرض

-

-

-

-

المواضيع المتشابهه

عايز اروح ورشة المتخصصون من الجيزة ضرورى ومش عارف الطريق

نفسي .. نفسي .. نفسي .. نفسي اروح اسكندرية

عايز اعدل عربية 128 بس مش عارف اروح لمين

ايه رايكو ف وادى الريان عايز اروح رحله بس مش عارف تعجبنى ولا

عايز عربيه بالتقسيط بس مش عارف اروح لمين ؟؟؟ ممكن مساعدتكم؟

الكلمات الدلالية لهذا الموضوع

المفضلات

المفضلات

ضوابط المشاركة