عرض للطباعة
سلام عليكم،
يا جماعة أنا معايا اوبل فيكترا ٩٥ ٢٠٠٠ سي سي بتاعت الوالد بس مابسوقهاش إلا نادراً و هي مركونة كتير يعني بتقعد بالشهرين مابتتحركش بس لاحظت إنه بقالها مدة كل ما أدوس بنزين ألقيها بتطلع أصوات غريبة ذي مايكون حد كاتملها بقها و بحس انها مش عايزة تتحرك ذي ما تكون كسلانة أو مربوطة بحجر في الارض غير كدة أول ما بتدور بتعمل أصوات عجيبة و ساعات ما بتدرش على طول مع العلم اننا بنستخدم بنزين ٩٢ فهل ديه مشكلة فيها ولا عادي؟ وازاي أقدر أعالجها؟
تعلجها انك تسخنها كل يوم او كل يومين وتلف بيها لفة بس كدة
+111111111111111111111111111
انت محتاج صيانه شامله للعرببه وتغيير بوجيهات وتشوف السيور اكيد مجتاجه تغيير ونشفت وبتعمل اصوات
العربية اتخنقت عايزه فلاتر تتنضف او تتغير و طقم بوجيهات و تدورها كتير و كام مشوار فى المتين
يا عم حرام عليك العربية دى لو اتخنقت هتتعب معاها قوى
يعني تفتكروا حلها اني أسخنها و أغير زيوت و فلاتر بس ولا في حاجة جامدة أحسن دي ممكن تدوخنا السبع دوخات لو حاجة جامدة بس أنا بصراحة بحبها قوي
يا باشا لا جامده و لا حاجة انا معايا 2000 سى سى مانيوال كانت مع دكتور اقصى سرعة يعرفها انه فاكر علامة الخمسين كيلو اللى فى العداد علامة الخطر و مبيزيدش عنها الا فيما ندر و هو مسافر توصل معاه 80 و لا حاجة و يوم ما اخدتها الميكانيكى بيقرص على الأر بى ام نزل من فوق كان ناقص يقتله
العربية ما فتحتش الا بالفلاتر و البوجيهات و مشوار لغاية المنصورة
يعني فلتر زيت و هواء و طقم بوجيهات بس كويس أنا كنت فاكر فيها حاجة في الانجكشن لأنها فيها حاجة تانية معلهش بس مش عارف دى عادي برضو ولا مشكلة أنا في مرتين حاولت فيهم افصل بالعربية بس كان ال ار بي إم بيوصل لحد 6 و ربع كدة من غير ما تفصل (يعني دخلت في ال رد لاين) بس كنت بخاف أزود عن كدة أحسن الصوت بيبقى عالي قوي و بحس إن الموتور هيفرقع زي ما تكون كربرتير،فهل دة عادي؟
و كمان في كام مشكلة بسيطة كدة:
1)الدبرياج بيعمل صوت عجيب كدة كل مرة أدوس عليه صوت ذي (ويئ)و أنا بشيل رجلي من عليه بيعمل نفس الصوت برضه هو مش مأثر على حاجة تقريباً بس الصوت مضايقني، ف ديه حلها إيه؟و لو محتاجة زيت أو حاجة إيه هي؟ و إيه الانواع النضيفة من الحاجات ديه؟
2)الفتيس بتاعها تقيل سنة ،بس كل ما أجيب التالت أحس إنه مزرجن و مش راضي ييجي و ايديا تقوم جايبة الخامس غصب عني لدرجة إنه في مرة اعدت بتاع تلت مرات أحاول أجيبه و أنا سايق مرضيش و خليت والدي يحاول و هو جانبي معرفش و قام جايب الخامس برضه؟ف برضه دي تتحل ازاي؟و إيه الأنواع النضيفة من الحاجات إلي هتتجاب؟
شكراً لكم كلكم وعذراً على الإطالة
بالنسبة لموضوع الدبرياج.. فده صوت السوسته اللي ماسكة الدواسة نفسها علي ما اعتقد.. و لو كده هيكون الصوت طالع من الدواسة نفسها.. يعني مصدر الصوت جنب رجلك.. ودي حاجة بسيطة.. ممكن تشحم السوستة نفسها مثلا ولا حاجة..
وبالنسبة للفتيس.. روح غير الزيت بتاعه.. و شوف النتيجة هتكون ايه..
طيب و الانجكشن؟
طيب يا باشا هيا عموما معاك تقيلة و بتعض في النقلات ولا بس في التالت ؟
هي عموماً تقيلة
بس التالت بس هو اللي بيرخم
معلش و سؤال تاني:هي إيه الحساسات اللي موجودة في العربية ديه لو فيه يعني؟
?اقتباس:
المشاركة الأصلية كتبت بواسطة MAGPC
????what about the sensorsاقتباس:
المشاركة الأصلية كتبت بواسطة MAGPC